ЯҢАЛЫКЛАР
Районда судья булып эшләүче Гөлназ Дамировна Вәлиева белән мин, журналист буларак, сөйләшергә, аралашырга яратам. Суд утырышларында катнашырга туры килә. Нинди тәртипле гаиләдә үсте икән дип, әти-әнисен күрәсе килеп китә. Бер керүемдә Гөлназ Дамировна әтисе Дамир Гарифуллинның “Робагыйят” дигән китабын бүләк итте. Ул минем өстәл китабыма әверелде.
Россия Федерациясе Дәүләт Думасының 2015 елның 24 апрелендәге “1941–1945 еллардагы Бөек Ватан сугышында Җиңүнең 70 еллыгы уңаеннан амнистия игълан итү турында”гы карары нигезендә, суд, тикшерү һәм сорау алу органнары, шулай ук җинаять–башкару инспекциясе һәм суд приставлары хезмәте тарафыннан, әлеге карар көченә кергәннән соң 6 ай дәвамында, амнистия беренче тапкыр зур булмаган (3 елга кадәр иректән мәхрүм итү) һәм уртача авырлыктагы (5 елга кадәр иректән мәхрүм итү) Арчада җинаять кылган 79 кешегә карата кулланылды.
Арча муниципаль район башлыгы урынбасары Любовь Осина 22 гыйнварда Кәче авылында яшәүче Бибихалисә Мөхәммәтҗанованы 90 яшьлек юбилее белән котлады. Аңа Россия Федерациясе Президенты Владимир Путинның һәм район башлыгы Илшат Нуриевның Рәхмәт хатларын, бүләк тапшырды.
Арчаның 3нче мәктәбе “Алтын каләм” түгәрәге җитәкчесе Гөлназ Йосыпова хәбәр иткәнчә, мәктәпкә язучылар кайткан. Яшь шагыйрь, журналист, Татарстан китап нәшриятының баш мөхәррире Ленар Шәех, Наласа авылында туып-үскән яшь язучы Рөстәм Галиуллин белән күңелле һәм файдалы очрашу булган.
29 гыйнварда 14 сәгатьтә Россия Федерациясе Тикшерү комитетының Татарстан Республикасы буенча тикшерү идарәсе җитәкчесе урынбасары Руслан Җәләлиев Галактионов урамы, 3нче йорт адресы буенча гражданнарны кабул итә. Белешмәләр өчен телефон: 8(84366) 3–02–63, 89274298343.
30 гыйнварда “Арча” балалар-яшүсмерләр спорт мәктәбендә “Сәламәтлек” спартакиадасы кысаларында район башлыгы призына милли көрәш буенча шәхси-команда беренчелеге була. Ярышлар сәгать 10да башлана.
Узган якшәмбедә Арча–Аренада Фәнил Гарәфиев истәлегенә хоккей турниры узды.
2016 елның 23- 24 нче гыйнвар көннәрендә Арча педагогия көллияте базасында “Без бит авыл яшьләре” дип исемләнгән авыл җирлеге яшьләре форумы узды. Форум Арча муниципаль район башлыгы И.Г. Нуриев патронажында үтте. Форумны оештыручылар: Арча башкарма комитетының яшьләр эшләре, спорт һәм туризм бүлеге, Мәдәният идарәсе, Арча шәһәренең яшьләр парламенты, шулай ук Татарстан Республикасы Аграр яшьләр берләшмәсенең Арча бүлеге.
Авыл җирлекләрендә, хуҗалыкларда хисап җыелышлары башланды.
“Ватан” ширкәте идарәсе каршында тезелеп киткән җиңел машиналарның күплегенә игътибар иттем. Әле кайчан гына алар урынында чана җигелгән атлар тора иде.
Баш зоотехник, шул ук вакытта ревизия комиссиясе рәисе Искәндәр Солтанов та үзенең чыгышында инде онытыла башлаган чорны искә төшерде.
— Моннан 10–15 ел элек терлекчелекне иң авыр тармак дип сөйли идек. Күп эшләр кул белән башкарылды. Терлекчеләр иртән сәгать 3тә эшкә килә, көнгә 10–11 сәгать эшли иде.
Хәзер, аерма җир белән күк арасы кебек. Фермаларның түбәләре калай, Хәсәншәехта асфальт юл фермага кадәр килә. Торакларда туфли киеп йөрерлек. Чиләк–көянтә күтәреп йөрүче юк, сыер савучылар сөтне күрми дә хәзер.
Район мәгариф учреждениеләре эш бирүчеләре һәм башлангыч профсоюз оешмалары хезмәткәрләренең киңәшмәсе булды. Киңәшмәдә 2015 елда район башкарма комитеты, мәгариф идарәсе һәм мәгариф учреждениеләре профсоюз оешмасы советы арасындагы килешүне үтәү мәсьәләсе каралды.
Иң башта район мәгариф идарәсе җитәкчесе Зөлфәт Дәүләтбаев хисап чорында башкарылган эшләр турында сөйләде. Мәктәп- ләрне ныклап төзекләндерү, бүлмәләрне заманча җиһазлау, мәгариф учреждениеләренең грант отулары, белем, тәрбия мәсьәләләре, кыскасы, уңышлар һәм проблемалар турында тулы бер доклад тыңладык. Мәктәпләрдә һәм балалар бакчаларында хәзер үзгәрешләр зур. Бер генә мисал. Яңа Кишет мәктәбенең “Иң актив мәктәп” буларак откан грант акчасына мобиль класс, интерактив такта, телевизор алынган. Бер интерактив такта гына да 128 мең сум тора! Ә мобиль класс 500 мең сум.