ЯҢАЛЫКЛАР

Район газ хезмәте системасында озак еллар намуслы хезмәте өчен һәм 60 яшь тулу уңаеннан Арча газ куллану хезмәтенең Кенәр газ участогы җитәкчесе Сабиров Зөлфәр Габделхак улы муниципаль район башлыгының Рәхмәт хаты белән бүләкләнде.

Кибетләрдә алкоголь продукциясе сату кими, ә шул ук вакытта суррогатлар белән агулану очраклары артканнан–арта. Йөз граммлы шешәләрдә һәм биш литрлы канистрларда составына спирт кергән сыеклыкларны, законсыз җитештерелгән алкоголь продукциясен, Казахстаннан кергән аракыны, шулай ук лицензиясез, балигъ булмаганнарга, закон тарафыннан тыелган вакытта, стационар булмаган сәүдә нокталарында, шәхси йортларда сату проблемасы кискенләшә бара. Тик сер капчыкта ятмый, моны халык сизә, күрә, белә. Ә нишли ала?

Районда 196 егет һәм кыз 11 сыйныфны тәмамлады. Барысы да бердәм дәүләт имтиханнарын тапшырып, өлгергәнлек аттестаты алды. Тантаналы шартларда кулларына белем таныклыгы алгач, иң–иңнәр район хакимияте бакчасындагы Йолдызлар аллеясында үз йолдызларын кабызды һәм бар да кичен Арча стадионында бәйрәм итте. Чыгарылыш кичәләре узганнан соң, тагын күңелле мәшәкатьләр башланды...

Җомга көн. Кичке сәгать 4нче яртыда шарлар тоткан яшьләр район хакимияте бакчасына Йолдызлар аллеясына җыелды. Күңелле шау–шу. Араларында ике егет кенә ничектер җитдиләнеп, уйчанланып калган. Дулкынланмаслык та түгел: алар биредә үз Йолдызларын кабызачак! Мондый дәрәҗәгә быел Арчаның 1нче мәктәбеннән Булат Мөхәммәтнуров һәм Иске Чүриле мәктәбеннән Динар Җәләев лаек булды. Тантанада район башкарма комитеты җитәкчесе урынбасары Рамил Гарифҗанов катнашты. Штерә егете Динар Арча Укучылар сараенда “Нур” телестудиясенә йөрде, журналист ролендә кызыклы кешеләр белән әңгәмә оештырды, футбол, хоккей уйнады, район сәхнәсендә мәдәни чаралар алып барды. Шаян да, җитди дә була белә. Әнисе Эльмира ханым:

– Теле әтисенеке (Раил, укытучы), – ди уены–чыны белән.

Арча муниципаль район башлыгы Илшат Нуриев 26 июньдә Зур Бирәзә авылында яшәүче Бөек Ватан сугышы һәм хезмәт ветераны Ибраһим Мөстәкыймовны 90 яшьлек юбилее белән котлады. Аңа Россия Федерациясе Президенты Владимир Путинның һәм үзенең Рәхмәт хатларын, бүләк тапшырды.

ТР Фән һәм мәгариф министрлыгының “Татарстан Республикасы гомуми белем оешмаларында татар телен һәм әдәбиятын укытуны камилләштерү” темасына багышланган чираттагы коллегия утырышы узган атнада Арча педагогика көллиятендә узды.

Утырышта катнашучы рес- публиканың төрле районнарыннан килгән мәгариф өлкәсе хезмәткәрләре милли мәгарифнең үзенчәлекләре, рус телле мәктәпләрдә татар теле һәм әдәбияты укытуда замана технологияләре турында сөйләштеләр. Соңыннан районнарның мәгариф идарәсе  җитәкчеләре урынбасарлары, методистлар, белгечләр, уку йортлары директорлары, татар теле дәреслекләре, методик әсбаплар авторлары катнашында семинар–киңәшмә үткәрелде. Анда рус телле балаларга татар теле һәм әдәбияты укыту үзенчәлекләре, милли белемне үстерү мәсьәләләре күтәрелде.

Арча шәһәре башкарма комитеты, җирле әһәмияттәге мәсьәләләрне хәл иткәндә халыкның хокукларын һәм законлы мәнфәгатьләрен саклау максатында, түбәндәгеләрне хәбәр итә. 2016 елның 29 июнендә 17 сәгатьтә Г. Тукай исемендәге Арча педагогика көллияте янында “Көнбатыш” территория җәмәгать үзидарәсе микрорайонында яшәүчеләрнең җыелышы була.

Көн тәртибендә ТР Арча шәһәре, ТАССРның 90 еллыгы урамы, 42 (Г. Тукай исемендәге Арча педагогика көллияте белән янәшә) адресы буенча парк зонасында балалар иҗаты үзәге белән 500 урынлы мәктәп төзү мәсьәләсен тикшерү.

Белешмәләр өчен телефон: 8(84366)3–15–51. Элемтә тотучы кеше “Көнбатыш” микрорайоны җәмәгать үзидарәсе рәисе Минзин Ирек Рөстәм улы (89179134790).

Арча муниципаль район башлыгы урынбасары Любовь Осина Яңа Кенәр авылында яшәүче Хәят Шакированы 90 яшьлек юбилее белән котлады. Аңа Россия Федерациясе Президенты Владимир Путинның Арча районы башлыгы Илшат Нуриевның Рәхмәт хатларын, бүләк тапшырды.

Хәят әби Иске Ашыт авылында туган. 14 яшьтән колхозда эшли. 1957 елда Яңа Ашыт егете Малик Шакировка кияүгә чыга. 5 бала үстерәләр. 13 оныклары, 22 оныкчыклары бар.

Әңгәмәдәшебез – район башкарма комитетының икътисад бүлеге җитәкчесе Зөлфәт Шәрәфетдинов.

– Зөлфәт Зөфәрович, быел Татарстанда “Бизнес-класс” федераль проекты эшли башлады. Шул турыда сөйләсәгез иде.

– Эшмәкәрлек белеме бирүче әлеге федераль проект Татарстанда беренче тапкыр старт алды. Быел 15 майда Россиянең Goolge компаниясе һәм Саклык банкы Татарстан Респуб- ликасының Икътисад министрлыгы ярдәме белән Россия өчен үзенчәлекле “Бизнес-класс” проектын эшләтеп җибәрде. Бу проектта һәркем катнаша ала, хәтта пенсионерлар да. Интернет челтәрендә билгеле бер тестны үткәннән соң үз бизнесыңны булдыру һәм аны тагын да үстерү буенча бушка онлайн-курслар үтү проекты ул.

2002 елның 12 июнендәге “Россия Федерациясе гражданнарының сайлау хокукларына һәм референдумда катнашу хокукларына төп гарантияләр турында”гы 67 номерлы Федераль законның 19нчы маддәсе нигезендә, Арча районы территория сайлау комиссиясе тәкъдиме буенча Арча район башкарма комитеты карар бирә:

1. Арча муниципаль районының 2013 елның 17 гыйнварындагы “Арча муниципаль районы территориясендә сайлау участоклары төзү турында”гы (2015 елның 14 июлендәге, 2016 елның 26 июнендәге үзгәрешләр белән) 14 номерлы карарына түбәндәге мәгълүматлар белән үзгәрешләр кертергә:

1 июльдә сәгать 10да Үзәк мәйданда “Барыгыз да велосипедка!” девизы астында Сәламәтлек көне уздырыла. Барлык теләүчеләр үз велосипедлары белән катнаша алалар.