ЯҢАЛЫКЛАР

– Безнең Западный урамындагы балалар мәйданчыгы бик начар хәлдә. Гомумән, Арчада балалар мәйданчыклары мәсьәләсе ничек хәл ителә? Шул турыда язсагыз иде, – дип шалтыраттылар редакциягә.

90 яшьлек юбилеен Мөнәвәрә Сафина туган нигезе, гомер иткән авылы Иске Кишеттә билгеләп үтәргә булды. Аны котларга, Россия Президентының, район җитәкчесенең Котлау хатларын тапшырырга халыкны социаль яклау бүлеге җитәкчесе Илдус Әһлиев та килгән иде.

Югары Курсада яшәүче Шәмсенур Вафинаның 95 яшьлек гомер бәйрәме аеруча истә калырлык булды. Быел аны туган көне белән котларга районнан да килделәр. Аңа РФ Президентының һәм район башкарма комитеты җитәкчесе Илшат Нуриевның Котлау хатлары тапшырылды. Урта Курса авыл җирлеге башлыгы Рәмзия Вафина шулай ук бүләкләр белән килгән.

Арча педагогия көллиятенең даны еракларга таралган, анда белем алган меңләгән укытучылар бүген дә үзләренең остазларын зур хөрмәт белән искә ала. Алар арасында безнең яраткан коллегабыз Венера Шәмиева да бар.

9 июльдә Арча шәһәренең Горький урамында күп фатирлы яңа йорт файдалануга тапшырылды. Тантанада муниципаль район җитәкчесе Илшат Нуриев, ТР төзелеш, архитектура, торак–коммуналь хуҗалыгы министры урынбасары Марат Сәйфетдинов катнашты.

9 июльгә район хуҗалыкларында бер шартлы терлеккә 13,36 центнер азык берәмлеге әзерләнде.

20 июльдән Арчада Галактионов урамындагы мәчеттә балалар лагере эшли башлый.

14 июльдә сәгать 11дә Мәрхәмәтлек үзәге бинасында (Банк урамы, 6в) “Бердәм Россия” партиясе җирле бүлекчәсенең 1нче каттагы җәмәгатьчелекне кабул итү бүлмәсендә Татарстан Республикасы Дәүләт Советы депутаты Ринат Закиров халыкны кабул итә. 3-18-08, 3-28-80 телефоннары буенча алдан язылырга мөмкин.

4 июльдә Урта Сәрдә авылы клубында авыл яшьләре, өлкән буын кешеләрен кунакка чакырып, ифтар мәҗлесе үткәрде. Авылның имамы Нәкыйф хәзрәтнең вәгазьләреннән мәҗлескә килгән һәркем файдалы мәгълүмат алып китте

Узган ел йорт саен 500әр сум акча җыеп агач күперне, кичләрен вакыт табып, яңартып куйдылар. Шулай акча җыйсак, урамны да рәткә китереп булачак бит, дип киңәштеләр. Назыйм Сафин белән Айдар Зәйнуллин башлап йөрүчеләр булды.