ЯҢАЛЫКЛАР

Габдулла Тукайның туган көне алдыннан Өчиле авылы дәрәҗәле кунаклар – “Габдулла Тукай энциклопедиясе”н эшләүдә зур көч куйган Г.Ибраһимов исемендәге тел, әдәбият һәм сәнгать институты галимнәрен, фән эшлеклеләрен кабул итте. Кунаклар авыл мәктәбенә энциклопедияне тәкъдир итү кичәсенә кайтты.

9 майда илебез Бөек Ватан сугышында Җиңүнең 73 еллыгын бәйрәм итәчәк. Һәр елны әлеге истәлекле көндә бөтен илдә Үлемсез полк колоннасы үтә. Анда миллионлаган кеше Бөек Ватан сугышы ветераннары һәм тыл хезмәтчәннәре фоторәсемнәрен тотып барачак.

“Татар теле һәм әдәбиятын яратмыйча мөмкин түгел, ул шундый матур тел! Шушы телнең матурлыгын тоя белүчеләр — үзебезнең милләт кешеләре генә түгел, монда японнар да, үзбәкләр дә бар. Алар өйрәнү җаен тапканнар. Димәк, безнең тел мәңге яши, мәңге үсә, аны яшәтүдә сезнең өлешегез, һичшиксез, зур», — дип сәламләгән иде яшьләрне Татарстан мәгариф һәм фән министрының беренче урынбасары Илсур Һадиуллин VI халыкара олимпиада ачылышында.

20 апрельдә Арчада Татарстан Республикасы Дәүләт Советы “Мәрхәмәт–Милосердие” хатын-кыз депутатлары берләшмәсенең “Авыл хатын-кызы – игътибар үзәгендә” темасына багышланган күчмә утырышы булды.

“Куркынычсыз тәгәрмәч” дигән юл хәрәкәте яшь инспекторлары район бәйгесе традиция буенча ел да үткәрелеп килә. Быел да яшь инспекторлар гадәттәгечә Арчаның бишенче гимназиясенә җыелды. Анда 31 мәктәптән 120дән артык укучы катнашты.

Лубян урман-техник көллияте коллективы Арчаның алтынчы мәктәбендә район мәктәпләре укучылары белән очрашу үткәрә, дигәч, мин аны һөнәри юнәлеш бирү буенча рәсми бер чара дип күз алдына китергән идем. Ә ул ниндидер якты, күңелгә ятышлы, үзенчәлекле кичә булды.

“Арча” спорт комплексында яшүсмерләр арасында ДОСААФ район оешмасы (җитәкчесе Рөстәм Алеев) призына татарча көрәш ярышлары булды. Балтач, Теләче, Биектау көрәшчеләре дә килде. Барысы 135ләп көрәшче бил алышты.

Әңгәмәдәшебез – “Арскэкопродукт” кооперативы җитәкчесе Рафил Исмәгыйлев.

Күптән көтелгән хыял тормышка ашты!Габдулла Тукай энциклопедиясе дөнья күрде! Ул — татар телендә эшләнгән беренче персональ энциклопедия.

Проект киң катлау укучыларга юнәлдерлегән. Ул шагыйрь яшәгән һәм иҗат иткән чорны, аның тирәлеген һәм әсәрләрен аңлауда булышлык итәрлек күп төрле ачышларны һәм фикер-күзәтүләрне бергә туплаган фундаменталь хезмәт.

Бүген, 23 нче апрель көнне, Арча шәһәре 6 нчы номерлы урта гомуми белем мәктәбендә, бөек татар шагыйре Г.Тукайның тууына 132 ел уңаеннан “Без – Тукай варислары”дип исемләнгән шигырь укучылар конкурсы үткәрелде.Конкурста барлыгы  53   укучы катнашты.