ЯҢАЛЫКЛАР

Бу турыда газета битләрендә ничәнче тапкыр язабыз инде. Полиция хезмәткәрләре кисәтә тора, без һаман алдана торабыз. Полиция подполковнигы Ирек Габидуллин редакциягә телефон һәм банк карталары аша акча урлау турында чираттагы материалын тотып килгәч, башта ышанмыйча тордык.
Нигә шулкадәр беркатлы соң без?

Азык-төлек базарындагы хәлне исәпкә алып, быел ярминкәләр кыш айларында да туктап тормады. Казандагылары белән беррәттән Арчада да бәйрәм саен үтеп торды алар.

Арча районының югары һәм чыгарылыш сыйныф укучылары республикада авыл хуҗалыгы белгечләре әзерләүче югары уку йортлары, министрлык вәкилләре һәм район башкарма комитеты җитәкчесе Илшат Нуриев белән очрашты. Киләчәкләрен әлеге өлкә белән бәйләргә теләүчеләргә кызыклы тәкъдимнәр, файдалы мәгълүмат күп булды бу көнне.

Күңелләргә тирән эз салып, киләчәккә якты өметләр уята торган хатирәләрнең берсе - Казан шәһәренең Дәүләт Советына сәяхәттер мөгаен. Без, тарих укытучысы Фәридә Илдус кызы һәм бер төркем укучылар Дәүләт Советында язучы, дәүләт эшлеклесе Разил Исмәгыйль улы Вәлиев белән очрашуда булдык. Моңарчы егерме еллык тарихы булган бу мәһабәт бинаны без, телевизор экраннарыннан гына күреп сокланган булсак, бу очрашуда аның һәр бүлмәсенә кереп, искиткеч бай тарихы, кызыклы экспонатлары белән танышу бәхетенә ирештек. Экскурсовод Мария Михайлованы тын да алмый тыңладык. Сорауларына җавап бирдек. Хәтта депутат кәнәфиләренә утырып үзебезне борчыган сорауларга җавап алу бәхетенә дә ирештек.

6 март көнне Кышкар авыл клубында клуб, китапханә һәм башлангыч мәктәп белән берлектә “Йөрәк аша узды сугыш” дип исемләнгән, Бөек Җиңү язын якынайтуда үзләренең фидакарь хезмәтләрен һәм гомерләрен кызганмый, ач-ялангач килеш тылда батырлык күрсәткән ветераннарга “1941-1945 нче еллардагы Бөек Ватан сугышында Җиңүнең 70 еллыгы” юбилей медальләрен тапшыру тантанасы булды.

“Курса МТС”ын күп язалар, еш мактыйлар. Әйе, чөнки күрсәтерлек эшләре, мактауга лаек уңышлары, иң мөһиме, хуҗалыкларын үз итеп, бөтен күңелләрен биреп йөрүче кешеләре бар

Казанда “Корстон” үзәгендә Татарстан Республикасы судьяларының Х конференциясе булды

Район башкарма комитеты җитәкчесе Илшат Нуриевның район Советы утырышында ясаган чыгышы

Арчага Федераль монополиягә каршы хезмәтнең (ФАС) Татарстан Республикасы буенча идарә җитәкчесе урынбасары Данир Мөхәммәтҗанов килде. Ул район хакимияте бинасы актлар залында халык белән очрашты. Очрашуда район башкарма комитеты җитәкчесенең беренче урынбасары Илшат Галимуллин катнашты.

7 мартта Арча шәһәрендә “Эссен” кибете янындагы мәйданда Халыкара хатын–кызлар көненә багышланган ярминкә була. Аны Урта Курса авыл җирлеге һәм “Курса МТСы” ширкәте оештыра.