ЯҢАЛЫКЛАР

Җәлил хәзрәт Фазлыев: “Мәдрәсә бар, мәчетләр төзелә, яшьләр килә. Бүгенге көндә рухи бердәмлек җитми”.

Хәтер һәм кайгы көне алдыннан Бөек Ватан сугышында хәбәрсез югалган дип исәпләнгән һәм әле язмышлары ачыкланган якташларыбызның якыннарына һәм туганнарына аларның документлары тапшырылды

11 июльдә Татарстан Республикасы Министрлар Кабинеты илкүләм “Культура“ проектын тормышка ашыруга багышланган брифинг үткәрде. Анда Арча районы башлыгы Илшат Нуриев чыгыш ясады.

Вакыт авышты, дисәк тә, быел урак өсте бик иртә башланырга ошамаган

18 июльдә “Казанка” ширкәтендә беренче бункер арышны суктырып карадылар. “Бер басудагысының дымлылыгы 30 проценттан артык, икенчесенеке 26 процент чамасы булды, – ди хуҗалык җитәкчесе

Айдар Сабиров. – Аллага тапшырып, икенче басудагысын җомга көнне суктыра башларга уйлап торабыз”.

14 июльдә “Игенче” ширкәте базасында узган семинар-киңәшмә игеннәрне югалтуларсыз урып-җыю, көзге культураларны вакытында чәчү һәм башка мөһим эшләрне оештыруга багышланган иде. Анда район башлыгы Илшат Нуриев, район авыл хуҗалыгы һәм азык-төлек идарәсе җитәкчесе Ленар Абдуллин, хуҗалык җитәкчеләре, баш агрономнар, баш инженерлар, төрле хезмәтләр вәкилләре катнашты.

“Казанка” ширкәтенең бар эшләрне беренче булып башлап, иң алдан тәмамлануына күнектек инде без.

Быел да бу традицияне бозмадылар. 2023 ел урагын алар башлап җибәрде. Беренче булып комбайнын алып чыккан Фаил Хәлиуллин да гади комбайнчы гына түгел – ул хуҗалыкның баш инженеры. Һәр елны башкаларга үрнәк күрсәтеп, кирәк булганда ярдәмгә килеп, иң күп ашлыкны суктыручы да ул.

Хуҗалык җитәкчесе уракка чын-чынлап бу җомгада  керешәбез дигән иде. Безнең газетаның чираттагы саны киләсе җомгада гына чыга. Аңарчы “Казанка” ширкәте урып-җыюны тәмамлап куярга да мөмкин, шуңа әлеге хәбәрне бу санда бирергә булдык.

Район хуҗалыкларында терлек азыгы әзерләү дәвам итәРайон хуҗалыкларында терлек азыгы әзерләү дәвам итә

20 июльгә булган мәгълуматларга караганда, барысы 122 мең тоннадан артык сенаж салынды.

Бу бер елга җитә. Аны ел ярымлык итеп (183 мең тоннадан артык) әзерләү бурычы куелган иде, монысының үтәлүе икеле, чөнки, яңгырлар аз булу сәбәпле, күпьеллык үләннәрдән көтелгән уңышны алып булмады. Дөрес, “Северный”, “Игенче”, “Ашыт” хуҗалыклары күпьеллык үләннәрнең икенче катын да җыйнап алдылар инде.

“Ватан”, “Тукай”, “Казанка” ширкәтләре сенажны ел ярымга җитәрлек итеп әзерләп куйдылар.

Барысы 18370 тонна печән әзерләргә кирәк, шуның 9461 тоннасы әзерләнде.

Бу арада авылларның ничек юкка чыгуы турында яза-яза күңел бераз китек йөри иде. Мөрәле авылына барып кайткач, дөньям түгәрәкләнеп, тагын да матурланып киткәндәй булды

Район авыл хуҗалыгы һәм азык-төлек идарәсенең финанс-икътисад бүлеге җитәкчесе Марат Абдуллин: “Быел кечкенә фермалар төзү программасы буенча 11 кеше субсидия алды, шуларның 5се – Мөрәле авылында!” – дип шаккатырды.

Шушы урында Мөрәле авылында ничә хуҗалык барлыгын, күпме кеше яшәвен беләсе килеп китте. Берничә урынга шалтыратып төгәл җавап ала алмагач, баш мөхәррир Исрафил Насыйбуллин: “Рәсип хәзрәткә шалтыратыйк, белсә ул белер”, – диде. Рәсип хәзрәтнең Казаннан кайтып барышы икән, әлеге сорауны юлдагы кешегә бирергә дә уңайсыз инде. Әмма ул аптырап калмады: “83 хуҗалык бар, 185 кеше яши, – диде. – Уртача яшьләре 46 яшь тә 4 ай...” Авыл турында тагын бик күп мәгълуматлар бирәсе иде әле ул, аларны икенче юлга калдырдык.

Арчадан Венера Моисеева Парижга барып, Pitz Paris отелендә үткән модалар күрсәтү чарасында үзенең “алтын” күлмәге белән танылды

Шушы көннәрдә без тегүче яшь ханым белән аның никах, туй, кичке, кечкенә принцессалар өчен күлмәкләр тегү салонында очраштык.

Венера үзе 1985 елда Чаллыда күп балалы (дүрт бала, дүртесе дә кызлар, Венера Юлия белән игезәкләр) гаиләдә туган. Алты яшендә электр тегү машинасына утырган инде ул.

– Әнием Римма ательеда тегүче иде. Әбием дә тегүче булган. Заманында авыл саен йөреп теккән. Бер авылга тукталып эше беткәч, икенчесенә киткән. Аннан тагын юлын дәвам иткән. Ә мине әнием курчаклар, аларга күлмәкләр, пальтолар тегәргә өйрәтте. Өйдә без кызлар үзара мода күрсәтү дә оештыра идек, – диде Венера. – 1996 елда без Арчага кайттык. Әнинең әти-әнисе монда яши иде. Башлангыч сыйныфларда укыганда үземә күлмәкләр, кофталар тегеп кия башладым. Хезмәт дәресләрендә бишлегә генә укыдым. Тугызынчы сыйныфтан соң әнинең мине педагогика көллиятенә бирәсе килгән иде. Әмма мин Үрнәк агросәнәгать һөнәр көллиятенең Арчадагы 120нче филиалын сайладым. Ул елларда анда тегүчелеккә дә өйрәтәләр иде. Өч ел укыганнан соң югары белем алырга булдым. Игезәк сыңарым белән без спорт белән бик каты шөгыльләнә идек. Армреслинг буенча ярышларга йөреп, призлы урыннар да яуладым. Шуңа педагогия институтының физкультура факультетына керергә уйладым.

Арчадан Диләрә Гаптелбәрова “Нечкәбил” ана булу һәм гаилә матурлыгы республика бәйгесенең зона этабында җиңү яулап финалга үтте

2010 елда шушы ук бәйгедә ун иң яхшы финалист арасына кергән  була инде ул. Әмма йөккә узуын белгәч, анда катнашудан баш тарта. Һәм менә 13 елдан соң язмыш аңа икенче мөмкинлек бирә.

– Мәгариф идарәсе җитәкчесе әйткәч, каршы килә алмадым. Гаиләм дә ярдәм итәргә булды. Гомумән, безнең иҗади гаилә, – диде Диләрә Мәгъсүмовна. – Зона ярышында сигез катнашучы иде. Шулар арасыннан безгә өстенлек биргәннәр.

Диләрә Гаптелбәрова Казан кызы. Әнисе баш хисапчы булып эшләгән, әтисе ДОСААФта инструктор, аннан газпромда. Хәзер икесе дә лаеклы ялда. Апасы Казан мәктәбендә башлангыч сыйныфлар укытучысы. Менә шундый интеллигентлар гаиләсендә тәрбияләнә кыз. Диләрә кечкенәдән музыка мәктәбендә шөгыльләнә, спорт мәктәбенә йөри. Өметле яшь гимнастканы цирк мәктәбенә дә чакыралар, тик әнисенең йөртергә мөмкинлеге булмый.

Арчада бу уку елында 500 балага исәпләнгән Габденнасыйр Курсави исемендәге күппрофильле лицей үзенең ишекләрен ачачак

Директоры Максим Ильясов белән “Мәгариф” милли проекты буенча төзелгән һәм икенче сменада укуны бетерүне күз алдында тоткан әлеге лицейга барып, аның һәр почмагын кызыксынып карап чыктык.

Арчабашта ул. Күпербашка илтүче юлдан асфальт юл нәкъ шул лицейга алып керә. Шәһәр үзәгеннән читтәрәк, әмма Күпербаш авылында, Шәрыкъ бистәсендә яшәүчеләр өчен бер дигән уңайлык. Ә Арчабаштан ерактарак яшәүчеләр өчен автобус йөреп торачак. Зур урамнан гимназия, шәһәр үзәге, хастаханә турысында тукталып, автотранспорт предприятиесе янынан китеп, педагогика көллияте һәм мәгариф идарәсе тирәсеннән үтеп балаларны мәктәпкә алып киләчәк. Маршрут автобусына утырып килгәннәр өчен шул турыда гына тукталыш павильоны бар.