ЯҢАЛЫКЛАР

24 июньдә кичке унынчы яртылар тирәсендә Арча станциясенең Победа урамы, 24нче йортта янгын чыккан. Мунча тулысынча янып беткән, йортка да шактый зыян килгән.

Миңа — Арча кешесенә, “баруларым” дип әйтү бик үк килешеп бетми, “кайтуларым” дияргә кирәктер. Ни дисәң дә, бәндә баласы туган ягына кайта инде ул. Мәңге искермәс, мәңге яңа “Арча” көе искә төшкәнгә генә шулай “баруларым” дип яздым. Кайткан саен “Арча” көен көйләми калганым юк. Инде менә яңадан “Арчаларга баруларым...”

Белгечләр быел үсемлекләрнең үсү, өлгерү чоры ике атна чамасы алдан бара, диләр. Димәк, урак өстенә дә ерак калмый, моны арыш басуларына карап та чамалап була. Кырдагысы түгел, амбардагысы икмәк, ди халык мәкале.

Район хакимияте каршындагы бакчада Йолдызлар аллеясына тантаналы шартларда яңа исемнәр өстәлде. Алар: быел 11нче сыйныфны уңышлы тәмамлаган, өч ел рәттән район, республика, Россия күләмендәге ярышларда, олимпиадаларда җиңү яулаган Арчаның 1нче мәктәбеннән Булат Вәлиев, Лесхоз мәктәбеннән Илназ Шәяхмәтов һәм Марат Зәйнуллин. Тантанада район мәгариф идарәсе җитәкчесе Руслан Низамов катнашты.

Узган атнада район авыл җирлекләрендә референдумнар узды. Референдумнар нинди максатларны күздә тотып уздырылганын белү өчен без Арча муниципаль районының финанс–бюджет палатасы рәисе Фәнис Исмәгыйлевка мөрәҗәгать иттек.

Авылларда, район үзәкләрендә Сабантуйлар гөрләп узды. Чират башкалабызга җитте.

22 июньдә Арча муниципаль районының барлык авыл җирлекләрендә Татарстан Республикасының Арча муниципаль районы авыл җирлекләрендә 2014 елда үзара салым кертү мәсьәләсе буенча референдум уздырылды

22 июньдә шәһәребез үзәгендәге Мәңгелек ут янында Бөек Ватан сугышы һәм тыл ветераннары, сугышта катнашучыларның тол калган хатыннары, ветераннар берлеге вәкилләре, укучылар Хәтер һәм кайгы көнен билгеләп үтте.

Татарстан Республикасында кеше хокуклары буенча вәкаләтле вәкил 25 һәм 26 июнь көннәрендә 10 сәгатьтән 17 сәгатькә кадәр “Кайнар линия” үткәрә

28 июньдә Арча шәһәре стадионында Олимпия көненә багышлап район ярышлары уздырыла