ЯҢАЛЫКЛАР

Мондый вакыйгалар турында язуы да күңелле. Соңгы елларда көтеп алына, сирәгрәк була алар. Сүзебез — Арчада яңа эш урыннары булдыру турында. Быел “Металл” ширкәте каршында сэндвич–панель блоклар җитештерү цехы эшли башлады. “АрскПласт” ширкәте мебель цехы ачты.

Сүзне тарихтан башлыйсы килә. “Арча КСМы” ширкәте җитәкчесе Рафаэль Муллагалиев:

— Киләсе елның сентябрендә комбинатның оешуына 50 ел тула, — дип сөйләде. – 1967 елда Сеҗе ягындагы Красный Восток авылындагы 26нчы агач эшкәртү пункты Арчага — элеккеге элеватор территориясенә күчерелә. Комбинатның беренче җитәкчесе – Нәкыйп Низамов (1967–1970 еллар) булган. Миңа кадәр эшләгән җитәкчеләрне зур ихтирам белән әйтеп үтәм. Алар: Гадел Рәхимов (1970–1973 еллар), Рәфкать Сәләхетдинов (1973–1976 еллар), Вәкил Вафин (1975–1987 еллар), Равил Шәйхиев (1987–2000 еллар).

Әтнә һәм Арча районнары ветераннары арасында элемтә ныгый бара. Әле күптән түгел генә әтнәлеләр Арча якларында булып киткән иде. Бәйрәм ашы – кара–каршы, диләр. Узган пәнҗешәмбедә алар арчалыларны үзләрендә кабул итте.

Урып-җыю чорында хезмәтне саклау һәм техника куркынычсызлыгы кагыйдәләрен төгәл үтәү максатында ел саен айлык уздырыла. Ул быел 18 июльдә башланып 17 августта тәмамланырга тиеш. Ләкин хезмәт куркынычсызлыгын саклау ул ниндидер датада гына тукталып калмый, ел әйләнәсендә сакланырга тиешле чара.

Кәче авылында яшәүче тыл һәм хезмәт ветераны Суфия Җәләева шушы көннәрдә 90 яшьлеген билгеләп үтте. Аны юбилее белән котларга район башлыгы урынбасары Любовь Осина килде. Ул юбилярга Россия Президенты Владимир Путинның, район башлыгы Илшат Нуриевның Рәхмәт хатларын тапшырды.

10 августта Апаз авыл җирлегендә яшәүче гражданнарның җыены булды, анда Россия Федерациясе Дәүләт Думасы депутаты, мәгариф буенча комитет әгъзасы Илдар Гыйльметдинов, Арча районы башкарма комитеты җитәкчесе Илшат Галимуллин катнашты.

Суд район прокуратурасының Арча районында яшәүче 24 яшьлек Диана Мифтахованы ата–ана хокукыннан мәхрүм итү турындагы гаризасын канәгатьләндерде. Аңа балигъ булмаган 3 баланы карау өчен алимент түләргә дә туры киләчәк.

Субаш-Аты авылы китапханәчесе авылның Кооператив урамында яшәүчеләр өчен Сулыкларны саклау елы уңаеннан әдәби мәйдан үткәрде

Район социаль яклау идарәсе җитәкчесе Илдус Әһлиев Урта Сәрдә авылында яшәүче Нәфига Таһированы 90 яшьлек юбилее белән котлады

31 июль төнендә Агрономическая урамы, 37нче йорт каршында торган “ВАЗ–21093” машинасын урлап китәләр