ЯҢАЛЫКЛАР
26 мартта Йошкар–Ола шәһәрендә узган “Чулпан” балалар үзешчән сәнгатенең V төбәкара фестивалендә укучыларының уңышлы чыгыш ясаулары уңаеннан һәм милли мәдәният, халык традицияләрен үстерүгә керткән зур өлешләре өчен Арча балалар сәнгать мәктәбе укытучылары Тайфә Гыйдиятуллина, Альберт Гайнетдинов һәм Нәзир Фәхретдинов Мари Иле республикасы Мәдәният, матбугат һәм милләт эшләре буенча министрлыгының Рәхмәт хаты белән бүләкләнделәр.
2016 елның февралендә Арча районара тикшерү бүлеге 56 яшьлек Казан шәһәре кешесен юл–патруль хезмәте инспекторына ришвәт бирергә маташуда гаепләү эшен тикшереп судка җибәрде.
“Татпотребсоюз” идарәсе халыкны яшелчә үстерүгә киңрәк тарту максатында бушка орлыклар белән тәэмин итә. Безнең районга быел 2 тонна утырту суганы, 8 килограмм кишер, 20 килограмм чөгендер орлыклары кайтарылды
19 апрельдән 10 майга кадәр документлар кабул ителә. Белешмәләр өчен район авыл хуҗалыгы һәм азык–төлек идарәсенең финанс–икътисад бүлегенә мөрәҗәгать итәргә.
Яз җитүгә янгыннар ешая. Шушы уңайдан киңәшмәдә районда янгын куркынычсызлыгын тәэмин итү буенча бурычлар билгеләнде.
Авыл җирлекләре башлыкларына урыннарда халыкка аңлату эшләре алып бару, аеруча социаль яктан имин булмаган гаиләләргә игътибарны арттыру таләбе куелды.
Арча шәһәрендәге предприятие, оешмалар үз территорияләрен тәртипкә китерде. Уку йортлары бик актив эшләде. Педагогика көллияте, Арча агросәнәгать көллияте филиалы, азык комбинаты, газ куллану хезмәте оешмасы һ. б. коллективлар тырышлыгын билгеләп үтәргә кирәк.
16 апрельдә Йошкар-Олада бию ижатының "Шома бас" I Халыкара фестиваль-конкурсы булып узды. Конкурста Саба районы, Волжск, Мари Иле Республикасы бию коллективлары көч сынашты
Без барыбыз да беләбез, мультфильм балалар өчен үзенчәлекле күңел ачу чарасы. Мультфильмнар балаларда фантазияләү, уйлау, фикерләү һәм сүзлек запасын арттыра.
18 апрельдә Ашытбаш авыл мәдәният йортында “Дуслык дәресе” узды. Дәрес барышында дуслык турында презентация карадылар. Изге гамәлләрне күбрәк кылу мөмкинлеге турында сөйләштеләр.
18 апрельдә – Иске Кишет авыл клубында, төрле милләт вәкилләре арасында дуслык күпере урнаштыру максатыннан, балалар белән "Дуслык күпере" дигән чара уздырылды.