ЯҢАЛЫКЛАР

Россия Эчке эшләр министрлыгы Арча районы буенча бүлегенең 2017 елга оператив-хезмәт күрсәтү эшчәнлегенә нәтиҗә ясалды. Район хакимиятенең актлар залында үткән зур киңәшмәдә район башлыгы урынбасары Любовь Осина, район прокуроры Ринат Ситдыйков, район суды рәисе Наил Сөнгатуллин, тикшерү бүлеге җитәкчесе Эдуард Закиров катнашты. Арча районы буенча эчке эшләр бүлеге җитәкчесе Айдар Баһавиев хисап доклады белән чыкты.

Яңа Кырлай мәдәният йорты сәхнәсенә ир–атлар чыгып баскач, араларында тормышның ачысын–төчесен күргән, үз куллары белән тормышларын төзегән, балаларын, оныкларын аякка бастырган, бүген дә яңалыкка омтылып, аны үзләштерергә тырышып, заман белән бергә атлаган өлкәннәрне күргәч аптырап та калдык, уңайсызланып та куйдык.

“Арча” спорт комплексында декабрьнең бер шимбә, якшәмбесендә – ике көн буе волейбол ярышлары булды. Беренче көнне район хатын-кыз командалары уйнаса, икенче көнне ир-атлар арасында ачык волейбол турниры үткәрелде.

Мөселман кызы нинди булырга тиеш? Уңган, булган, чибәр, зифа буйлы... Шул ук вакытта әдәпле, тәрбияле, намуслы, акыллы, саф, пакь, дини. Саный китсәң, бик күп сыйфатлар бизи аны. Тышкы ягы белән түгел, эчке матурлыгы белән гүзәл мөселман кызлары.

Сикертән мәктәбендә III районара Мөхәммәт Мәһдиев укулары узды. Конкурска 200дән артык эш кабул ителгән һәм икенче турга шулар арасыннан 87се сайлап алынган, укучыларга чакыру җибәрелгән.

“Ладья” шахмат клубында район беренчелегенә ярышлар булып узды. Анда районның иң көчле шахматчылары катнашты. Арчадан юрист Ленар Вахитов район чемпионы булды.

8 гыйнварда Арча педагогика көллиятендә самолет фаҗигасендә һәлак булган якташыбыз Гөлнара Рәшитова истәлегенә ачык шахмат турниры уздырылды.

9 гыйнварда видеоконференция режимында үткән киңәшмәдә Татарстан Республикасы Премьер–министры урынбасары, авыл хуҗалыгы һәм азык–төлек министры Марат Әхмәтов республика агросәнәгать комплексы яңа елны 2017 елга куелган бурычларны үтәү хисе белән башлап җибәрде, дип белдерде. Республика тулай продукция күләме буенча Россия төбәкләре арасында өченче урында.

Яңа ел алдыннан районга Казаннан Кыш бабай белән Кар кызы кайтты. “Изге күңелле тылсымчы бул” акциясе кысаларында Татарстан Республикасындагы Бөтенроссия халык фронты вәкилләре ятим балаларга чын бәйрәм бүләк итте.

3 гыйнвар кичендә Арчага Оренбург өлкәсенең Татар Каргалысы һәм Алабайтал авылларыннан бер төркем милләттәшләребез килде. Күптән түгел безнең арчалар аларда булып кайтты. Инде менә үзләре килделәр. Кунакларны район башкарма комитеты җитәкчесе урынбасары Рамил Гарифҗанов каршы алды һәм озатып йөрде.