ЯҢАЛЫКЛАР
9 декабрьдә “Бердәм Россия” партиясе Арча җирле бүлекчәсенең XXVI хисап–сайлау конференциясе булды. 2012 елның 22 ноябреннән 2016 елның 9 декабренә кадәр башкарылган эшләр турында партиянең җирле бүлекчәсе секретаре урынбасары Рамил Гарифҗанов хисап тотты.
Районның хокук саклау органнары исерек хәлдә транспорт белән идарә итү фактларын булдырмау буенча профилактика эшен дәвам итәләр.
ТР Роспотребнадзор идарәсенең Арча районы территориаль бүлеге 1 декабрьдән 20 декабрьгә кадәр балалар товарларының куркынычсызлыгы һәм сыйфаты буенча “кайнар линия” телефоны (88436630083, 88436631501) аша эш көннәрендә 8 сәгатьтән 12 сәгатькә; 13 сәгатьтән 17 сәгатькә кадәр гражданнарга консультация уздыра.
Арча муниципаль район башлыгы урынбасары Любовь Осина 12 декабрьдә Яңа Кишет авылында яшәүче Бөек Ватан сугышы ветераны Мөхәммәтдин Галәветдиновны 90 яшьлек юбилее белән котлады. Аңа Россия Федерациясе Президенты Владимир Путинның, район башлыгы Илшат Нуриевның Рәхмәт хатларын, бүләк тапшырды.
9 декабрьдә Арча муниципаль район башкарма комитеты җитәкчесе урынбасары Рамил Гарифҗанов, социаль яклау бүлеге җитәкчесе Илдус Әһлиев, Апаз авыл җирлеге башлыгы Ренат Садыйков Мирҗәм авылында яшәүче Социалистик Хезмәт Герое Дания Галимова янында булдылар.
Арчада мини-футбол буенча ярышлар узды. ТАССР Халык Комиссарлары Советы каршында оешкан физик культура һәм спорт эшләре буенча комитетның оешуына 80 ел тулуга багышланган турнирда Арча агросәнәгать көллияте филиалы (элеккеге 120нче училище) студентлары көч сынашты.
Казанда “Алтын лира” II Бөтенхалык фестиваль-конкурсы узды.
Арча станциясендәге күпфункцияле үзәктә “Тормыш парлыларны ярата” дигән искиткеч матур, җылы, күңелгә ниндидер бер рәхәтлек бөрки, җанга сихәт өсти торган бәйрәм – әдәби–музыка кичәсе – озак еллар тигез, тату гомер иткән парлар белән очрашу булды. Аны “Җидегән чишмә” Арча халык театры үзешчән артисткасы Резеда Гарифуллина алып барды.
Балалар һәм яшүсмерләр спорт мәктәбенең спортчы кызлары арасында баскетбол буенча ТР Чемпионаты узды. Быел спорт мәктәпләренең төрле яшьтәге төркемнәре өчен беренчелеккә ярышлар сентябрьдән ноябрьгә кадәр дәвам итте.
Ялган алкоголь продукциясе сату фактын ачыклау буенча Татарстан Республикасы дәүләт алкоголь инспекциясе Арча территориаль бүлекчәсе белгеченең Россия Эчке эшләр министрлыгының Арча районы буенча бүлеге хезмәткәрләре белән уртак рейды нәтиҗәле булды.