ЯҢАЛЫКЛАР
Арчаның “Өмет чаткысы” балаларны тернәкләндерү үзәгендә “Матурлык һәм шатлык көне” узды. Бу мизгелләрне балаларга һәм аларның әти-әниләренә чараны оештыручылар — Арча районы буенча “Гаилә канаты астында” иҗтимагый оешмасы җитәкчесе Зилә Мортазина һәм быел район данын яклап “Нечкәбил”дә катнашучы Раушания Закирова бүләк итте.
31 августта Иске Муй авылында мәчет ачу тантанасы булды. Бу уңайдан мәчет янәшәсендә зур бәйрәм үткәрелде. Анда авылның бар халкы – өлкәннәрдән тыш баласы–чагасы, яше–карты җыелган, читтә яшәүчеләр дә кайткан иде. Шунда ук өстәл әзерләгәннәр, казанда пылау пешә. Ничек инде шундый зур чараны бөтен авыл белән билгеләп үтмисең!
Арча үзәгендә “Арча кичләре” булды. Арчалар ул көнне Шәһәр һәм Республика көнен билгеләп үтте.
Шәхси йортларда яшәүчеләрдә еш кына шундый сорау туа – алар калдыкларны җыйган һәм утильләштергән өчен түләргә тиешләрме? Калдыклар бөтенләй булмаучылар яисә аларны йорт шартларында төрле юллар белән утильләштерүчеләр дә бар бит әле.
Ягу сезоны башланыр алдыннан мичләр, газ казаннары, төрле җайланмалар, приборлар һәм системалар тикшерелгән һәм төзәтелгән булырга тиеш. Ватык мич һәм приборларны файдалану тыела. Сезон алдыннан һәм аннан соң да кимендә ике айга бер тапкыр төтен юлларын корымнан чистартып торырга.
26 августта Арчада мәгариф хезмәткәрләренең август киңәшмәсе булды. Анда ТР Премьер–министры урынбасары, мәгариф һәм фән министры Энгель Фәттахов, муниципаль район башлыгы Илшат Нуриев катнашты.
“Арча” муниципаль район башлыгы Илшат Нуриев 27 августта соңгы бишкөнлектә игеннәрне урып-җыюда югары нәтиҗәләргә ирешеп эшләгән өчен “Игенче” ширкәте комбайнчысы Марат Абдуллинга, “Курса МТСы” ширкәте комбайнчысы Рәис Камалиевка, “Кырлай” ширкәте комбайнчысы Ринат Нәфыйковка, “Северный” ширкәте комбайнчысы Мидхәт Мифтаховка, “Тукай” ширкәте комбайнчысы Рәдиф Сәфәровка Дипломнар, акчалата бүләкләр тапшырды.
24 августта районыбызның “Ак барс” агрокомплексы” ширкәте базасында мөгезле эре терлекләрдән үрчем алу буенча технологларның республика конкурсы узды. Бирегә үз районнарындагы ярышларда җиңүче булган 43 белгеч килде.
Узган шимбәдә ныклап төзекләндергәннән соң Сеҗе мәктәбен ачу тантанасы булды. Бу чара укучылар гына түгел, барлык авыл халкы өчен зур бәйрәм төсен алды.Узган шимбәдә ныклап төзекләндергәннән соң Сеҗе мәктәбен ачу тантанасы булды. Бу чара укучылар гына түгел, барлык авыл халкы өчен зур бәйрәм төсен алды.
Яшәгән җиреңнең матурлыгын күрәсең килсә, читкә чыгарга кирәк. Шунда күрәсең инде, безнең шәһәр кебек чиста, матур, яшеллеккә, чәчәккә күмелгән торак пункт бик сирәк. Бу гүзәллекне тудыруда территориаль җәмәгатьчелек үзидарәләренең дә өлеше зур.