ЯҢАЛЫКЛАР
Арча педагогика көллиятендә “Без бит авыл яшьләре” форумы үтте. Анда авылда, авыл хуҗалыгы тармагында эшләүче актив яшьләр чакырылган иде. Башта яшьләр төркемнәргә бүленеп, тренинглар һәм осталык дәресләрендә катнаштылар, яшьләргә генә хас булган кызыклы алымнар белән бер-берсе белән таныштылар. Шундый мөмкинлекне мин дә кулдан ычкындырмаска тырыштым. Вакытлары тыгыз булса да, бер-ике егет белән әңгәмә корып алдым.
8 гыйнварда Арча педагогика көллиятендә авиакатастрофада һәлак булган шахматчы кыз Гөлнара Рәшитова истәлегенә шахмат ярышлары булды.
Укучылар арасында “Арча хәбәрләре” газетасы кубогына шахмат ярышлары быел Курса-Почмак урта мәктәбендә үтте.
6 гыйнварда Арча үзәк хастаханәсенең бала тудыру бүлегендә истәлекле көн булды. 2019 елның беренче бәбиен әнисе, әтисе белән өенә озаттылар. Без дә бу истәлекле мизгелләрнең шаһиты булдык.
Яңа Кенәрдә яшәүче Сәгыйдәбану апа Хәбибуллина 2 гыйнварда 95 яшьлек юбилеен билгеләп үтте. Аны район башлыгы Илшат Нуриев котлады, Россия Президенты Владимир Путинның һәм үзенең Рәхмәт хатларын, истәлек бүләге, чәчәк бәйләме тапшырды.
Кәче мәктәбе үзен күрсәтте! Гомер буе башлангыч сыйныфларны укыткан Рида апа Миннебаеваның 80 яшьлек юбилеен билгеләп үтте. Мәктәпкә (директоры Нияз Муллаәхмәтов) кунакка чакыргач, юбиляр аптырап-каушап кала, ниндирәк очрашу буласын күз алдына китерә алмый. Дулкынлана. Соңыннан коллективка рәхмәт әйтеп бетерә алмады...
3-6 гыйнварда Шәмәрдәндә яшүсмерләр арасында мини-футбол буенча ярышлар булды. Арча районының 2005-2006 елгылардан торган “Торнадо” командасы – беренче, 2003-2004 елгыларныкы (икесенең дә тренерлары Р.Насыйбуллин) икенче урынны яулады.
Каникулның соңгы көнендә “Арча” спорт комплексында йөзү буенча ярышлар булды. Бу юлы ярышларны икегә бүлеп үткәрделәр. Зурраклар 6 гыйнварда йөзүдә осталыкларын сынаса, ә 2007, 2008, 2009, 2010 елгы малайлар һәм кызлар 8 гыйнварда ярышты. Ярышка Казан, Яшел Үзән, Кукмарадан да килделәр. Бу йөзүчеләргә үзләрен сынау өчен кызыклы иде. Малайларга ияреп, үзем дә ярыш карарга бардым.
Узган ел Түбән Курса авылында өч бала атасы Алмаз Зәйнетдинов агач астында калып фаҗигале төстә вафат булган иде.
Алмаз Зәйнетдинов күп еллар Урта Курса мәктәбендә волейбол буенча тренер булды, “Олимп” балалар-яшүсмерләр спорт мәктәбендә тренер булып эшләп күп спортчылар әзерләде. Декабрьдә аңа 36 яшь кенә туласы иде...
Аның исеме ике өлештән тора: гыйлем һәм шәех. Гыйлем белем дигәнне аңлата, шәех – ул көчле шәхес дигән сүз. Бу исемне әнисе ягыннан булган бабасы куша. Шәймәрдән бабай Саба районының Югары Симет авылында указлы мулла була.