ЯҢАЛЫКЛАР
Бу көннәрдә республика мәктәпләрендә “Парламент, җәмгыять һәм мин” дигән парламент дәресләре үтә. Аларда катнашу өчен безнең районга Татарстан Республикасы Дәүләт Советы депутаты Рауил Рәхмәтуллин һәм Татарстан Республикасы Дәүләт Советы депутаты, татар конгрессы җитәкчесе Ринат Закиров кайтты. Депутатлар Курса-Почмак һәм Наласа мәктәпләрендә булдылар.
Айван авылына соңгы төшүемдә таш җәелгән урамнарга игътибар иттем. Авылда яшәүчеләрнең дә шатлыгы эченә сыймый. Аларны аңлап була, үземнең дә Айван урамында җиңел машина белән батып яткан бар.
Һәр ел район Советы утырышында гражданнарның җирле үзидарәләргә мөрәҗәгатьләре турында сүз алып барыла. Чөнки ул барлык җитәкчеләрнең дә мөһим эшчәнлегенең берсе. 2017 елда барлыгы күпме мөрәҗәгать килгән һәм гражданнар белән эш ничек торган? Бу сорауны без район башлыгы урынбасары Любовь Осинага юлладык.
Газ җиһазларына техник хезмәт күрсәтү буенча халыкны кызыксындырган сорауларга Татарстан Республикасы Дәүләт торак инспекциясенең инспекторлар үзәге бүлеге җитәкчесе Елена Арефьева җавап бирә.
Районда пенсионерлар оешмасы эшләп килүе турында ишетеп беләбез, ә менә асылына төшенеп бетә алган юк. Кайберәүләр аны бөтенләй ветераннар оешмасы белән бутый. Әмма алар бер түгел, ә иңне-иңгә куеп эшләүче икесе ике оешма. Район пенсионерлар оешмасының максаты нинди һәм ул нәрсә белән шөгыльләнә? Шуны ачыклау өчен без район пенсионерлар оешмасы җитәкчесе Сания Камалетдинова белән Пенсия фонды җитәкчесе урынбасары, оешма әгъзасы Гөлназ Ибәтуллинага мөрәҗәгать иттек.
18 октябрь көнне 9.00 дән 17.00 сәгатькә кадәр Татарстан Республикасы бала хокукларын яклаучы вәкаләтле вәкиле аппаратында мәгариф оешмаларында туклануны оештыру мәсьәләләре буенча булган системалы проблемаларны анализлау һәм ачыклау, гражданнарга консультатив ярдәм күрсәтү максатыннан чыгып, “Татарстан Республикасы мәгариф оешмаларында туклануны оештыру” дигән темага “кайнар линия” телефоннары эшләячәк.
“Аю” ширкәте базасында 11 октябрьдә хуҗалыкларның баш инженерлары белән уздырылган семинар-киңәшмәдә район авыл хуҗалыгы һәм азык-төлек идарәсе җитәкчесе Ренат Гатиятов: “Бездә техника елга ике ай, кайбер хуҗалыкларда гына күбрәк эшли. Техника эшләгәннән түгел, ә дөрес итеп сакларга куймаганнан туза”, – диде.
Узган шимбәдә Арчада Авыл хуҗалыгы һәм эшкәртү сәнәгате хезмәткәрләре көненә багышланган ярминкә булды.
– Без барлык хуҗалыкларны да чакырган идек, – ди район авыл хуҗалыгы һәм азык-төлек идарәсенең финанс-икътисад бүлеге җитәкчесе Марат Абдуллин. – Күбесе килгән, шәхси эшмәкәрләр дә бар.
“Ак барс” агрокомплексы” ширкәте комбайнчылары Мәүлет Габидуллин белән Нияз Шәфыйковны Яңа Масра басуында очраттык.
Республиканың “Искә алу маршы” Арчаның педагогика көллиятенә сугышта һәлак булган якташларыбызның якыннарын, балаларын, оныкларын очрашуга җыйды. Сәбәбе — хәбәрсез югалган булып саналып, калдыклары табылган, исемнәре акланган якташларыбызның туганнарына хәбәр тапшыру иде.