ЯҢАЛЫКЛАР

9 декабрь — Халыкара коррупциягә каршы көрәш көне. Әлеге уңайдан Арчада яшьләр белән төрле чаралар уза.

Районда бүгенге көндә иң тотрыклы эшләүче предприятиеләрнең берсе — “Металл” ширкәте. Аны Югары Әзәк авылында туып–үскән Фәнил Гарәфиев оештырды. Гаять кешелекле, киң күңелле, һәрвакыт ярдәм кулы сузарга әзер торганы өчен хөрмәт итәләр, яраталар иде бу шәхесне.

9 декабрь Россиядә Ватан Геройлары көне буларак билгеләп үтелә. Шул уңайдан безнең районга Мәскәүдән Советлар Союзы Герое, очучы–космонавт (71нче космонавт, югары исемгә 1991 елда лаек була), полковник Анатолий Арцебарский, Россия Герое (бу исем Чечня сугышында күрсәткән батырлыгы өчен бирелә), полковник Дмитрий Сафин килде.

Районыбыз талантларга бай. Соңгы дистә елларда халкыбызның җыр–моңга һәвәсләнеп китүе дә күңелне сөендерә.

Инвалидлар ункөнлеге уңаеннан төрле чаралар үткәрү матур традициягә әверелеп китте.

Тик изгелек бер көндә яки ункөнлектә генә түгел, даими эшләнә торган әйбер. Шуңа аның вакыты да чикле түгел. Ә кечкенә вакытта ук балаларда изгелек тәрбияләнсә, алар үскәч тә шәфкатьлелек, мәрхәмәтлелек сыйфатларын югалтмаячак. Менә шуларны күздә тотып тәрбиялиләр дә инде балалар бакчаларында малайлар һәм кызларны.

Шушмабашта депутат белән очрашу җыелышында бер агай сүз алып, ник авыл кешесен мыскыл итәләр, күпме хезмәт куеп үстергән үгезеңне дә үзең суеп сата алмыйсың, Казанбашка алып барсаң ярты үгезең китә, дигән иде.

1941 елның октябрендә немец армиясе Мәскәүгә якынлаша, Казанга да куркыныч туа. Ил җитәкчелеге Идел буенда саклану линиясе төзү турында карар кабул итә. Казан каймасы дип аталган ныгытманы төзүдә Арча районы кешеләре дә катнаша. Алар начар киенгән, ачлы–туклы килеш 45 градуска җиткән салкында иртә таңнан караңгыга кадәр туң җирне чокып саклану корылмалары казыйлар. Ватандашларыбызның бу тиңдәшсез батырлыгына быел 75 ел тула.

12 декабрьдә Пенсия фондында (Комсомол урамы, 4нче йорт) гражданнарны кабул итү көне кысаларында сәгать 12дән 20 сәгатькә кадәр гражданнарны кабул итү үткәрелә.

Район балигъ булмаганнар һәм аларның хокукларын яклау комиссиясенең утырышы булды. Утырышны район башкарма комитеты житәкчесенең социаль мәсьәләләр буенча урынбасары Рамил Гарифҗанов алып барды.

РФ Хезмәт кодексының 186нчы маддәсе нигезендә, кан һәм аның компонентларын бирү көнендә, шулай ук моңа бәйле медицина тикшерүе көнендә хезмәткәр эштән азат ителә.