ЯҢАЛЫКЛАР
22 нче декабрь көнне "Арча" спорткомплексында "Арча КСМ" призына волейбол буенча ачык турнир булып узды. Волейбол турнирында 9 команда көч сынашты. Алар: Арча, "Яшьләр" (Арча), "Ветераннар" (Арча), Әтнә, Шәмәрдән, Балтач, Кукмара, Биектау, Алабуга командалары.
1 нче урында Алабуга командасы, 2 нче урында Арча районы командасы. 3 нче һәм 4 нче урыннарны Саба һәм Биектау командалары бүлеште. Алабуга командасы күчмә кубок белән бүләкләнде. Шулай ук призлы урыннар алучы командалар медаль һәм грамоталар белән бүләкләнде.
“Казан арты” тарих-этнография музеенда Бөтендөнья татар конгрессының җирле бүлекчәсе утырышы булды. Анда мәдәният, мәгариф идарәләре, яшьләр эшләре һәм спорт бүлеге, сәнгать мәктәбе, мәдәният йорты, волонтерлар оешмасы, яшьләр парламенты, “Ак калфак” татар хатын-кызлар оешмасының Арча бүлекчәсе җитәкчеләре һәм вәкилләре катнашты.
Кечерәк кенә авыл булса да, Урта Сәрдәдә бер генә бәйрәмне билгеләп үтми калмыйлар. Иң кызыгы шунда, анда бөтен авыл халкы катнаша. Чаралары да үзенчәлекле һәм кызыклы була. Әле шушы көннәрдә генә шаулатып иске елны озаттылар.
2019 ел өчен үзара салым акчасын 1 гыйнвардан 21 февральгә кадәр түләргә кирәк дип хәбәр итә Арча шәһәре башкарма комитеты. Йортта яки фатирда теркәлгән 18 яше тулган һәр кеше (үзе читтә яшәсә дә) 300 сум күләмендә (1 төркем инвалидларга, сугыш ветераннарына 100 сум) түләргә тиеш.
Быел “Тукай” хуҗалыгында 500 башка исәпләнгән сыерлар торагы сафка басты. Мондый комплексның районда күптән төзелгәне юк инде. Инвестор Рәфыйк Хөснетдинов хуҗалыкны гел үстерү, алга җибәрү юнәлешендә эшли. Нәтиҗә дә әйбәт: бүген һәр сыердан 20 килограммнан артык сөт савалар.
22 декабрьдә Яңа Кенәр балалар иҗат йортында шахмат буенча 2018 ел чемпионын билгеләү буенча йомгаклау ярышлары үтте.
Ел тәмамланыр алдыннан районның крестьян-фермер хуҗалыклары башлыклары белән очрашып сөйләшү матур традициягә керде. Быелгысы да бик актив, кызыклы үтте.
Беркөн Арча үзәк китапханәсендә Чаллыда яшәп иҗат итүче танылган язучы Айгөл Әхмәтгалиева белән очрашу булды. Кеше турында фикереңне белү өчен, гадәттә, аның белән очрашып сөйләшергә кирәк, диләр. Дөрес икән. Айгөл ханымның әсәрләрен яхшы беләм, кулыма эләккәннәрен башны ташлап укып барам, дип мактанып, укучыларны алдыйсым килми. Артык исем китмәде, дип тә әйтә алмыйм.
Театр елы кысаларында авыл җирлекләрендәге драма коллективлары тарафыннан сәхнәләштерелгән спектакльләр фестивале дәвам итә. Чираттагысы Лесхоз мәдәният йортында булды.
Арчаның 1нче балалар бакчасында җыр бәйрәме –“Матур тавыш” (“Голосок”) район бәйгесе булып үтте.