ЯҢАЛЫКЛАР

Ел башында гына Мәмсәдә яшәүче Гарифә Касыймованы 100 яшьлек юбилее белән котлаган идек. Шушы көннәрдә Түбән Пошалымда яшәүче Әкълимә апа Шәйдуллинаның тууына бер гасыр булды. Иң кызыгы шунда, алар икесе дә Күлтәс авылында туып, бергә уйнап үскәннәр, дус кызлар булганнар.

“Пар яшәгәннәр тигезлекләре белән болай да бәхетле”. Иске Чүриле авылыннан 50, 40 ел бергә яшәгән парлар турында язарга утыргач, Иске Кырлай авылыннан Рәшидә апа Хәсәнованың шушы сүзләре искә төште. Чыннан да, тигезлек – зур бәхет. Яныңда серләшү, киңәшләшү, ярдәмләшү, аркылы яткан бер тактаны гына алып кую өчен булса да ирең, елмаеп каршы алырга хатының булу бәхет түгелмени.

2014 елның 18 декабре Хәкимҗановлар гаиләсенә олы шатлык алып килә: Азат белән Эльмира игезәк сабыйларның әти-әнисе булу бәхетенә ирешә. Балаларга исемне дә чын үзебезчә Әнис белән Әминә дип куштыра бәхетле әти-әни. Тик шатлык хисләре генә озакка бармый: табиблар Әнискә тумыштан йөрәк чире диагнозы куя. Эльмира йөкле вакытында даими табиб күзәтүендә булып, УЗИдан да гел тикшеренеп тора, ул чакларда бар да әйбәт була, авырту бала дөньяга килгәч кенә ачыклана.

10 июнь көнне Менделеевскида  21 яшькэ кәдәр яшьләр арасында тхэквондо буенча  Идел Буе Федераль округы Беренчелеге узды .  Татарстан Республикасы командасы -1 нче урын алды

Татарстанның  Арча  районы “Тукай” ҖЧҖ базасында  «Иң яхшы  сабанчы-2018» конкурсы  узды. Чарада  район башлыгы  Илшат Нуриев,  районның  Авыл хуҗалыгы һәм азык-төлек идарәсе  башлыгы    Ренат Гатиятов,  Татарстан Республикасы Авыл хуҗалыгы һәм азык-төлек министрлыгының  АПКны    инженер-техник  тәэмин итү бүлеге  башлыгы    Ришат Булатов,   аның   урынбасары  Илнар Габбасов, РФ АПК хезмәткәрләре һөнәр берлегенең Татарстан  республика оешмасы рәисе  Фәридә Гарифуллина, ТР  Дәүләт техника күзәтчелегенең    район бүлеге,  «Россельхозцентр» ФДБУнең  ТР  филиалы белгечләре,  хуҗалыклар  җитәкчеләре  һәм белгечләре  катнашты.

Районның аш-су остасы, эшмәкәр Нурияздан Әхмәдуллин ифтар мәҗлесе үткәрде. Коръән ашына 50ләп кеше килде. Гомер буе сәүдә системасында эшләгән Нурияздан Нуретдин улы заманында бергә эшләгән хезмәттәшләрен дәшкән. Ә ул биографиясен гади хезмәттән башлаган кеше.

Мирҗәмдә яшәүче Бибисара Корбанованы 95 яшьлек юбилее белән котларга район башлыгы Илшат Нуриев килде. Ул юбилярга Россия Президенты Владимир Путинның һәм үзенең Рәхмәт хатларын, чәчәк бәйләме һәм бүләк тапшырды.

Татарстан кечкенә шәһәрләрдә һәм тарихи җирлекләрдә уңайлы шәһәр мохите тудыру буенча иң яхшы Бөтенроссия проектлар конкурсында 920 млн. сумлык 14 грант отты. Россия буенча барысы 80 грант. Безнең Арча шәһәре проекты да “Кечкенә шәһәрләр” номинациясендә финалга үтте һәм экспертлар тарафыннан уңышлы дип бәяләнде.

Тиздән Сабантуйлар. Алар якынлашкан саен күңелдә балачак хатирәләре яңара. Бала вакытта аеруча сагынып көтәсең бит аны. Бүләк җыюлар, балалар өчен бәйрәм ясау, яңа, матур күлмәкләр. Элек Сабантуйга бүләк җыюлар белән бүгенгесен чагыштырып карыйм да...

Балалар – тормышыбызның чәчәкләре, алар безнең киләчәгебез. Ел саен укучылар һәм мәктәпкәчә яшьтәге балалар өчен лагерьлар, санаторийлар саны артып тора.