ЯҢАЛЫКЛАР
Арча муниципаль район башлыгы Илшат Нуриев 21 ноябрьдә Кәче авылында яшәүче Мәликә Төхвәтуллинаны 90 яшьлек юбилее белән котлады. Аңа Россия Федерациясе Президенты Владимир Путинның һәм район башлыгының Рәхмәт хатларын, бүләк тапшырды.
20 ноябрьдә Арча район башкарма комитеты җитәкчесе урынбасары Рамил Гарифҗанов Иске Му авылында яшәүче Зөфәрбикә Хәкимованы 90 яшьлек юбилее белән котлады. Аңа Россия Федерациясе Президенты Владимир Путинның, район башлыгы Илшат Нуриевның Рәхмәт хатларын, бүләк тапшырды.
Арча балалар сәнгать мәктәбендә “Аккордеон феериясе” дигән өченче Халыкара фестиваль узды. Анда Казан дәүләт консерваториясе доценты, Казан музыка көллиятенең клавишлы халык инструментлары бүлекчәсе җитәкчесе Антон Попов җитәкчелегендә баянда, аккордеонда уйнау буенча яшь башкаручыларның Халыкара, Бөтенроссия бәйгеләре лауреатлары – Н. Җиһанов исемендәге Казан дәүләт консерваториясе, И.Әүһәдиев исемендәге Казан музыка көллияте студентлары чыгыш ясады.
"Җидегән чишмә" Арча халык театры Әтнә районының Ташчишмә, Күшәр авылларында "Елый икән, елый ирләр дә" спектаклен куйдылар
19-20 ноябрьдә Казанда «Алтын Лира» II Халыкара феситиваль – конкурсы узды. Конкурста Әлмәт, Түбән Кама, Яшел Үзән, Алабуга, Новочебоксарск, Чабаксар, Пермь, Түбән Новгород, Витебск, Донецк шәһәрләреннән катнашучылар бар иде.
19 ноябрьдә Казан шәһәрендә X Халыкара « КИТ» конкурсы узды. Арча балалар сәнгать мәктәбе укучысы Кузнецов Вадим гитарада уйнап «Инструменталь музыка» номинациясендә II дәрәҗә лауреат исеменә лаек булды.
2016 нче елның 21 ноябрь көнне Арча районы “Мәрхәмәтлек үзәге” белгечләре социаль педагоглар һәм психологлар. “Эни дөньяда иң яхшы” дигән мәдәни- күнел ачу чарасы үткәрделәр.
“Сервис–Агро” ширкәтенә караган “Кырлай” агрофирмасына багышланган сәхифә газетабызның 11 ноябрь санында басылган иде. Бүген сүзебез әлеге ширкәтнең икенче хуҗалыгы — “Игенче” агрофирмасы турында.
“Игенче” агрофирмасы 2008 елның мартында оешты. Аның составына элеккеге “Наласа МТСы”, “8 Март”, “Югары Аты” хуҗалыклары, Айван, Яңасала, Венетаның 4 мең гектар дәүләт җирләре керә. Сөрүлек җирләре — 11247 гектар.
Арчадан Наласага барганда уң якта Арча сорт сынау участогы бинасы күренеп кала. Бу юлы ул тирәдә кайнашкан техникага күз төште.
— Утырту бәрәңгесе бездә игелә бит, шул басуларны сугарулы итәргә әзерлек бара, — диде “Игенче” агрофирмасы җитәкчесе Илнар Гайнетдинов. — Ике скважина казылды инде, тирәнлек —93 метр. 80х100 метр зурлыкта, 24 мең кубометр сыешлы бассейн ясала.
Хөрмәтле арчалылар! Гражданнарга үзара салым программасы Арча муниципаль районында өченче ел рәттән уңышлы тормышка ашырыла. Үзара салым җирле әһәмияттәге мәсьәләләрне хәл итү һәм җирле бюджетларны тулыландыруның мөһим инструментына әверелде.
Программаның нәтиҗәлелегендә дәүләт ярдәме хәлиткеч роль уйный, гражданнардан җыелган һәр бер сумга Татарстан Республикасы бюджетыннан тагын дүрт сум өстәлә. Мәсәлән, 2014 елдан башлап Арча муниципаль районы халкыннан үзара салым тәртибендә 16683,90 мең сум акча җыйналды. Республика әлеге суммага тагын 54538,2 мең сум өстәде инде. Әлеге акчалар җирлекләр өчен кискен торган проблемаларны: гомуми файдаланудагы юлларны һәм җәяүле күперләрен төзү һәм ремонтлауга, зиратларны төзекләндерүгә, су белән тәэмин итүгә, янгын куркынычсызлыгын тәэмин итүгә һ.б. бирелде. Арча шәһәрендә үзәк урамнарны яктыр- туны яхшырту буенча зур эш башкарылды. Интернационал, Зур урамнарында энергия саклый торган яңа як- тырткычлар, терекөмеш- ле лампалар урынына натрий лампалы як- тырткычлар куелды.
– Нинди хәл бу, салым түләү квитанциясе килмәде, салым инспекциясенә барган идем, анда кеше, сәгатьләр буе чират тордык, – дип, редакциягә шалтыраттылар.
10 ноябрьдә Арчаның салым инспекциясенә бардым. Көндезге сәгать 10. Коридор тулы халык. Чират алдым да, эчкә уздым. Өч хезмәткәр: баш салым инспекторы Лилия Рамазанова, өлкән салым инспекторы Зөлфия Зыятдинова һәм белгеч Лилия Әхмәтгалиева хезмәт күрсәтә.
Сәгатьтән артык чират тордым. Дөресрәге, чиратым килеп җиткәнче хезмәт күрсәтү бүлмәсендә халыкның нинди сораулар белән килгәнен өйрәндем. Сораулар мондыйрак иде.
– Транспорт һәм җиргә салым квитанциясе килде, ә милек төшеп калган?
– Шәхси кабинет ачасы иде