ЯҢАЛЫКЛАР

Муниципаль район башлыгы Илшат Нуриев “Игенче”, “Тукай”, “Мәрҗани” хуҗалыкларында чәчүлекләрнең торышын карады, азык әзерләү, урып–җыюга әзерлек мәсьәләләре белән кызыксынды, җитәкчеләр, механизаторлар белән очрашып сөйләште.

Бисмилләһир-рахманир-рахим. Әссәләмү галәйкүм үә рахмәтуллаһи үә бәрәкәтуһ! Әлһәмдүлилләһ! Шатлыклы көнгә – Ураза гаетенә дә җиттек. Ураза бәйрәмнәре мөбарәк булсын!
Бер яктан Рамазан гаете – шатлыклы бәйрәм көне дә, икенче яктан –кызганыч та, чөнки ихлас күңелдән изге гамәлләр кылып, тәкъвалык- та уздырган изге шәриф Рамазан ае тәмамланды. Ураза ае мөселманнарны тәрбияли торган ай. Суны, ризыкны гына калдырмадык, ә бәлки начар сүзләрдән, гамәлләрдән, фикерләрдән тыелып тордык. Күзләребез күбрәк Коръән аятләрен укыды, телләребез зикерләр кабатлады, кулларыбыз изге гамәлләр кылды, уй-фикерләребез яхшылыкта гына булды. 

Узган җомгада район башлыгы Илшат Нуриев ифтар мәҗлесе үткәрде. Анда Арча мәчетләреннән, мәдрәсәләреннән мөгаллимәләр һ.б. катнашты. 
– Шулай хөрмәт иткәч күңелле, – диде Арча станциясендәге “Изгеләр” мәчете мөгаллимәсе Гөлнара Әхмәтова. – Үзем ательеда эшлим, ял көннәрендә мәдрәсәдә укытам. Мөхәммәдия мәдрәсәсендә алган белемнәрем әрәмгә булмасын дим. Аллаһы Тәгалә ризалыгы өчен йөрүчеләр без.
– Бу рәхмәт, мәгърифәт ае, гөнаһлардан котыла торган ай. Аллаһы Тәгалә белән очрашуга без һәрвакыт әзер булырга тиеш. “Ризыкланыгыз һәм үзегезгә мәңгелек ризык әзерләгез. Мине зурлавыгыз белән сез мәңгелектә тук булырсыз”, – дигән Аллаһы Тәгалә. Рамазан аенда менә шундый мәҗлесләр үткәрү, иманнарыбызны ныгыту насыйп булды, – диде мөгаллимәләр шурасы рәисе Рая Фәтхуллина.

Районда социаль җыелмадан файдаланырга хокуклы 8426 кеше яши.

Алар – Бөек Ватан сугышында, төрле сугыш хәрәкәтләрендә катнашучылар, инвалидлар һ.б. Бу категориядәгеләр бушлай юл транспорты, санаторий, дарулардан файдалана. Шушы 8426 кешенең 5908е, ягъни 71 проценты бу төр хезмәтләрдән баш тартып, акчасын ала. Җәмгысы 995 сум 23 тиен акча ул. Шуның 766 сум 55 тиене даруга каралган. Бушлай дарулардан баш тарткан инвалидларның 50 проценты авылда яши, шул ук күләмдә – Арча шәһәрендә. Район башлыгы урынбасары Любовь Осина авыл җирлекләре башлыклары белән үткәрелгән киңәшмәдә:

Узган җомгада 2016 елның язгы соңгы чакырылышында 12 егет армия сафларына китте.

Татарстан Республикасы хәрби комиссариатының Арча һәм Әтнә районнары буенча бүлегендә үткән тантаналы озатуда ата–аналар, районның яшьләр эшләре һәм спорт бүлеге җитәкчесе Зиннур Сәгыйтов, район мөхтәсибе Раил Гыйлаҗев катнашты.

– Армиядән куркырга кирәк түгел. Саратовтагы район шефлык күрсәткән хәрби частьта мин дә булып кайттым. Бүгенге шартларны үзем хезмәт иткәндәге чор белән чагыштырырлык та түгел. Шуны онытмагыз–иң сыналган дус та армиядә табыла. Хәерле сәгатьтә. Исән–сау әйләнеп кайтыгыз, – диде Зиннур Сәгыйтов.

Арчада республика янгын сүндерүчеләренең ярышы булды. Янгын сүндерүчеләр даими башкара торган эшләрен бүген республика күләмендә, үзләренең ни дәрәҗәдә оста, җитез, елгыр, төгәл булуларын күрсәтте.

Мондый ярышлар һәр өч ел саен булып тора. Ә респуб- лика күләмендәгесе Арчада әле тәүге тапкыр. Бирегә иң яхшы 9 команда килгән. Алар ике этаптан торган зона ярыш- ларында сайлап алынган җиңүчеләр. Янгын сүндерүчеләрнең хезмәтенең авырлыгын алар үзләре генә белә. Үзең башкарган һәр эш авыр, әлбәттә, тик аларныкы кебек ут эченә керү — икеләтә авыр. Бүген ярышта яшьләр катнашса да, яннарында көч тә биреп, киңәшләре белән дә ярдәм итүче өлкәннәрдә бар.

“Товарны кулга алып караганда ватылса яки кителсә, сатып алучы аның бәясен түләргә тиешме?”

Сорауга ТР Дәүләт алкоголь инспекциясе Арча территориаль органы эчке базарны координацияләү һәм үстерү бүлеге җитәкчесе Ләйсән Абдуллина җавап бирә:

— Кибеттә вакытта әле бәясе түләнмәгән товар зарарланса, без аның бәясен түләргә тиешме, дип сораучылар шактый. Әгәр сезнең ялгышлык белән товарга зыян килгән икән, әйтик, минераль су шешәсен ватсагыз, бу хәл товар өчен акча түләгәнгә кадәр булса, кибет хезмәткәрләре сездән акча таләп итә алмый. Чөнки әле кибет белән сатып алучы арасында килешү төзелмәгән була (бу очракта килешү булып кассадан алынган чек санала). РФ Гражданнар кодексының 211нче маддәсендә әйтелгәнчә, милекнең ватылуы яки зарарлануы өчен кибет җавап- лы. Бу очракта, товар өчен кассада акча түләгәнче, кибет аның хуҗасы булып тора. Әгәр әйбер кассада акча түләгәннән соң ватылса, ул очракта сатып алучы бернәрсә дә таләп итә алмый.

35 яшьлек Данис Гыйльмуллин хатынын үтергән өчен 10 елга ирегеннән мәхрүм ителеп каты режимлы колониягә җибәрелде.

Фаҗига узган елның декабрь ахырында Урта Пошалым авылында була. Яңа ел алдыннан Гыйльмуллиннар мал суярга булалар. Ярдәмгә өч авылдашны чакыралар. Алар эшне бетергәч өйләренә кайтып китә.

Район башлыгы карары

24 июнь 2016 ел №71

Район гомуми белем учреждениеләренең 2016 елда “Укудагы аеруча уңышлары өчен” медале белән бүләкләнгән чыгарылыш сыйныф укучыларын Арча муниципаль район башлыгының

Рәхмәт хатлары белән бүләкләү турында

Уку елын уңышлы төгәлләү уңаеннан район гомуми белем учреждениеләренең “Укудагы аеруча уңышлары өчен” медале белән бүләкләнгән түбәндәге чыгарылыш сыйныф укучыларын Арча муниципаль район башлыгының Рәхмәт хатлары белән бүләкләргә:

22–23 июнь төнендә Түбән Мәтәскә авылында яшәүче гражданин С.ның “Шкода Фабиа” маркалы машинасыннан “Алпайн” автомагнитоласы панелен һәм “Аsus” маркалы тышкы каты дискны урлап китәләр. Зыян 2600 сумга төшә. Тик карак урлап тапкан малы белән озак хозурланып йөри алмый, аның кемлеге бик тиз ачыклана.