ЯҢАЛЫКЛАР

15 июльдә районыбыз халкына, бигрәк тә укытучыларга яхшы таныш, Урта Курса авылында туган Бакиров Рөстәм Хәбибулла улына 80 яшь тула. Ул мәгърифәтче, язучы Госман Бакировның абыйсы Хәбибулла абыйның улы. Урта Курса һәм Югары Курса авылларында яшәгән Бакировлар гаиләсеннән 30лап укытучы билгеле, алар барысы да белемгә омтылган. Укытучы хезмәте Бакировлар нәселендә буыннан-буынга күчә, гаилә һөнәренә әйләнә, бүгенге көндә мәктәпләрдә балаларга белем бирүче туганнары бик күп.

4 июльдә “Бердәм Россия”нең төбәк бүлекчәсе конференциясендә партия Рөстәм Миңнехановны Татарстан Президенты постына кандидат итеп күрсәтте. Республика Лидеры кандидатурасы өчен делегатларның 99 проценты тавыш бирде.

9 июльдә Яңа Кенәр авылында яшәүче Бөек Ватан сугышы ветераны Мидхәт ага Сәфәровка 90 яшь тулды. Күз тимәсен, бүген дә, егетләр кебек дисәң, арттырасың диярләр, бик актив, хәрәкәтчән, кызыклы әңгәмәдәш ул.

8 июльдә Арчада гаилә, мәхәббәт һәм тугрылык көне зурлап билгеләп үтелде. ЗАГС идарәсенең тантаналар залына районыбызның күркәм, үрнәк гаиләләре җыелды. Аларны котларга район башкарма комитеты җитәкчесе урынбасары Илнур Котдусов та килгән иде.

– Безнең Западный урамындагы балалар мәйданчыгы бик начар хәлдә. Гомумән, Арчада балалар мәйданчыклары мәсьәләсе ничек хәл ителә? Шул турыда язсагыз иде, – дип шалтыраттылар редакциягә.

90 яшьлек юбилеен Мөнәвәрә Сафина туган нигезе, гомер иткән авылы Иске Кишеттә билгеләп үтәргә булды. Аны котларга, Россия Президентының, район җитәкчесенең Котлау хатларын тапшырырга халыкны социаль яклау бүлеге җитәкчесе Илдус Әһлиев та килгән иде.

Югары Курсада яшәүче Шәмсенур Вафинаның 95 яшьлек гомер бәйрәме аеруча истә калырлык булды. Быел аны туган көне белән котларга районнан да килделәр. Аңа РФ Президентының һәм район башкарма комитеты җитәкчесе Илшат Нуриевның Котлау хатлары тапшырылды. Урта Курса авыл җирлеге башлыгы Рәмзия Вафина шулай ук бүләкләр белән килгән.

Арча педагогия көллиятенең даны еракларга таралган, анда белем алган меңләгән укытучылар бүген дә үзләренең остазларын зур хөрмәт белән искә ала. Алар арасында безнең яраткан коллегабыз Венера Шәмиева да бар.

9 июльдә Арча шәһәренең Горький урамында күп фатирлы яңа йорт файдалануга тапшырылды. Тантанада муниципаль район җитәкчесе Илшат Нуриев, ТР төзелеш, архитектура, торак–коммуналь хуҗалыгы министры урынбасары Марат Сәйфетдинов катнашты.

9 июльгә район хуҗалыкларында бер шартлы терлеккә 13,36 центнер азык берәмлеге әзерләнде.