ЯҢАЛЫКЛАР
“Казан арты” тарих–этнография музеенда Арча үзәк китапханәсе каршында эшләп килүче “Каурый каләм” иҗат берләшмәсенә йөрүчеләр белән эшлекле сөйләшү булды. Аны район мәдәният идарәсе җитәкчесе Рамил Мөхетдинов алып барды.
Редакциягә хатын–кыз, бала әнисе түбәндәге сорау белән мөрәҗәгать итте: “Минем икенче ирем баламны уллыкка алды, ә хәзер әтилектән баш тартырга тели. Бу мөмкинме?”
Арча “Мәрхәмәтлек үзәге”нең өйгә барып социаль хезмәт күрсәтү бүлеге шәфкатъ туташлары инвалидлар ункөнлеге кысаларында “Дарудан башка - нык сәламәтлек” дигән акция оештырдылар. Социаль хезмәттән файдаланучы өлкәннәребез өчен “Сәламәт яшәү рәвеше”, “Үләнле чәй дәвасы”, “Дөрес туклану – сәламәтлек нигезе” темаларына әңгәмәләр үткәрделәр.
Декабрьнең беренче ун көне елның елында инвалидлар декадасы булып санала.
“Ел укытучысы – 2016” район бәйгесенә нәтиҗә ясалды. Ай ярым барган бу бәйгедә районның барлык мәктәпләреннән 36 укытучы катнашты. Башта җиде урында зона ярышлары барды. Жюри һәрберсенең дәресен карап бәя бирде. Иң яхшы ун укытучы сайлап алынды. Алар Түбән Мәтәскәдә (татар телендә дәрес бирүчеләр), Арчаның беренче мәктәбендә (рус телендә укытучылар) яңадан дәрес бирде. Аннан Арчаның өченче мәктәбендә финал ярышлары булды.
Гөберчәк авылында яшәүче Хәнифә әбине котларга килүчеләр күп иде бу көнне. Хәер, башка вакытларда да кеше өзелеп тормый әлеге йорттан. Әнә оныклары, оныкчыклары гына да күпме!
26 ноябрьдә “Арча” балалар–яшүсмерләр спорт мәктәбендә 2002–2003 елларда туган һәм аннан яшьрәк яшүсмерләр арасында көрәш буенча “Тайд–Фойл” ширкәте призына район беренчелеге үткәрелде.
Татарстан Республикасы хәрби комиссары, генерал–майор Сергей Погодин һәм Татарстан Республикасының Казан, Идел арты, Төньяк районнары буенча (20 районнан) хәрби комиссариат бүлекләре җитәкчеләре Арчада булып китте. Башта алар Татарстан Республикасы хәрби комиссариатының Арча һәм Әтнә районнары буенча бүлегендә хәрби һөнәри белем бирүче уку йортларына кандидатлар һәм контракт буенча хәрби хезмәткә гражданнар сайлау буенча документлар тәртибен карадылар. Аннан Арчаның бишенче гимназиясенә бардылар.
24 ноябрьдә Арча муниципаль районының 2017 елга һәм 2018 һәм 2019 елларның планлы чорына бюджеты, Арча муниципаль районы Уставына үзгәрешләр һәм өстәмәләр кертү проектлары буенча халык алдында тыңлаулар үткәрелде.
Үткән шимбәдә Казанга “Пирамида” күңел ачу сараена “Нечкәбил” конкурсын карарга бардым. Әлеге бәйгедә Арча сәнгать мәктәбендә хореограф булып эшләүче Зилә Мортазина катнашты. Шоу–программаны карагач һәм Зилә Азатовнаның үзе белән сөйләшкәч, “Нечкәбил” конкурсының никадәр җаваплы һәм күләмле эш икәнлегенә төшендем.