ЯҢАЛЫКЛАР
“НАСКО” акционерлык җәмгыяте* оешуга 20 ел тулды. 10 ноябрьдән “НАСКО” иминият компаниясе генераль директоры Эдуард Кабаков Татарстан иминиятләүчеләр союзы президенты итеп билгеләнде. Арча территориаль идарәсе һәр юбилейга бер сюрприз әзерли. Бу юлы ул аеруча зур һәм үзенчәлекле – быел “НАСКО” акционерлык җәмгыятенең Арча территориаль идарәсе яңа бинага күчте. Хәзерге адресы – Арча шәһәре, Комсомол урамы, 7нче йорт.
Гөлшат ул мизгелне гомерендә дә онытмаячак. Авыл башына кунакка киткән әнисе кайткан! Күршеләрдә уйнап утырган алты яшьлек кызчык бу хәбәрне ишетүгә култык астына бишмәтен кыстыра да, урамда кыш икәнен дә онытып өйләренә йөгерә. Өй уртасында торган матур кунак апаны күреп алгач, шул бишмәтен кырыйга ыргыта да, әни, әнием, дип янына йөгереп барып, аякларыннан кочаклый.
Урта Курса авыл җирлегенең “Җомга көн кич белән” иҗат концерты Урта Курса мәдәният йортында үтте.
Үрнәк агросәнәгать көллияте укучылары белән бизнес турында сөйләшкәндә кызыклы видеофильм күрсәтелде. Бакча балаларын сөйләштерделәр.
Җәза үтәтү инспекциясенең Арча районы буенча филиалы Арча шәһәренең М.Җәлил урамында яшәүче Сергей Цыгановка карата билгеләнгән шартлы хөкем карарын иректән мәхрүм итүгә алыштыруны сорап Арча район судына мөрәҗәгать итте.
Күпербашта яшәүче Мирсадретдин Фазлыев 90 яшьлек юбилеен билгеләп үтте.
Арчада урман хуҗалыгы өлкәсендә эшләүчеләрнең республика семинары узды.
“Ел укытучысы–2016” район бәйгесе җиңүчесе билгеле булды. Ул – Арча беренче мәктәбенең башлангыч сыйныф укытучысы Гүзәл Ахунова.
Казанда узган “Идел көзе” республика фольк-лор конкурсында катнашучылар арасында (удмурт, керәшен, рус, татар, марилар) Яңа Кенәр балаларының “Хыял” триосы да үз чыгышлары белән сәхнәне ямьләде. Алар халкыбызның “Сандугач-күгәрчен” җырын аккордеонга кушылып башкарып, жюриның югары бәясенә лаек булды. Аларны киләсе елга да чакырып калдылар.
26 ноябрьдә “Арча” спорткомплексында 2002–2003 елгы яшүсмерләр арасында татарча көрәш буенча Арча районы беренчелегенә ярышлар узачак. Ярышлар “Тайд-Фойл” фирмасы җитәкчесе Айдар Закиров призына һәм кубогына үткәрелә.