ЯҢАЛЫКЛАР
2018 ел Татарстан кечкенә шәһәрләрдә һәм тарихи урыннарда уңайлы шәһәр мохите тудыру буенча иң яхшы Бөтенроссия проектлар конкурсында 14 грант отты. Безнең район да конкурста “Кечкенә шәһәрләр” номинациясендә катнашты, әмма грант ота алмасак та, финалга үттек һәм экспертлар тарафыннан безнең проект уңышлы дип бәяләнде.
Арчаның Үзәк китапханәсенең уку залы бу юлы үзенчәлекле кичәгә җыйды: райондашыбыз “к” хәрефеннән генә башланган сүзләрдән торган китабын тәкъдир итте.
"Киләчәккә юл салганда, Татарстан үзенең тарихын онытмый. Аның төп бурычларының берсе 1920 елда ТАССР төзелү белән бәйле. Бу вакыйга аның социаль-икътисадый һәм мәдәни үсешендә бик мөһим роль уйнады».
ТАССР төзелүнең 100 - еллыгына багышланган «Татарстан гасыры» халык белем бирү проектын гамәлгә ашыру кысаларында "Арча 3 нче башлангыч гомуми белем мәктәбе -балалар бакчасы" муниципаль бюджет белем учреждениясендә «Татармультфильм» берләшмәсе мәдәни чарасы үткәрде.
Роспотребнадзор идәрәсе Арча , Биектау, Әтнэ, Балтач районнары буенча территориаль булеге хэбэр итэ: 08 апрельдан 30 апрельга 2019 елнын жэмэгэть туклану оешмаларынын хезмэт курсэту сыйфаты буенча кайнар линия эшли .
Быелгы язгы кыр эшләренә әзерлеккә багышланган семинар-киңәшмә “Яңарыш” хуҗалыгы базасында үтте. Анда район авыл хуҗалыгы һәм азык-төлек идарәсе җитәкчесе Ренат Гатиятов, авыл хуҗалыгына кагылышлы булган хезмәтләр вәкилләре, хуҗалыкларның баш агрономнары, баш инженерлары катнашты.
Татарстанда, шул исәптән безнең Арча районында да 1 апрельдән санитар-экология икеайлыгы башланды. Икеайлык кысаларында республикада “Экояз – 2019” конкурсы бара. Бүген без бик тә әһәмиятле тема – кулланылган батареяларны җыю акциясе турында сөйләшербез. Ул “Экояз – 2019” конкурсында аерым тема булып тора. Җиңүчеләр бүләкләнәчәк.
“Казан арты” тарих-этнография музее залында Татарстан Республикасы Иҗтимагый палатасының зона семинары булды.
5 апрельдә Арча район Советының икътисади үсеш, авыл хуҗалыгы һәм тирә-якны саклау; бюджет-финанс мәсьәләләре буенча даими комиссияләренең берләштерелгән утырышы узды. Аның эшендә район башлыгы урынбасары Гөлнара Гарипова катнашты.
Һәр ел апрель ае Кәрим Тинчурин исемендәге комедия һәм драма театрында “Арча якташлыгы” җәмәгать оешмасы тарафыннан оештырылган очрашу белән башланып китә. Бу матур чарага туган авылларыннан китеп читтә яшәүче якташлар килә. Казанга гына китеп атна, һич югында ай саен туган йортларына, әти-әниләре янына кайтып торсалар да, мондый очрашулар ничектер күңелләренә якын буладыр, күрәсең.
Татарстан Республикасы авыл хуҗалыгы һәм азык-төлек министрының беренче урынбасары Н.Л. Титов җитәкчелегендәге комиссия 9 апрель көнне Арча муниципаль районында авыл хуҗалыгы техникасының язгы кыр эшләренә әзерлеген тикшерде.