ЯҢАЛЫКЛАР
Мондый ярышны күргән юк иде әле. Шимбә көнне иртән район мәгариф идарәсе профсоюз оешмасы җитәкчесе Вакыйф Харисов шалтырата: “Профсоюз әгъзалары ярыша, бассейнга килеп китә алмассызмы икән”, – дип.
1–10 декабрьдә районда физик яктан мөмкинлекләре чикләнгәннәр ункөнлеге үткәрелде. Бу уңайдан һәркайда, мәдәният, спорт өлкәләрендә, халыкны социаль яклау бүлеге тарафыннан, мәктәп укучылары катнашында, китапханәләрдә төрле чаралар, очрашулар, бәйгеләр, ярышлар, концертлар оештырылды. 11 декабрьдә Арча Мәдәният йортында ункөнлеккә нәтиҗә ясалды.
9 нчы декабрь көнне Арча муниципаль районы ӨБ МБУ "Укучылар Сарае" базасында бочче буенча инвалидлар декадасы кысаларында, республика ачык ярышлары үтте.
23 ноябрьдә Арча балалар сәнгать мәктәбенең хореография бүлеге укытучысы Мортазина Зилә Азат кызы гаиләсе белән Мәскәү шәһәрендә "Ел гаиләсе – 2017" Бөтенроссия бәйгесенең бүләкләү тантанасында катнашты.
1 декабрьдә Казанда "Алтын баскыч" II Халыкара балалар һәм яшүсмерләр иҗаты бәйгесе узды. Конкурста үз сәләтләрен Арча балалар сәнгать мәктәбенең музыка бүлеге укучылары да күрсәтте.
9 декабрьдә Россиядә Ватан Геройлары көне билгеләп үтелә. Бу көнне Геройлар белән очрашулар традициягә әверелеп бара. Менә икенче ел рәттән инде безгә Россия Геройлары кайта, мәктәпләрдә укучылар белән аралаша. Узган ел Россия Герое Дмитрий Сафин кайтып киткәннән соң, Арча икенче мәктәбенең “Яшь армиячеләр” отрядына аның исеме бирелгән иде.
Арча муниципаль район башлыгы Илшат Нуриев 4 декабрьдә Арча шәһәрендә яшәүче Мәсхүдә Хәкимованы 90 яшьлек юбилее белән котлады.
Ноябрь ахырында район хакимияте бинасында “Бердәм Россия” партиясе рәисе Дмитрий Медведевның төбәк иҗтимагый кабул итү җитәкчесе, Татарстан Республикасы Дәүләт Советы депутаты, Татарстан Республикасы Дәүләт Советының социаль сәясәт буенча комитеты рәисе урынбасары Татьяна Воропаева гражданнарны кабул итте.
Яңа Кенәр интернат мәктәбенә килгән саен балалар сокландырмый калмый. Бу юлы район Мәдәният йорты белгечләре белән балаларның сәхнә осталыгын бәяләргә бардык. Иң яхшылар инвалидлар ункөнлегендә район Мәдәният йортында чыгыш ясаячак.
Тәскирә апага Аллаһы Тәгалә бәхетле гомер, куанычлы картлык насыйп иткән — янәшәсендә ире Ришат абый хатынын кадерләп йөри, тирә-ягында терәкләре — балалары, оныклары тәгәрәшә. 90 яшьлек гомер бәйрәме белән котлап Тәскирә Абдрахманова янына район башлыгы урынбасары Любовь Осина килде һәм юбилярга РФ Президентының, район башлыгының Рәхмәт хатларын, бүләк тапшырды.