ЯҢАЛЫКЛАР
“Арча” спорткомплексында район тарихында беренче тапкыр билбау көрәше буенча Татарстан Чемпионаты узды. Анда 200дән артык иң көчле көрәшче катнашты. Бу ярышларның көрәшчеләр өчен шундый бер өстенлеге дә бар иде – һәр авырлык категориясендә җиңүче Россия Чемпионатында катнашу мөмкинлегенә ия булды.
17 майда сәгать 12дә “Бердәм Россия” партиясе Арча җирле бүлекчәсенең җәмәгать кабул итү бүлмәсендә Татарстан Республикасы Дәүләт Советы депутаты Рауил Рәхмәтуллин Арча шәһәре, Банк урамы, 6в йорт (социаль яклау бүлеге, 11 бүлмә) адресы буенча гражданнарны кабул итә. Алдан язылу өчен телефон: 3–18–08, 3–28–80.
17 майда сәгать 10да “Казан арты” тарих-этнография музеенда язучы, журналист Радик Фәизовның тууына 85 яшь тулу уңаеннан искә алу кичәсе була. Иҗат сөючеләрне көтеп калабыз.
16 майда почтаның үзәк бинасында “Әбүнәчеләр көне” уздырыла. Анда “Арча хәбәрләре”, “Шәһри Казан”, “Сөембикә” газета-журналлары редакцияләре вәкилләре үз бүләкләре белән катнашачак. Шулай ук кайбер басмаларга ташламалы бәядән язылырга мөмкин булачак. Рәхим итегез!
Бүген, 13 майда, Арча хәрби комиссариатыннан армиягә беренче чакырылыш үткәрелә. Арча районыннан 13 егет армиягә китә. Язгы чакырылышта барысы 93 егет армия сафына алыначак.
Арча районы яшьләр парламенты слеты булды. Саба, Теләче, Балтач, Әтнә районнарыннан да яшьләр килде. Район балигъ булмаганнар эшләре һәм аларның хокукларын яклау комиссиясе сәркатибе Лилия Завялова, Арча районы яшьләр парламенты рәисе Чулпан Кыямова, “Аграр яшьләр берләшмәсе” хәрәкәте җитәкчесе Лиана Калинина кунакларны каршы алып, слетны оештырдылар.
Шушмабаш авылында яшәүче Зөфәр Фәтхрахманов 2016 елда ике тапкыр автомобиль белән исерек хәлдә идарә иткәндә тоткарлана.
2 май кичендә Арча стадионында бер ир–ат белән бер хатын–кыз Казан кешесен талап, киемнәрен һәм акчасын ала
7 май көнне Апаз урта мәктәбендә Советлар Союзы Герое Нәкыйп Сафинга багышланган мемориаль такта ачу тантанасы булды. Мирҗәмдә туган Герой башлангыч белемне туган авылында алганнан соң, 1932-1935 елларда Апаз җидееллык мәктәбендә укый.
7-8 майда Казан шәһәрендә VI Халыкара “Мәдәният, сәнгать, иҗат” конкурсы узды. Россиянең төрле төбәкләреннән килгән 170 катнашучы арасында безнең районның да сәләтле балалары бар иде.