ЯҢАЛЫКЛАР
Түбән Аты авылында яшәүче, 1970 елда туган Айрат Хәбибрахманов ике тапкыр исерек хәлдә автомобиль белән идарә иткән өчен тоткарлана.
2014 елда ул исерек хәлдә автомобиль белән идарә иткән өчен 30 мең сум штрафка тартыла, 1 ел 9 айга транспорт чаралары белән идарә итү хокукыннан мәхрүм ителә. Әмма тиешле нәтиҗә ясамый, яңадан исерек килеш руль артына утыра. Быел 16 сентябрьдә кич Казан–Малмыж юлында “ВАЗ–21099” автомобиле белән каршы як хәрәкәт полосасына чыга һәм башка транспорт белән бәрелешә.
Әлеге һәлакәт нәтиҗәләре буенча А.Хәбибрахмановка карата җинаять эше кузгатылды. 7 ноябрьдә җәмәгать суды гаеплегә карата РФ Җинаять кодексының 264.1 маддәсе (шундый хокук тәртибен бозган өчен элек административ җәзага тартылган кешенең исерек хәлдә автомобиль белән идарә итүе) буенча гаепләү хөкем карары чыгарды. Суд карары буенча Хәбибрахмановка 200 мең сум штраф салынды, ул 2 ел 2 айга транспорт чаралары белән идарә итү хокукыннан мәхрүм ителде.
Күптән түгел терлекчелек буенча үткән семинарда бер кызыклы яңалык күрдек.
— Сыерның буазлыгын 30 көннән әйтеп бирәм, — дип сөйләде ветеринария табибы. — Кызыксынган кешеләр экраннан карый да ала.
Соңыннан әлеге белгечнең үзе белән очрашып сөйләштек. Шамилов Ирек Мансур улы Кукмара районыннан. Казан дәүләт ветеринария медицинасы академиясен тәмамлаган. Армиядә хезмәт итеп кайткач хуҗалыкта ветеринария табибы булып эшли.
— Ферма мөдире дә, ветеринария табибы да булырга туры килде, тояк авырулары буенча да эшләдем, — ди ул. — Казанда курсларда укырга тәкъдим иттеләр. Яңа һөнәр булыр дип, риза булдым, әлеге яңалыкка шунда өйрәндем. Кайткач хуҗалык УЗИ аппараты алып бирде, ярты ел шуның белән эшләдем, аннан соң үзем сатып алдым. Бик кирәкле эш булып чыкты ул, шәхси хуҗалыклардан да чакыруларны күп алам.
Яңа Кырлай мәктәбенең татар теле һәм әдәбияты укытучысы Миләүшә Зарипова Татарстан Республикасы Мәгариф һәм фән министрлыгы, “Мәгариф” журналы үткәргән “Авыл укытучысы – 2016” бәйгесендә икенче урынны яулады, диплом һәм мутон тун белән бүләкләнде. Якташыбызның уңышы белән чын күңелдән горурланабыз, аңа яңа җиңүләр телибез.
Ә бүген Миләүшә Зарипова редакциябезнең кунагы. Йомшак кына тавышлы, сүзләрен уйлап кына әйтә, үтә сабыр булуы, җитдилеге беренче карашка ук күзгә ташлана.
– Мин үзем Яңа Кишет кызы. Әнием Рәкыйга гомер буе балалар бакчасында эшләде, әтием Рафис шофер, – ди Миләүшә ханым. – Укыганда гел әни янына эшкә барып йөри идем. Әллә шуңа, әллә Олы Мәңгәргә йөреп укымас өчен, әллә сыйныф җитәкчем Әлфия Шакирҗанова үрнәгендә Яңа Кишеттә 8 сыйныфны тәмамлаганнан соң педагогия училищесына укырга кердем. Хәер, ул чакта без башка һөнәрне белмәгәнбез дә.
Арча сәнгать мәктәбе сәхнәсе шәһәребезнең һәм авыллардагы балалар бакчаларына йөрүче берсеннән-берсе гүзәл чәчкәдәй кызларны үзенә “Нәни Сөмбелә” бәйгесенә җыйды.
Кызлар матур костюм- нарын яклап чыгыш ясау белән беррәттән, җыр-биюгә, нәфис сүз сөйләүгә сәләтләрен күрсәтеп, жюрины сайлап алуда авыр хәлдә калдырды. Чөнки һәммәсе сәләтле, сәхнәдә үзләрен иркен тоталар, өстәвенә, кайберләре чыгыш ясаганда булышырга, бергәләп биергә, җырларга бакчадагы дусларын да алып килгән.
Бәйгедә 21 кыз ике төрле яшь буенча көч сынашты: 3-5 һәм 5-7 яшьлекләр. Җиңүчеләр түбәндәгеләр:
3-5 яшьлекләр арасында : 1 урында — Әминә Ибраһимова (Арчаның 11нче балалар бакчасы), 2 урында — Зәмирә Гапсаттарова (Арчаның 1нче балалар бакчасы), 3 урында — Рамия Хәбибуллина (Яңа Кенәр балалар бакчасы)
Яшь эшмәкәрләр район социаль-икътисади үсешенең төп көчләренең берсе. Районда яшьләргә зур өметләр баглана.
Кече һәм урта бизнесны үстерү, халыкның мәшгульлеген тәэмин итү, эш урыннары булдыру 2016–2021 елларга расланган Арча муниципаль районы социаль-икътисади үсеш стратегиясенең төп бурычлары булып тора. Шул нисбәттән Татарстан Республикасы Икътисад министрлыгы ярдәме белән эшмәкәрлек эшчәнлеген популярлаштыруга юнәлтелгән чаралар үткәрелә.
Арчага чираттагы алтын медальне Алексеевскида узган 2016 ел сезонының баскетбол буенча республика беренчелеге ярышларыннан 1999-2000 елгы кызлар алып кайтты (тренерлары З.Хәсәнов).
Казан шәһәрендә Идел буе районы балалар сәнгать мәктәбе “New Art Project” компаниясе белән берлектә иҗат коллективлары арасында җыр һәм бию сәнгате төрләре буенча республика күләмендәге конкурс уздырды.
Әлеге бәйгедә Яңа Кенәр балалар иҗат йортының өстәмә белем бирүче педагоглары әзерләгән бию коллективлары да катнаш- ты. Гөлчәчәк Нуриева җитәкчелегендәге бию коллективы II дәрәҗә, Гөлгенә Абдуллаҗанова иҗат коллективы (Ашытбаш мәктәбе) III дәрәҗә дипломнар белән бүләкләнде. Ә 6 яшьлек Яңа Кенәр кызы Азалия Нуриева үз яшьтәшләре арасында II дәрәҗә лауреат исеменә лаек булды.
Намуссыз эш бирүчеләрне ачыклау өчен халыкның формаль булмаган мәшгульлек, хезмәт хакын акча биреп кенә рәсми рәвештә түләмәү фактлары турында Татарстан Республикасы “Халык контроле” дәүләт мәгълүмат системасының “Соры” хезмәт базары” юнәлеш буенча мөрәҗәгать итә аласыз.
“Халык контроле”нә шулай ук эш урыннарында хезмәтне саклауны оештыру проблемалары турындагы мөрәҗәгатьләр дә кабул ителә.
“Соры” хезмәт хаклары белән көрәш буенча “кайнар” линия эшли: башкарма комитет – 3–06–44, мәшгульлек үзәге – 3–17–33.
Районның сәламәтлек саклау системасында озак еллар намуслы хезмәте өчен һәм 50 яшь тулу уңаеннан Арча үзәк район хастаханәсенең анестезиология һәм реанимация төркеме табиб–анестезиолог–реаниматологы Урманов Ренат Тәлгать улы район Советының Мактау грамотасы белән бүләкләнде.
15 ноябрьдә Арча балалар сәнгать мәктәбе гөр килеп торды. Концертлар залы шыгрым тулы –биредә сәнгать һәм гомумбелем мәктәпләре укучылары, Арча педагогика көллиятенең музыка бүлеге студентлары, укытучылар, әти-әниләр. Сәхнәдә – баянда һәм аккордеонда яшь башкаручыларның Халыкара һәм Бөтенроссия конкурслары лауреатлары, Н.Г.Җиһанов исемендәге Казан дәүләт консерваториясе студентлары, И.В Әүхәдиев исемендәге Казан музыка көллияте студентлары, Казан дәүләт консерваториясе доценты, Казан музыка көллиятенең клавишалы халык уен кораллары бүлекчәсе мөдире Антон Сергеевич Попов җитәкчелегендәге "Аккордеон феериясе" III Халыкара фестивальдә катнашучылар.