ЯҢАЛЫКЛАР
14 майда Казанда "KAZAN-MUZIK Йорт" I Халыкара музыкаль-инструменталь башкаручанлык бәйгесе узды. Бәйгедә Казан, Самара, Ижевск, Йошкар-Ола, Яр Чаллы, Әлмәт, Зәй, Алабуга, Волжск һәм башка шәһәрләрдән килгән укучылар катнашты.
19 майда Пионерия көне уңаенан Арча укучылар Сарае асфальтта рәсем ясау конкурсы үткәрде. Әлеге чарада Арча районы мәктәпләреннән 7-18 яшьтәге укучылар катнашты. Конкурста урыннар түбәндәге номинацияләрдә билгеләнде: Татарстан Республикасында Су саклагыч зоналар елы, Рәсәйдә кино елы, Габдулла Тукайның тууына 130 ел , Юл йөрү кагыйдәләрен бел һәм үтә!, пионерия көненә багышланган “Без һәрвакыт әзер!” номинациясе. Барлык җиңүчеләргә грамоталар һәм бүләкләр тапшырылды.
Арча метеостанциясенең техник–метеорологы, тәҗрибәле галим–агроном Рафис Җаббаров гыйнварда ук быелгы елның 2014 елга охшап килүе турында фараз иткән иде (“Арча хәбәрләре”, 20 гыйнвар, 2016 ел).
16 майда Арча почта бүлекчәсендә Әбүнәче көне үткәрелде. Традициягә әверелеп киткән бу чарага хәзер халык та ияләшеп китте, көтеп ала башлады. Редакциягә дә шалтыратып сорашалар, кызыксыналар.
14 майда Татарстанда Урман утырту көне үткәрелде. Әлеге чарада Арча районы да актив катнашты.
Арчаның Казансу елгасы янында ял итү паркы һәм су коенырга күл булачак. Казу эшләре башланган инде. Проект эскизын Арчаның 3нче мәктәбендә район активистлары җыелып тикшерделәр, аның уңай якларын һәм тәкъдимнәрен әйттеләр. Семинарда район башлыгы Илшат Нуриев катнашты.
Район хуҗалыкларында сабан культуралары чәчү төгәлләнеп килә. 17 майга 68666 гектарның 62850 гектары чәчелде.
1727 гектарда (план 2000 гектар) бәрәңге утыртылды.
3394 гектарда орлык өчен кукуруз чәчелде.
13 майда Арча район Советының икътисадый үсеш, авыл хуҗалыгы һәм әйләнә–тирә мохитне саклау һәм бюджет–финанс мәсьәләләре буенча даими комиссияләренең берләштерелгән утырышы булды.
Елизавета Васильевна Арча эшчеләр бистәсендә туган. 10нчы сыйныфны тәмамлагач, 1942 елда район социаль тәэминат бүлегендә хисапчы булып эшли башлый. Аннан соң инс- пектор, 39 ел баш хисапчы була.
Арчада Россия ветераннар партиясенең район бүлекчәсе оешты. Аның җитәкчесе итеп Мансур Шиһапов, урынбасары итеп Наил Гыйниатуллин сайланды.