ЯҢАЛЫКЛАР
“Әти–әниеңне яздыр. Туганнарыңны яздыр” акциясе дәвам итә һәм анда катнашырга теләүчеләр саны да артканнан арта бара. “Сугышчан туганлык” җәмәгать оешмасы (җитәкчесе Сергей Баһаветдинов) Үрнәктән Әфган сугышы ветераны Урал Гафуровны, Арча станциясеннән Әфган сугышында ятып калган Кызыл Йолдыз ордены кавалеры Марат Лотфуллинның әнисе Илсөяр Лотфуллинаны, Пүчинкә Поник авылыннан шулай ук Әфган сугышында һәлак булган “Батырлык өчен” медале иясе Фәнис Бикбаевның әнисе Мәгъшия Бикбаеваны “Арча хәбәрләре” газетасына яздырды.
Ел башыннан Арча районында 600дән артык юл–транспорт һәлакәте теркәлгән, шуларның 35е зыян күрүчеләр белән. Аларда 7 кеше һәлак булган (араларында бер бала да бар), 53е төрле авырлыктагы тән җәрәхәтләре алган. Әңгәмә барышында ЮХИДИ идарәсенең Арча бүлекчәсе җитәкчесе Илдар Нотфуллин безгә шундый саннар җиткерде.
18 ноябрьдә Арча Мәдәният йортында Үрнәк авыл җирлегенең иҗат концерты булды.
Халыкара Эниләр көне алдыннан “Мәрхәмәтлек үзәге”нең социаль педагоглары 01 нче ноябрьдән 21 нче ноябрьгә кадәр “Минем әни” исемле балалар рәсеме конкурсы үткәрделәр.
18 ноябрьдә район хуҗалыкларында техниканы кышкы саклауга кую һәм 2017 елның кыр эшләренә әзерләү буенча конкурска йомгак ясалды. Комиссия составында Татарстан Республикасы Авыл хуҗалыгы һәм азык–төлек министрлыгы, район авыл хуҗалыгы һәм азык–төлек идарәсе вәкилләре бар иде.
2016 елның икенче яртыеллыгына газета–журналларга яздыру буенча “ТАТМЕДИА” акционерлык җәмгыятенең баш бүлекчәсе “Әти–әниеңне яздыр. Туганнарыңны яздыр” дигән акция игълан иткән иде. Аны ул чакта министрлыклар һәм ведомстволар, предприятиеләр һәм оешмалар җитәкчеләре, муниципаль берәмлекләр башлыклары, депутатлар, мәдәният һәм сәнгать эшлеклеләре күтәреп алды. Бу хакта матбугат, телевидение аша даими танышып бардык.
Республикада эшмәкәрләрне һәм үз эшен башлап җибәрергә теләүчеләрне бизнеска өйрәтү сәясәте бара. Әле яңа гына Татарстан Республикасы Икътисад министрлыгы ярдәме белән Goolge компаниясе һәм Саклык банкы оештырган “Бизнес–класс” программасының ярты еллык курслары тәмамланды. Йомгаклау киңәшмәсе Казанда Рөстәм Миңнеханов катнашында үтте. Президент Р. Миңнеханов: “Махсус белемнән башка бизнеста уңышка ирешеп булмый”, – диде.
2016 елның 20 ноябрендә Татарстан Республикасы Арча муниципаль районының Арча шәһәрендә һәм 16 авыл җирлегендә гражданнарга үзара салым кертү һәм әлеге акчалардан файдалану мәсьәләләре буенча җирле референдумнар үткәрелде. Тавыш бирү нәтиҗәләре буенча җирле референдумнар барлык муниципаль берәмлекләрдә дә узган, ә референдумнар нәтиҗәләре дөрес дип танылды.
Коррупциягә каршы тору турындагы гамәлдәге закон, оештыру–хокукый рәвеше нинди булуга карамастан, барлык оешмаларга коррупцияне кисәтү буенча чаралар күрү таләбе куя, шулай ук ясалган хокук бозулар өчен җинаять җаваплылыгыннан тыш, җаваплылыкның башка төрләрен дә күздә тота.
Ноябрь башында Татарстан Республикасы беренчелегенә Балтачта узган мини-футбол буенча зона ярышларында безнең районнан 2003-2004 нче елгы яшүсмерләрдән торган җыелма команда катнашты һәм 1 урынны яулау бәхетенә иреште.