ЯҢАЛЫКЛАР

Татарстан «Россия эше. Мөмкинлекләр вакыты» Бөтенроссия эшкә урнаштыру ярминкәсенең төбәк этабын уздыруга әзерләнә.

Ярминкәне ике этапта уздыру планлаштырыла.

Төбәк этабы 14 һәм 15 апрельдә 8.00 сәгатьтән 11.00 сәгатькә кадәр Арча районы халыкны эш белән тәэмин итү үзәгендә (Арча шәһәре, Банк урамы, 6В) узачак

1 апрельдән Татарстан Республикасында санитар-экологик икеайлык башланды. Санитар-экологик икеайлык белән бергә 1 апрельдән «Эковесна 2023» республика акциясе старт алды.

Татарстан Республикасын газлаштыру программасын үтәү буенча объектив мәгълүмат алу максатыннан Дәүләт комитеты тарафыннан газлаштыру программасы чараларын гамәлгә ашыруның проблемалы мәсьәләләре буенча булган мәгълүматларны, шул исәптән: чараларны үтәү срокларын, тәртибен һәм башка мәгълүматны, шулай ук раслаучы документларны Дәүләт комитеты адресына электрон почта аша Dogaz.Kontrol@tatar.ru җибәрү мөмкинлеге тудырылды.

 

Иске Ашыт  авыл китапханәсендә 2-3 сыйныф укучылары белән  кошлар көненә багышланган «Кошларым – дусларым» дип аталган экологик дәрес уздырылды. Дәрес өч өлештән торды.

Санитар-экологик икеайлык кысаларында районда территорияләрне планлы җыештыру дәвам итә.

Шушмабаш-Апаз авыллары арасындагы юл тирәсе кар астыннан чыккан чүптән арындырылды, “Җиңү көне волонтерлары” акциясе кысаларында, авыл Мәдәният йорты каршындагы Бөек Ватан сугышында катнашкан авылдашларыбыз истәлегенә куелган обелиск Шушмабаш урта мәктәбе укучылары белән берлектә тәртипкә китерелде, Мәдәният йортыбыз янкормасы тирәсендәге кар өемнәре таратылып, территория чүп-чардан  чистартылды.

Ижевскида 2009 елгы кызлар арасында баскетбол ярышлары булып үтте. Арчаның “Пантеры”  командасы 1нче урынны алды. Тренеры – Илсур Фәсхетдинов.

Казанда “Ак Бүре” көрәш сараенда мәктәп укучылары арасында таэквон-до буенча башкалабыз беренчелегенә ярышлар булып узды.

Ярышта Казан, Яшел Үзән шәһәрләреннән, Биектау, Арча һәм Осиноводан 200ләп спортчы катнашты. Ярышлар ике көн барды. Беренче көнне Инсаф Габдрахманов (2нче мәктәп) һәм Эмил Самиев (1нче мәктәп) көмеш медаль алды. Әмирхан Галимовта (1нче мәктәп) 3нче нәтиҗә. Инсаф Габдрахманов, Әмир Хәбибуллин (2нче мәктәп), Әмирхан Галимов, команда белән чыгыш ясап, алтын медальгә лаек булдылар.

Бөтен Татарстан Республикасы территориясендә җир кишәрлекләре һәм торак йортларны инвентаризацияләү буенча масштаблы эш бара.

2023 елның 1 апреленнән “Арча шәһәре“ муниципаль берәмлегендә, бөтен республикадагы кебек, торак пунктларны төзекләндерү, яшелләндерү һәм санитар-экологик торышын яхшырту буенча икеайлык башланды һәм ул 31 майга кадәр дәвам итәчәк.