ЯҢАЛЫКЛАР

Тәрәзә пыяласын ватып, Л. Төбәк–Чокырча авылының Тау асты урамындагы бер өйгә керә һәм аннан алюминий гардиннар, урын–җир кирәк–яраклары, өч шешә шампан шәрабы, махсус эш кием–салымы, азык–төлек (барлыгы 17012 сумга) алып чыга.

3 декабрь көнне көндезге сәгать 12 тирәсендә Кызыл Бистә урамындагы 30нчы йорт ишегалдында 36 яшьлек Д. берничә тапкыр Ш.ның битенә суга һәм аның ике кәрәзле телефонын урлый.

2016 нчы   елның 13 нче декабрендә Г.Камал исемендәге Сикертән төп гомуми белем мәктәбендә Татарстанның халык язучысы, Г.Тукай исемендәге Дәүләт премиясе лауреаты, күп санлы әсәрләр авторы – М.Мәһдиевкә багышланган II районара М.Мәһдиев укулары булып узды. Арча районы мәгариф идарәсе җитәкчесе Дәүләтбаев З.М укучыларның иҗади сәләтләрен ачуда  Мәһдиев укуларының зур этәргеч булуын  билгеләп үтте.   Фәнни-гамәли конференциянең максаты:

 Мөхәммәт Мәһдиевнең  иҗатын тирәнтен өйрәнү;

әдәби иҗатка сәләте булган укучыларны ачыклау;

укучыларда фәнни-эзләнү күнекмәләрен үстерү ;

матур әдәбият аша туган телгә, милләткә, туган җиребезгә карата хөрмәт тәрбияләү.

9 декабрь көнне инвалидлар ункөнлеге ябылу уңаеннан Арча район мәдәният йортынды  “ Сәләтләр чиксез, тик мөмкинлекләр чикле” исемле концерт булып узды.

Иске Кырлай авыл җирлегенең «Жомга көн кич белән» иҗат концерты булды

9 нчы декабрь көнне Арча районында яшәүче  Социалистик Хезмәт герое Габдрахманова Стелла Закиевна Арча муниципаль районы  “Мәрхәмәтлек үзәге” директоры Гатауллина Лейсан Наилевна озатуында Республика Дәүләт  Советында  экскурсиядә һәм Ватан Геройлары көненә багышланган тантаналы чарада булып кайтты.

Атказанган ватандашларыбызны, Социалистик Хезмәт Геройларын барлау зур хөрмәт һәм игътибар дигән сүз. 9 нчы декабрьдә Арча муниципаль районы башкарма комитеты урынбасары Рамиль Илгиз улы Гарифҗанов, Халыкны Социаль яклау бүлеге җитәкчесе Ильдус Коттус улы Әһлиев һәм Апаз авыл җирлеге башлыгы Ренат Шамил улы Садыков Мирҗәм авылында гомер итүче Социалистик Хезмәт Герое Дания Хадиҗан кызы Галимовада булдылар.

Мөмкинлекләре чикләнгән кешеләр өчен инвалидлар ункөнлегендә күп төрле чаралар үткәрелде: мәдәни-массакүләм чаралар, конкурслар, бәйрәм концертлары, музейга экскурсия һәм спорт ярышлары. Очрашуларның күбесендә Арча районы инвалидлар җәмгыяте һәм ветераннар Советы әгъзәләре катнашты.

2016 нчы елның 8 декабрендә Арча районы инвалидлары җәмәгать эшлеклесе, спикер “Дөнья Гүзәле -2013“ титулына ия булган Ксения Безуглова белән очрашуга бардылар.

Мирҗәмдә яшәүче Бибигатифә Мусинага 95 яшь тулды. Әбекәйне бәйрәм белән котларга, район башлыгының, РФ Президентының Рәхмәт һәм котлау хатларын тапшырырга Арча муниципаль район башлыгы урынбасары Любовь Осина, район социаль яклау бүлеге җитәкчесе Илдус Әһлиев килде.