ЯҢАЛЫКЛАР

18 августта “Казан арты” тарих–этнография музеенда социаль хезмәткәрләр Татарстан Республикасының хезмәт, мәшгульлек һәм социаль яклау министры урынбасары Ирина Просвирякова белән очрашты. Ирина Юльевнаның Арчага беренче килүе генә түгел.

Быел район территориясендә урнашкан “Шатлык” балалар сәламәтлек лагеренда өч сменада 70әр, барлыгы 210 бала ял итте. Беренче смена балалары үзләрен сәламәтлекне кайгыртуга корылган осталык сыйныфларында сынаса, икенче сменадагылар иҗат буенча белемнәрен тирәнәйтте.

Балаларның имгәнүен булдырмау, балалар һәм яшүсмерләргә юл хәрәкәте куркынычсызлыгы күнекмәләрен исләренә төшерү максатыннан 2015 елның 15 августыннан 15 сентябренә кадәр “Игътибар–балалар” айлыгы үткәрелә.

Районнардагы дәүләт ветеринария берләшмәләренә эшкә кабул ителгән яшь белгечләргә (30 яшькә кадәр) өч ел дәвамында ай саен өстәмә акча түләячәкләр. Татарстан Республикасы Баш ветеринария идарәсе җитәкчесе шундый карар кабул итте.

Аны олы юбилее белән район башлыгы урынбасары Любовь Осина һәм халыкны социаль яклау бүлеге җитәкчесе Илдус Әһлиев котлады, ил башлыгы, район җитәкчесе котлауларын ирештерде.

Татарстан Республикасы Президенты вазыйфаларын вакытлыча башкаручы Рөстәм Миңнеханов Казанда узган Су спорт төрләре буенча XVI дөнья чемпионатында Россия җыелма командасы составында катнашкан Татарстан спортчылары белән очрашты. ТР Хөкүмәте йортында бүген узган очрашуда ТР яшьләр эшләре һәм спорт министры Владимир Леонов һәм спортчыларның тренерлары катнашты.

“Илкүләм җыелма команда составына эләгү – бу җитди адым. Киләсе елда Олимпиада узачак, анда Татарстан вәкилләре дә булырга тиеш. Без яхшыга өметләнәбез. Әмма моның өчен хезмәт, система, әлбәттә, потенциал кирәк. Без спортчылар өчен барлык шартларны тудырырга тиеш, - диде Миңнеханов. - Дөньякүләм дәрәҗәдә чыгыш ясарлык спортчылар булуы белән горурланабыз. Кемдер уңышка иреште, кемдер - юк. Спорт ул спорт, әмма потенциал зур”, - дип саный ул.
Очрашу башында синхрон йөзү буенча өч тапкыр дөнья чемпионы булган Лилия Низамовага, шулай ук аның тренеры Нинель Кожедубка ТР Президенты рәхмәте белдерелде.

Россиядә өлешләп җыелган акчага торак төзүдән тулысынча баш тарту планлаштырылмый. Бу хакта бүген Казанда торак төзелешен үстерү мәсьәләләренә багышланган киңәшмә нәтиҗәләре буенча РФ Беренче вице-премьеры Игорь Шувалов журналистларның сорауларына җавап биргәндә белдерде. Киңәшмәдә Татарстан Республикасы Президенты вазыйфаларын вакытлыча башкаручы Рөстәм Миңнеханов та катнашты.

И.Шувалов “Күп фатирлы йортларны һәм башка күчемсез объектларны өлешләп җыелган акчага төзүдә катнашу турында”гы 214 Федераль законга үзгәрешләр кертү планлаштырылуын шәрехләде. “Күчемсез милек базары күрсәткечләре төшү сәбәпле, алданган өлешләп түләүчеләр артканнан-арта. Без 214 нче законның билгеле проблемаларга һәм җитешсезлекләргә ия булуын күрәбез. Аларны бетерү зарур”, - дип ассызыклады РФ Беренче вице-премьеры.
Россия Төзелеш министрлыгында махсус эшче төркем оештырылган, анда төбәк хакимияте вәкилләре дә кертелгән, дип белдерде. Аның сүзләренчә, ТР төзелеш, архитектура һәм ТКХ министры Ирек Фәйзуллин шулай ук бу эштә катнашуга чакырылган.

Арчадан Акчишмә авылына барып җиткәнче берничә тапкыр яңгыр явып үтте. Августта уттай урак өсте булырга тиеш тә бит, әмма нәкъ көзге һава, килә ява, килә ява ияләнде бер болыт. Аптыраган халык, бәлки август белән сентябрь урыннарын алышканнардыр, дип юрап куя.

Алсу Мифтахова улы Ирекне ялгызы гына үстерә. Быел беренче сыйныфка барачак Ирек, аз керемле гаиләдә тәрбияләнүе сәбәпле, “Мәктәпкә әзерләнергә булыш” акциясе кысаларында мәктәп букчасына ия булды

14 августта Татарстан Республикасы Дәүләт Советы депутаты Рауль Рәхмәтуллин Урта Курсада һәм Түбән Мәтәскәдә шушы җирлекләр халкы белән очрашты.