ЯҢАЛЫКЛАР

Чебешләрне көз саныйлар дисәләр дә, игенченең язгы хезмәт нәтиҗәләре бүген басуларда яхшы күренә инде. Дөрес, әлегә арыш башак кына чыгара, сабан культуралары күтәрелеп кенә килә. Әмма кемнең ничек эшләвенә, технологиянең үтәлешенә, сыйфатка ялгышмыйча бәя бирергә була.

Раил Рәхимов — Иске Иябаш егете. 7 елдан артык “Кырлай” агрофирмасы” ширкәтендә “тимер ат” иярли. Әтисе Данил белән кулалмаш эшли алар. Язгы кыр эшләрендә, көзге җир эшкәртүдә һәрвакыт норманы арттырып үтиләр, әтисе көндез эшләсә, төнге сменада — Раил. Быел яз 3935 гектарда чәчү чәчте.

Иске Кишет авылында яшәүче Өммегөлсем Мортазинага 90 яшь. Район вәкилләре Россия Президенты Владимир Путинның чираттагы котлау хатын Өммегөлсем апага тапшырдылар.

2012 елның эш йомгаклары һәм 2013 елның язгы чәчү нәтиҗәләре буенча Арча муниципаль районы авыл хуҗалыгы предприятиеләре һәм авыл хуҗалыгы тармагы хезмәтчәннәрен бүләкләү турында

Май аенда районда татар теле һәм әдәбияты укытучыларының “Татар теле укытучысы — 2013” бәйгесе узган иде. Анда 32 укытучы төрле яктан сәләтле булуын күрсәтте һәм жюри тарафыннан иң яхшы дип табылганнары сайлап алынды. Менә алар — җиңүчеләр!

Ринат Шиһабиев бу көнне дә, гадәттәгечә, иртәнге сәгать икедә уянды. Күзләрен кыса төшеп туасы көнне күңеле белән барлап чыкты, эченнән генә планнар корды. Аларның нәтиҗәсен күз алдына китереп, елмаеп куйды. Рәхәт бу вакытта, уйларга бик уңай, берәү дә борчымый, бүлдерми, сорауларга җавап та башта тиз туа, ә иртән эшкә килгәндә төпле фикерең була.

Балачак кеше гомеренең иң риясыз, иң самими, иң матур чагы. Аның һәр мизгеле күңелләрдә мәңге сүрелмәс якты эз калдыра. 1 июнь — Халыкара балаларны яклау көне буларак билгеләп үтелә. Бу көнне генә түгел, һәрвакыт балачак “күгендә” болытлар куермасын, зәңгәр күк, якты кояш иминлек символы булып торсын, балаларның шатлыклы көлү авазыннан өлкәннәрнең йөзендә сөенечле елмаю балкысын иде.

Муниципаль район башлыгы Алмас Назиров шәһәрдәге оешмалар, предприятиеләр эшчәнлеге, экология икеайлыгында башкарылган эшләре белән танышып йөргәндә элеватор, нефтебазага 3 июньдә кабат киләчәген әйткән иде. Чөнки алар адресына бу көнне тәнкыйть сүзләре шактый булды.

Казанка авылында яшәүче Гөлсәрия белән Фәнәвил Мусиннарның бергә яши башлауларына 50 ел.

Килгәннәренә ике ай дигәндә сыерчыклар бала очырды. Быел әйбәт кышлап кайткан иде алар, буш оялар булмады диярлек. Дөрес, искәрмәләр дә бар. Бер оядагылары баланы яңа чыгарды, июль башларсыз очыра алмаслар. Төрле сәбәпләр булгандыр инде моңа. Соңарып булса да бала үстерергә омтылулары ошый.