ЯҢАЛЫКЛАР

Төнге 12нче яртылар узгач, Арча чиркәве ишегалдына кердем. Василиск атакай: “Сәгать 12 тулып, 10 минут киткәч, чишмәдә хач ману йоласы башланачак (крещение)”, – диде. Шунда мунча белән янәшәдә генә ишегалдында өскә чиләк белән су кою урынын да ясап куйганнар. Чишмә янына төшмичә шушында гына йоланы үтәргә килүчеләр күренде. Алар хатын–кызлар иде. Чиркәүдән ерак түгел яшәүче Сергей Харитонов та килеп җитте.

2016 елда районда балигъ булмаганнар тарафыннан 17 җинаять (шуларның өчесе авыр җинаятьләр) эшләнгән. Узган ел ул 10 гына булган. Әлеге җинаятьләрдә барлыгы 21 балигъ булмаган яшьтәге яшүсмер катнашкан. Дөрес, аларның өчесе читтән килгән, берсе Яшел Үзән, икенчесе Әтнә, өченчесе Казан шәһәренең Совет районыннан, калганнары үзебезнекеләр.

2017 елның 17 гыйнварында машина йөртергә өйрәтү осталарының Россия Чемпионаты беренче этабы төбәк сайлап алу ярышлары булды. Ярышлар А.П.Обыденков исемендәге Казан автотранспорт техникумы базасында югары һөнәри дәрәҗәдә үтте. Катнашучылар машина йөртүдә практик күнекмәләрен генә түгел, юл хәрәкәте кагыйдәләрен үзләштерү буенча белемнәрен дә күрсәттеләр.

Районда күп фатирлы йортларга шәхси газ казаннарын 2007–2011 елларда куйдылар. Бездә бу эшне озакка сузмадылар. Кайбер районнарда программа әле дә дәвам итә. Халык үз фатирына шәхси газ казаннарын теләп куйдырды.

– Исәннәрмесез, туганнар! Ишекне төбенә кадәр ачып, болай да биек ишектән башын бераз гына иеп кергән Габдерәхимнең көчле тавышы бөтен өйне яңгыратты, авызын колагына кадәр җиткереп елмаюы нур сипкәндәй итте. Өстәл янында кичке аш ашап утырганнарның да йөзләре яктырып киткәндәй булды. Беренче булып Миннегөл килен телгә килде. Өстәл артыннан сикереп торып Габдерәхим янына килде дә, “үзем” диюенә карамастан, өстеннән салган киемен алып элеп куйды, юыну бүлмәсенә алып кереп китеп, кулын юганын көтте.

Район көрәшчеләренең республикада 1, 2 урыннарны алган еллары булды. Күрше район көрәшчеләре арчалардан өркеп торды, аларга тиңләшергә хыялланды. Килде бер көн: район көрәшчеләре республикада 18 урынга калды. Бу безнең көрәшчеләрнең һәм хәтта районның абруена суга торган хәл иде.

Район башлыгы Илшат Нуриевның Яңа ел алдыннан районның иң сәләтле балалары белән очрашуы матур гадәткә әверелеп бара. Анда ул укучыларның район, мәктәп, яшьләр тормышына кагылышлы сорауларын игътибар белән тыңлый, төгәл җаваплар әйтә, кайберләрен тормышка ашырырга вәгъдә бирә. Һәм сүзендә тора да. Күптән түгел булган вакыйгада бу ачык чагылыш тапты.

Соңгы вакытта: “Пай җирләрен рәсмиләштермәсәң кире алалар икән, дигән сүзләр йөри. Бу дөресме икән?” – дип шалтыратучылар бар.Без әлеге сорауны милек һәм җир мөнәсәбәтләре палатасы җитәкчесе урынбасары Илһам Сираҗиевка бирдек.

13 гыйнварда Россия Матбугаты көне уңаеннан, Татарстан Дәүләт Советы Рәисе Фәрит Мөхәммәтшин республика массакүләм мәгълүмат чаралары җитәкчеләре һәм федераль массакүләм мәгълүмат чараларының Татарстанда эшләүче үз хәбәрчеләре белән очрашты.

Әле кайчан гына Яңа елны бәйрәм итү хәстәре белән йөргән идек. Тирә–юньне бизәгән төрле утлар күзләрне чагылдырып кына калмады, күңелне дә сөендерде, бәйрәм рухы өстәде. Әмма бар да вакытлыча. Шул арада ярты ай үтеп тә китте. Узган җомгада Арча стадионында искечә Яңа елны каршы алу, Үзәк чыршыны ябу тантанасы булды.