ЯҢАЛЫКЛАР
17 гыйнварда Арча районы мәдәният йортында " Мин Арча баласы» проектының өченче сезоны ябылды. Тантаналы чараны Арча муниципаль районы башкарма комитеты җитәкчесе урынбасары Вафина Эльвира Шамил кызы ачты.
16 гыйнварда Казанда Татарстан Республикасы буенча ЭЭМ бинасында "Законлы территория" республика конкурсы лауреатларын бүләкләү тантанасы булды.Конкурста катнашу өчен сайлап алудан соң сигез номинациядә 40 җиңүче билгеләнде.
Утар Аты авыл җирлегендә ялгыз яшәүче карт карчыкларга ярдәм итү даими оештырылып тора.
Әңгәмәдәшебез – Арча муниципаль район башлыгы Илшат Нуриев– Илшат Габделфәртович, инде тарихка кереп калган 2022 ел районыбыз өчен кайсы яклары белән истәлекле булды?
– Узып киткән ел гади булмады, әмма без аны лаеклы күрсәткечләр белән тәмамлый алдык, игеннәрдән яхшы уңыш үстердек, спорт объектлары һәм фельдшер-акушерлык пунктлары төзүне, мәдәният йортлары һәм мәктәпләрне, паркларны һәм җәмәгать урыннарын, тротуарларны һәм балалар мәйданчыкларын төзекләндерүне дәвам иттек.
Арча эчке эшләр бүлеге хезмәткәрләре үз көчләре белән аз керемле һәм авыр тормыш хәлендә калган гаиләләрдә тәрбияләнүче балалар өчен ел да бүләкләр әзерли.
Терлек асрап караган кеше генә аның мәшәкатьләрен яхшы белә.
Район авыл хуҗалыгы һәм азык-төлек идарәсе җитәкчесе Ленар Абдуллин яңа ел алдыннан алдынгы терлекчеләргә район башлыгының Рәхмәт хатларын, акчалата премияләр тапшырды.
4 гыйнварда Арча педагогика көллиятендә Гөлнара Рәшитова истәлегенә шахмат турниры уздырылды.
Быел анда 52 спортчы катнашты. Әлеге турнирны оештыручы, башлап йөрүче – районның шахмат федерациясе рәисе Марсель Хәлилов.
Ә хоккей уйнауның сәламәтлек өчен файдасы турында сөйләп тә тормыйм. Аны һәркем беләдер.
Субаш атылар быел да хоккей ярышы уздыру традициясен бозмады. Дүрт команда Субаш Аты кубогы өчен уйнады. Турнирда Субаш Аты, Кукмара районыннан Аш-Бужи, Әтнәдән Күәм һәм үзебезнең Яңа Иябаш командалары катнашты. Турнирны оештыру, уенчыларны ашату һәм бүләкләр алу мәшәкатьле дә, чыгымлы да эш. Зур булмаган авыл өчен бигрәк тә.
Арчада 2023 елның беренче баласы бик көттереп 8 гыйнварда гына дөньяга килде.
Бәхетле ана – Казанбашта яшәүче 1993 елгы Эльзира Габдрахманова. Яңа ел башында ул ире Русланга әнә шундый зур бүләк ясады. Бала гаиләгә бәхет, шатлыклар гына алып килсен.
Арчаның ЗАГС бүлегендә Ташкич авылында яшәүче Фәнисә һәм Илшат Котдусовларның мәрҗән туйларын билгеләп үттеләр
Ул көнне Котдусовлар гаиләсе өчен зур бәйрәм булды. Аларны котларга балалары, оныклары җыелып килде.