ЯҢАЛЫКЛАР
Рәшидә әби гади генә әби түгел, ул иң бай әби булуы белән дә соклану тудырды. Ире Харис белән 9 бала тәрбияләп үстергән, 17 оныклары, 16 оныкчыклары бар. Балаларның 8е бүгенге көндә исән-саулар. Бөек Ватан сугышы ветераны Харис абый 1970 елда вафат булган. Бригадир, тегермәнче булып эшләгән.
Наҗия Ибраһим кызы Чистай районында туып-үсә. Әти-әнисе Ибраһим һәм Гәйшә Үзбәкстанда кавышып, сугыштан соң Татарстанга күчеп кайталар. Башта мәктәптә, аннан техникумда белем алган кыз, хисапчы булып эшкә урнаша. 1960 елда кияүгә чыга. Озакламый кызлары Рәисә дөньяга килә. Тик тормыш иптәше генә бик иртә бакыйлыкка күчә. Тумыштан 2 төркем инвалид булган кызын берүзе тәрбияләп үстерә.
Кәримә Галиева Колачы авылында туып-үскән. Яшьлеге авыр сугыш елларына туры килгән. Ул чордагы авырлыклар аны да читләтеп үтмәгән. 14 яшеннән “8 Март” колхозында һәм артельдә эшләгән. 1949 елда сугыштан кайткан Габдулла Галиевка кияүгә чыккан. Алты балалары туган. Аларның өчесе вафат.
Зур актлар залына югары сыйныф укучылары җыелды. Тарих укытучысы Гөлнара Әхмәтханова түгәрәк өстәл артындагы сөйләшүгә прокуратура, суд, полиция вәкилләрен дә чакырган иде. Коррупция темасына багышланган сөйләшү кызык-
лы оештырылган иде. Укучылар коррупция, аның төрләре, кешенең язмышы, җәмгыять өчен нинди куркыныч тудырганы турында сөйләделәр. Экраннан күрсәтелгән видеофильм бигрәк тә тәэсирле булды.
“Бәләкәч” бакчасы базасында урнашкан үзәктә бүгенге көндә 8 тәрбияче, педагог шөгыльләнә. Инде 6сы биредә эшләр өчен махсус камилләшеп, белемен арттырып кай-
тырга да өлгергән. Бүгенге көндә Арча шәһәрендә яшь ярымнан 4 яшькә кадәрле 100гә якын бала бакчага чират көтеп торганлыктан, үзәккә балаларын алып килүче әти- әниләр 120гә җитә һәм нәниләр дә шулкадәр. Биредә балалары белән бергә әниләр дә уйный, җырлый, бии. Алар әнә шулай өйдә балаларны шөгыльләндерү, кызыксындыру өчен үзләренә тәҗрибә туплый.
Ул депутатларны районның 2020 һәм 2021 һәм 2022 елларга план чорына бюджет проектына тәкъдим ителгән үзгәрешләр белән таныштырды.Аның сүзләренә караганда, яңа елдан барлык төр балалар бакчаларына түләү, бакчаның категориясенә карамастан, бертөрле булачак. Элек югарырак категориягә караган бакчада бәя бераз төшәргә, ә калганнарында киресенчә күтәрелергә мөмкин. Ә менә бакчада балаларны ашату өчен түләү киләсе елдан барысы өчен дә якынча 70–100 сумга кимиячәк. Көн саен диярлек бәяләр үсүдән гаҗиз булган заманда монысы йөрәккә май булып ята торган хәбәр, әлбәттә.
Оештыра дигәне бәлки дөреслеккә дә туры килеп бетмәс, чөнки андый кичәләрне оештырып уздыруда Апаз авыл җирлеге, Мирҗәм клубы, җирлектәге мәктәпләр коллективлары нык тырышлык куя. Шушы көннәрдә дә шагыйрь туган авылы Мирҗәмдә шигырь бәйрәме уздырды.
Янгыннарның иң күп өлеше халык яшәгән җирдә һәм еш кына төнлә була, кешеләр янгынны вакытында күрә һәм аны сүндерә алмыйлар, кызганычка каршы, янгын чыгулар кешеләр үлеменә дә китерә. Әлбәтта, районыбыздагы бу хәлләр безне борчый.
Агымдагы елның августында юл хәрәкәте өлкәсендә административ хокук бозуларны автоматлаштырылган теркәү комплексларының эш нәтиҗәләре буенча чыгарылган карарларны электрон рәвештә алу мөмкинлеге гамәлгә ашырылды.
Гамәлдәге законнар нигезендә (РФ КоАП 29.11 статьясының 2 өлеше) административ хокук бозу турындагы эш буенча карар күчермәсе заказлы почта юлламасы белән почта аша чыгарылган көннән алып өч көн эчендә җибәрелә.
2014 елның октябрендә административ хокук бозулар турында Россия Федерациясе Кодексына үзгәрешләр кертелде (РФ КоАП 28.6 статьясының 3 өлеше), алар нигезендә карар нөсхәләре затка, әлеге затны идентификация һәм аутентификация бердәм системасында теркәү һәм әлеге затның ризалыгы булу шарты белән, дәүләт һәм муниципаль хезмәтләрнең Төбәк порталларын кулланып, электрон документ рәвешендә җибәрелергә мөмкин.
Ике участокка да халык килеп торды. Гаилә белән дә, аерым-аерым да. Килә алмаган өлкәннәргә участоктан үзләре бардылар. Үзара салым акчасына нәрсәләр эшләнгән – халык белеп тора. Авыл җирендә барысы да күз алдында шул. “Урамнарга таш җәелде, кичен утлар яна, – дип сөйләде алар. –Кайбер урамнарга су кертәсе бар”. Кайберәүләр: “Яңа Кенәрдә күпме предприятиеләр ябылды. Авыл халкына эш юк. Авылдан яшьләр китә...”, – дип борчылып та сөйләделәр.