ЯҢАЛЫКЛАР

Татарстанда Җир Хартиясе тормышка ашырыла башлавына быел 17 ел тула. Татарстан Россиядә генә түгел, ә дөньяда табигать һәм кеше хокукларын яклаучы Җир Хартиясе нигезләрен беренчеләрдән булып гамәлгә керткән төбәк.

28 мартта Казанда Татарстанның Халыклар дуслыгы йортында «Туган тел» татар теле һәм әдәбияты укытучыларының Бөтенроссия мастер-класс бәйгесенең йомгаклау тантанасы узды

Халык  язучысы,  күренекле  драматург,  җәмәгать  эшлеклесе  Туфан  Миңнуллин  исемендәге  укытучыларның  һәм  укучыларның    V  Республика  конференциясенең  “Журналистика.  Кызыл  тышлы  дәфтәрдән”  бәйгесендә   Арча  Укучылар  сараеның  “НУР”  балалар  телерадиостудиясенә  йөрүче  Шәрипова  Зилә  (җитәкчесе  Таҗиев  Д.Г.) “Оста  иҗатчы”  номинациясендә  җиңүче  булды. Зиләне  котлыйбыз, иҗатта  яңа  уңышлар  телибез!

Район авыл хуҗалыгы һәм азык–төлек идарәсенең финанс–икътисад бүлеге җитәкчесе Марат Абдуллин Айван авылына барып килергә тәкъдим итте.

Әйе, ветераннар картаймый, алар мәңге яшь. 60, 70 яшьне вакласалар да, йөрәкләре 18дә аларның. Үзебезнең күз алдында бит, җәмәгать эше белән шөгыльләнәләр, изгелек кылырга кирәк булса да, алар беренче урында. Ә сәнгатькә гашыйклары сәхнәдән төшми, бәйгеләрдә катнашып җиңүләр яулый. Районда берәр чараның ветеран артистларыбыздан башка үткәне бармы? Мөгаен, юктыр.

Яңа Кенәрдән Әфганстанда армия хезмәте үткән Яңа Кенәр балыкчылар оешмасы рәисе Рашат Салихҗанов балыкчылар ярышына чакырды.

Тиздән имтиханнар башлана. Шул уңайдан без район мәгариф идарәсенең Бердәм дәүләт имтиханнары координаторы, методист Ирина Глазкова белән сөйләштек.

Солдат хатлары... Ватаныбыз азатлыгы, безнең бәхетле киләчәгебез өчен аяусыз көрәшкән, сугышлар барышында яу кырында башларын салган әби–бабаларыбыздан калган бердәнбер истәлек, дары исен үзенә сеңдергән шул елларның бердәнбер шаһиты алар. Аларда кеше язмышы, солдатларның әти-әниләренә, сөйгәннәренә, балаларына, туганнарына юллаган иң саф, иң ихлас хисләре, мәхәббәтләре чагылган. Аларның күбесе сакланып та калмаган. Ә кайберләрен, еллар үтеп саргаеп беткән өчпочмаклы солдат хатларын ияләре музейларга тапшырган.

Ашытбашта бул да, Рәис Шәкүровны күрми ничек китәсең инде? “Кыярлар өлгерде, карап кит!” – дип шалтыраткан да иде әле. Аның бүген Арчада сәүдә итә торган көне, сәгать бергә кайтып җитәм, дигән иде – минуты минутка туры килә язды.

21 мартта Арча муниципаль район башлыгы Илшат Нуриев Россия, Татарстан күләмендә җиңүләр яулаган көрәшчеләрне, аларның тренерларын кабул итте.