ЯҢАЛЫКЛАР
Бүген, 22 февраль көнне, Арчаның 11нче балалар бакчасында, туган тел атналыгы кысаларында, татар теле тәрбиячеләре өчен “Әдәби әсәрләр аша балаларның сөйләм телен һәм аралашу осталыгын үстерү” дигән темага районкүләм семинар булып узды.
21 февральдә Арча балалар сәнгать мәктәбендә "Умырзая" район театр сәнгате фестиваль-бәйгесе узды. Бәйгедә катнашучылар спектакльләрдән берәр өзек тәкъдим итте. Арча 5нче гимназиясенең "Балачак", Лесхоз мәктәбенең "Дуслык", Шушмабаш мәктәбенең "Сәйлән" һәм "Бөтерчек" театр коллективлары, шулай ук Наласа мәктәбе театр коллективы бәйгегә бик җитди әзерләнгәннәр.
Арча Укучылар Сараеның “ Нур” телестудиясе “ Ватанны саклаучылар” халыкара кинофильмнар конкурсында дипломант булдылар.
Арча Укучылар Сараеның “Нур” телестудиясе “Ватанны саклаучылар” халыкара кинофильмнар конкурсында дипломант булдылар.Конкурста алар Бөек Ватан сугышы ветераны Закирҗанов Мөбәрәкҗан турында төшерелгән фильм белән катнаштылар.
2017 елның 21 февралендә Арча “Мәрхәмәтлек үзәге”нең гаилә һәм балаларга социаль ярдәм күрсәтү бүлеге психологы Арча педагогика көллияте волонтерлары белән берлектә Арча өлкәннәр интернат-йортында яшәүче ир-атларны Ватанны саклаучылар көне белән котладылар
Һәр газета–журналларга язылу кампаниясендә “ТАТМЕДИА” акционерлык җәмгыяте “Языл һәм телевизор от!” дигән акция үткәрә. Бүләкләре бер телевизор белән генә чикләнми. Санлы фотоаппаратлар, яхшы сыйфатлы савыт–саба җыелмалары да отарга мөмкин. Монда катнашу тәртибе бик җиңел. “ТАТМЕДИА” акционерлык җәмгыяте газета–журналларына языласың да квитанцияләрне тиешле адреска җибәрәсең.
17 февральдә Арча район Советының социаль, бюджет–финанс, законлылык, җәмәгать тәртибен саклау һәм җирле үзидарә, икътисадый үсеш, авыл хуҗалыгы һәм тирә–як мохитне саклау буенча даими комиссияләренең берләштерелгән утырышы булды.
16 февральдә Арча муниципаль районы башлыгы урынбасары Любовь Осина Арча шәһәрендә яшәүче Роза Мөхәммәдованы 90 яшьлек юбилее белән котлады. Аңа Россия Федерациясе Президенты Владимир Путинның, район башлыгы Илшат Нуриевның Рәхмәт хатларын, бүләк тапшырды.
Кәче авылында яшәүче Сәлахетдин абыйга 17 февральдә 90 яшь тулды. Аны гомер бәйрәме белән котларга район башлыгы урынбасары Любовь Осина, район социаль яклау бүлеге җитәкчесе Илдус Әһлиев һәм авыл җирлеге башлыгы Тәлгать Закиров килде.
Узган атнада Арча ЗАГС бүлегендә Иске Чүриледә яшәүче Фәридә һәм Айдар Сафиуллиннарның чирек гасыр бергә гомер иткән бәйрәмнәре — көмеш туйлары рәсмиләштерелде.