ЯҢАЛЫКЛАР
24 июньдә Арча район башлыгы Илшат Нуриев Югары Курса авылында яшәүче Мөкәрәмә һәм Рәфкать Галиәхмәтовларны 90 яшьлек юбилейлары белән котлады, аларга бүләкләр тапшырды.
Сирәк була торган хәл: Рәфкать абый белән Мөкәрәмә апа бер елны, берүк көнне туганнар. Аларга язылышканда паспорт алыштырып йөрисе дә булмаган: фамилияләре дә берүк.
2020 елның 29 июнендә 67нче яшендә, хезмәтветераны, Татарстан Республикасының атказанган укытучысы, педагогика фәннәре кандидаты, Арча районы ветераннар (пенсионерлар) советы рәисе Габдрахманов Наил Газиз улы вафат булды.
Агачлар ауды, морҗа җимерелде, түбәләр, парниклар очты, зиратны каһәрләде, бер сыерны ток бәрде...
Бакчада чүп утап йөрим. Кара болытлар куерганнан куера. Ул ара да булмады, җил котырып килеп тә җитте, бөтен дөньяны айкап та алды, яшенләп, шыбырдап яңгыр ява да башлады. Каты яуды. Яңгыр тынгач, бакчага чыктым. Давыл алмагачның шактый зур ботагын сындырган иде. Алмалардан сыгылып торган ботакның җирдә ятканын күргәч елыйсылар килде...
Узган шимбәдә үткән киңәшмәдә 5 айда терлекчелектәге эшләргә йомгак ясадылар
Район авыл хуҗалыгы һәм азык-төлек идарәсе җитәкчесе Ренат Гатиятов май аенда беренчелекне яулаган “Ашыт” ширкәтенә күчмә кубок тапшырды. “Северный” хуҗалыгы – икенче, “Кырлай” ширкәте өченче урында.
Әйтсәң – сүз, төртсәң – күз дигәндәй, иң ахыргы урында “Төрнәле–Пошалым ширкәте. Әлеге хуҗалыкта терлек азыгы әзерләү турында гомумән уйламыйлар дигән фикер туа. Инде терлекчелектә дә артка тәгәрисен тәгәрәп бетереп киләләр, 17нче урыннан да түбән төшеп булмый.
Республикада армия хезмәтенә язгы чакырылыш бара. Без республика хәрби комиссариатындагы райондаш егетләр белән телефон аша әңгәмә кордык
14 июньдә әти-әниләре Арчадан армиягә озатып калган Шурабаш егете Андрей Александровтан Ватан алдындагы хәрби бурычын үтәр өчен 19 июньдә Казаннан юлга кузгалды. Егет үзенең Кемерово өлкәсенең Юрга шәһәренә китәчәген республика хәрби комиссариатына килгәч белгән.
16 яше тулмаган балалар тәрбияләүче ата-аналарга, опекун яисә попечительләргә, 16 яшькә кадәрге баланы уллыкка алучыларга июль аенда балаларның һәркайсына унар мең сум акча түләячәк. Бу хакта Россия Пенсия фондының Татарстан Бүлекчәсе хәбәр итә. РФ Президентының 2020 елның 7 апрелендәге 249 номерлы “Балалары булган гаиләләргә өстәмә социаль ярдәм чаралары турында”гы Указы нигезендә бу акча агымдагы елның апреленнән һәм июнь аеннан 3 яшькә кадәрге балаларга 5 мең сум, 3 яшьтән 16 яшькә кадәрге балаларга ун мең сум күләмендәге акчалата түләүләргә өстәмә рәвештә бирелә.
Бу очракта сатып алучы товарны бәя этикеткасында күрсәтелгән бәядән алырга хокуклы.
«Кулланучылар хокукларын яклау турында» 1992 елның 7 февралендәге 2300-I номерлы РФ Закон нигезендә сатучының товар турында (шул исәптән аның бәясе турында) кирәкле һәм дөрес мәгълүматны үз вакытында һәм аңлаешлы итеп кулланучыга җиткерергә тиешлеге билгеләнә.
Россия Федерациясе Хөкүмәтенең «Юридик затларның аерым төрләре тарафыннан товарлар, эшләр, хезмәт күрсәтүләрне сатып алуларда кече һәм урта эшкуарлык субъектларының катнашу үзенчәлекләре, мондый сатып алуларның еллык күләме һәм күрсәтелгән күләмне хисаплап чыгару тәртибе турында нигезләмәгә үзгәрешләр кертү хакында» 2019 елның 1 августындагы 1001 номерлы карары белән 2020 елның 1 гыйнварыннан кече һәм урта эшкуарлык субъектларыннан юридик затлар тарафыннан сатып алуларның минималь еллык күләме заказчылар тарафыннан сатып алулар нәтиҗәләре буенча төзелгән шартнамәләрнең гомуми еллык күләменең 18% тан 20% ка кадәр артты.
«Автомобиль юллары һәм юл эшчәнлеге турында» 08.11.2007 ел, №257-ФЗ Федераль законның 3 статьясы нигезендә автомобиль юлының тиешле техник халәтен саклау, аның техник торышын бәяләү, шулай ук юл хәрәкәте иминлеген оештыру һәм тәэмин итү буенча эшләр комплексы билгеләнә.
02.08.2019 ел, №280-ФЗ Федераль закон нигезендә, корал, шулай ук ау һәм аучылык байлыкларын саклау турында гамәлдәге законнарга үзгәрешләр кертелде.