ЯҢАЛЫКЛАР

18 июньдә хезмәтне саклау буенча республика ведомствоара комиссиясенең киңәйтелгән утырышы булды

Арча үзәк китапханәсендә Мәдәният елы уңаеннан “Мәдәният дөньясында” дигән әдәби–мәдәни манзара булды.

Кәбестәне үстерә белмибез, барыбер корт ашап бетерә, дигән сүзләрне еш ишетергә туры килә.

Район суды Арчада яшәүче Илдар Хәкимовны 4 елга ирегеннән мәхрүм итү карары чыгарды. И.Хәкимов үзен Арчаның шәрык өлешендәге яшьләр төркеме башлыгы дип санап, кушканнарын үтәмәгән һәм төркемнән китәргә теләгән егетләрне эзәрлекли.

Арчада яшәсәм дә, әтием туып–үскән авылга мин бик еш кайтам. Авылыбызның төп горурлыгы булып чишмәләр тора. Тау өстенә урнашкан авыл чишмәләр белән уратылып алынган.

Пөшәңгәрнең йөзек кашы булган башлангыч мәктәп–балалар бакчасы бар. Төзелүенә инде ничә еллар, ә ул әле генә сафка баскан кебек, яңа килеш тора бирә. Авылның гына түгел, районның да горурлыгы бу бина, әллә кайлардан килгән кунаклар да коллективның матур эшләрен күреп сокланып китә.

12 июньдә Яңа Кырлай авылында Сабантуй булды. Мәскәүдән мөхтәрәм кунаклар да кайткан иде. Милли бәйрәмдә Россия Федерациясе Авыл хуҗалыгы министрлыгы үсемлекчелек Департаменты җитәкчесе Петр Чекмарев, мелиорация Департаменты директоры Даниил Путятин белән бергә Татарстан Республикасы Премьер-министр урынбасары, республиканың авыл хуҗалыгы һәм азык-төлек министры Марат Әхмәтов та бар иде. Район башлыгы Алмас Назиров кунакларны озатып йөрде.

Соңгы вакытта яуган яңгырлар хәлне яхшырта төште, әмма ул һаман да шактый катлаулы булып кала. Узган җомгада Татарстан Республикасы Хөкүмәт йортында үткәрелгән киңәшмәдә ТР Премьер–министры урынбасары, авыл хуҗалыгы һәм азык–төлек министры Марат Әхмәтов шулай дип белдерде. Әлеге киңәшмәне видеоконференция рәвешендә Президент Рөстәм Миңнеханов үткәрде.

Район эшмәкәрләренең чираттагы киңәшмәсе булды. Түгәрәк өстәл рухында узган киңәшмәдә район башкарма комитеты җитәкчесенең беренче урынбасары Эльмира Хәстиева, Арча һәм Әтнә районнары буенча Пенсия фонды идарәсе җитәкчесе урынбасары Гөлназ Ибәтуллина, районара салым инспекциясенең бүлек мөдире Мөнир Шәйдуллин эшмәкәрләргә кагылышлы иминият взнослары, салымнар, төрле түләүләр өлкәсендәге үзгәрешләр турында сөйләде.

Татарстан мөселман хатын–кызлар иҗтимагый берлегенең икенче республикакүләм корылтае булды. Анда Арчадан 6 кеше катнашты.