ЯҢАЛЫКЛАР
Инсультны ничек булдырмаска, булган очракта – ничек дәваланырга
Инсульт
Арчага Казан табиблары кайтып тора. Лекцияләр сөйлиләр.
Бу юлы инсульт белән авыручыларга ярдәм итүче “Зәңгәр тасма” фонды президенты, Төбәкара клиник-диагностика үзәгенең (МКДЦ) бүлек мөдире Тимур Демин, “Зәңгәр тасма” фондының башкарма директоры, Казан дәүләт медицина университетының тернәкләндерү кафедрасы доценты Гүзәл Старостина кайтты. Тема: инсульт – ми кан әйләнешенең кискен бозылуы. Докторларны Арча һәм күрше-тирә район табиблары, шәфкать туташлары, фельдшерлар тыңлады. Иң башта Тимур Демин Арча үзәк хастаханәсе баш табибы Рифат Идрисовка үзара аңлашып хезмәттәшлек иткән өчен Рәхмәт хаты тапшырды.
Арча мәдәният йортында “Герой әтисе” республика күчмә күргәзмәсен ачу тантанасы булды
Гөлсинә Зәкиева
Ул махсус хәрби операция зонасында батырлык күрсәтеп, дәүләт бүләгенә лаек булган һәм яу кырында башын салган герой егетләребезгә, аларның әтиләренә багышлана.
Бөек Ватан сугышы ачысын балачак җилкәләрендә татыган Пикстан һәм Оксина Уразаевалар Лада кызларын көтә
Гөлнур Миннебаева
Арча районыннан махсус хәрби операция зонасында хезмәт итүче өч хатын-кыз бар.
Гөлсинә Зәкиева
Халыкара хатын-кызлар көне уңаеннан Арча мәдәният йортында эчтәлекле дә, үзенчәлекле дә концерт булып узды.
Үзенчәлеге нидә? Ул махсус хәрби операциядә катнашучы райондашларыбызның әниләре, хатыннары өчен, аларны бәйрәм белән котлап оештырылды.
Көрәш
Румия Гарифҗанова
Мамадыш районы Түбән Ушма авылында татарча көрәш буенча “Ялкын” журналы призына Татарстан беренчелеге ярышлары булып узды.
2009-2010 елгы малайлар арасында үтте ул. Ярышта Арчадан өч команда катнашты. Һәм алар уңышлы көрәшеп, җиңүләр белән кайттылар. Арчаның беренче командасы беренче урынны алды.
Ярый әле төшкәнмен дип, кәефләр күтәрелеп менде. Сүзем Арча стадионында үткән “Кичке чаңгы юлы” турында
Румия Саттарова
Чаңгы шуучылар шактый җыелды. Район башкарма комитеты җитәкчесе Ренат Гатиятов кичке манзарада бергәләп чаңгы шуу чарасын тантаналы шартларда ачып җибәрде, яшен-картын чаңгы шуарга, сәламәт тормыш рәвеше алып барырга өндәде, исәнлек-саулык теләде.
Ильяс Фәттахов
Россиянең һәм Татарстанның атказанган укытучысы Бакый ага Зыятдинов “Рәхмәт сиңа, Хәсәншәех!“ дигән китабында район архивында сакланган гыйбрәтле бер мәгълүмат китерә: “1939-1940 уку елында Хәсәншәех башлангыч мәктәбендә 161 бала укыган, аларны дүрт укытучы укыткан. Бүгенге көндә 104 укучы булып, аларны 24 укытучы укытып, тәрбия эше алып бара.
Әлеге мәгълүматны ул вакыттагы укытуның хәзерге белән чагыштырганда нинди авыр шартларда баруын күз алдына китерү өчен бирәм. Сыйныф бүлмәләре гаҗәеп кысан, күргәзмә әсбаплар бик аз, бер сыйныфта яшь аермасы өч-дүрт ел булган балалар укый, шуңа тәртип тоту да бик авыр була“. (2006 ел)
Татарстан Фәннәр академиясенең Мансур Хәсәнов исемендәге Татар энциклопедиясе һәм төбәкне өйрәнү институтының Арчага фән эшлеклеләре кайтты
Румия Надршина
Алар Арча районы энциклопедиясен эшләү буенча үзләренең киңәшләрен бирделәр.
Район башлыгы Илшат Нуриев 4 мартта Арча шәһәрендә яшәүче тыл ветераннары
Арча үзәк китапханәсендә “Тормыш бит ул матур китап кебек, язучысы аның үзебез” дигән очрашу кичәсе узды
Иҗат
Гөлсинә Зәкиева
Ул үзешчән шагыйрә, искиткеч матур әсәрләр авторы Гөлара Шәрипованың илле яшьлек юбилеена багышланды.
Гөлара турында мин беренче тапкыр сәхнәдән ишеттем һәм үзен дә күрдем. Буа дәүләт театры җитәкчесе Раил Садриев аның шигырен сөйләде һәм авторын сәхнәгә чакырды. Аннан соң инде күпме еллар үтте. Хәзер Гөлараның шигырьләрен бик күп кеше сөйли, көйгә сала, җырлый, танылган шагыйрәләр аның турында искиткеч матур сүзләр җиткерә. Бу юлы иҗат кичәсенә кайткан республиканың атказанган сәнгать эшлеклесе Сания Әхмәтҗанова Гөлара Шәрипованы “Арчаның асылташы” дип атады, аңа багышлап язган шигырен дә укыды. ТР Мәдәният министрлыгының ресурс үзәге методисты Миләүшә Насыйбуллина аның җилкәсенә милли бизәкле яулык салды.