ЯҢАЛЫКЛАР

Җылы яклардан кайтуларына шатлана–шатлана сайраулары әле генә кебек, югыйсә. Быел “эшне” бик тиз тотты алар — 5 майда чыккан балалары 20 көндә үсеп тә җитте

24 майда “Бердәм Россия” партиясе җирле бүлекчәсенең җәмәгатьчелекне кабул итү бүлмәсендә “Бердәм Россия” партиясе рәисе Д.А.Медведевның төбәк кабул итү җитәкчесе, “Бердәм Россия” партиясе Татарстан төбәк бүлекчәсе секретареның гражданнар мөрәҗәгатьләре белән эшләү буенча урынбасары, Татарстан Республикасы Дәүләт Советының социаль мәсьәләләр буенча комитет рәисе урынбасары Татьяна Воропаева гражданнарны кабул итте.

Суд район прокуратурасының гаризасын канәгатьләндерде һәм Арча районында яшәүче 28 яшьлек Лилия Эркаеваның балигъ булмаган 2 баласына карата ата–ана хокукларыннан мәхрүм итү, шулай ук аннан кызын һәм улын тотуга алимент эзләп алу турында карар чыгарды.

Балаларның түземсезлек белән көтеп алган җәйге каникуллары килеп җитте. Аны ничек күңелле дә, файдалы да һәм истә калырлык та итеп үткәрергә? Бу җәйдә безнең районда балаларга ял итү өчен нинди мөмкинлекләр тудырыла, нинди лагерьлар оештырылачак?

Маһинур апа Иске Кишет авылында туган. Сугыш елларында колхозда сыер сауган, окоп казыган, урман кискән. Ире Нәҗип Касыймов белән өч бала үстергәннәр, оныклары бар.

29 майда Лаеш районының Никольское авылында 24нче тапкыр “Каравон” рус фольклор фестивале узачак. Моннан унөч ел элек республика статусын алган фестивальдә Татарстан һәм күрше төбәкләрдән килгән фольклор ансамбльләр белән бергә районыбызның Фирая Батыршина җитәкчелегендәге “Рус җыры” (“Русская песня”) халык вокаль ансамбле дә катнашачак.

20 майда Арча сәнгать мәктәбендә хокук бозуларны кисәтү буенча мәктәп укучылары арасында районкүләм конкурс узды. Район мәктәпләренең укучылары театральләшкән күренешләр белән тормышның төбенә тартучы начар гадәтләрне (тәмәке тарту, аракы эчү, наркомания) шулкадәр оста, үтемле итеп күрсәтә алды.

Иске Төрнәле дә сыерлар шундый матур көннәрдә кардада пычракта тора, Шәйдулла Сәлахов рәислек иткән елларда сыерларны кыш көне дә басуда йөртеп аякларын яздыралар иде”, — диде бер агай. — Хәзерге җитәкчеләр, белгечләрне без аңламыйбыз, элек мондый хәлне күз алдына да китереп булмый иде

23-24 май көннәрендә Түбән Мәтәскә җирлегендә Бөек Җиңүнең 71 еллыгына багышланган Арча районы белем бирү учреждениеләре укучылары турслёты булып узды. Ярыш “А” һәм “Б” классларына бүлеп үткәрелде.

Табигатьтә теплицадагы кебек шартлар урнашты: җылы, дымлы һава. Үләннәр да күзгә күренеп күтәрелә. Үлән генә түгел, дару инде алар, витаминга иң бай вакытлары.

— “Татарстан” ширкәтендә көтү 30 апрельдә чыкты, — ди район авыл хуҗалыгы һәм азык–төлек идарәсенең терлекчелек бүлеге консультанты Роберт Хәйретдинов. — “Ак барс” агрокомплексы”нда 4–5 майда көтә башладылар. “Ак барс” агрокомплексы”нда көтү чыкканнан соң да ун көн сөт артмады, сыерлар кыш буе организмда кимегән матдәләрне тупладылар, аннан соң гына сөт арта башлады.