ЯҢАЛЫКЛАР

Россия Федерациясе Җинаять кодексының 238 маддәсе нигезендә, кеше тормышы һәм сәламәтлеге куркынычсызлыгы таләпләренә җавап бирмәүче продуктларны һәм товарларны җитештергән, саклаган һәм алып кайткан өчен закон нигезендә 300000 сум штраф, 360 сәгатькә кадәр мәҗбүри эш яки 2 елга кадәр иректән мәхрүм итү кебек җәзалар каралган. Шуңа карамастан, ялган аракы белән сату итүчеләр очрап тора.

Россия күләмендә “Үлем белән кайда сәүдә итәләр, хәбәр ит!” акциясе башланды. Наркотиклар шикелле, акциянең исеме үк куркыныч. Бүген район үзәк хастаханәсе табиб–наркологында 25 кеше исәптә тора, аның 9ы наркоман, 16сы наркотик матдәләр кулланып карасалар да, әле бу афәткә бәйле түгел. Узган ел полиция хезмәткәрләре наркотиклардан исергән 17 кешене район хастаханәсенә медицина тикшерүенә алып килгән. Ә республика буенча наркология диспансерында 17 меңнән артык наркотик кулланучы исәптә тора.

24–25 мартта Теләчедә эстрада сәнгатенең “Созвездие–Йолдызлык—2014” XIV республика телевизион фестиваленең зона этабы булды. Арчадан беренче урыннарны “Ар–и–Эль” бию төркеме (хореография) һәм Марат Мәгъсүмов (конферанс) яулады. Илүзә Галимуллина, Мөнир Мәрдәнов, Гүзәл Закирова (вокал), Инсаф Гаптелбәров (конферанс) номинацияләрендә икенче булдылар. Инсаф вокал буенча да уңышлы чыгыш ясады һәм призлы өченче урынга чыкты. Вокал номинациясендә чыгыш ясаган Данил Закировка махсус бүләк тапшырылды. Зона бәйгесендә беренче–өченче урыннарны яулаганнар 14–17 апрельдә Казанда “УНИКС” мәдәни–спорт комплексында үтәчәк суперфиналда чыгыш ясаячак.

Яңа Кырлай фермасында терлекчеләр бүлмәсендәге аквариумда балыклар йөзә, тирә–ягында матур гөлләр. Үзенә күрә бер рәхәтлек монда, буш вакытларда ял итеп алырга да була. Ике смена белән эшләгәндә монысы да бик кирәк.

Районда барысы 102 мәктәп бар. Һәркайсында балаларны ашату оештырылган. Яшь буынның сәламәтлеге мәктәптә туклануга турыдан–туры бәйле.

Ныклап төзекләндерелгән йортлар матурлыгы, чисталыгы белән әллә каян күзгә ташланып тора. Искегә тимә, исең китәр, ди халык мәкале. Моны да ике мәгънәдә аңларга була икән. Чыннан да, исең китәрлек үзгәреш кичерә бу биналар.

Ни чәчсәң, шуны урырсың, ди халык мәкале. Бу сүзләрнең мәгънәсе бүгенге көндә бигрәк тә зур әһәмияткә ия. Чәчү кампаниясенең иң зур максаты — бердәм, тиешле куелыктагы таза–сау шытымнар алуга ирешү.
Бер үк көнне чәчелгән мәйданда, басуда бөртек тишелә башлап, бер тәүлек эчендә тишелеп бетәргә тиеш. Бердәм тишелгән басуда көз көне башаклар да тигез өлгерә.

Нәүрүз бәйрәме төрки һәм мөселман халыклары арасында таралган милли бәйрәм. Җир шарында Нәүрүзнең 1500–1700 еллык тарихы бар. Безнең борынгы әби–бабаларыбыз да көн белән төн тигезләшкәндә була торган бу бәйрәмне Яңа ел буларак зурлап билгеләп үткән. Әзәрбайҗан, Казахстан, Кыргызстан кебек төрки илләрдә ул әле дә шул олы мәгънәсен югалтмый.

20 мартта Питрәчтә “Власть органнары, массакүләм мәгълүмат чаралары һәм гражданлык җәмәгатьчелеге институтларының коррупциягә каршы торуда үзара хезмәттәш-леге” дигән темага семинар–уку үткәрелде. Анда Татарстан Республикасы Президентының коррупциягә каршы сәясәт Идарәсе вәкилләре, Арча, Әтнә, Балтач, Кукмара, Саба, Теләче, Питрәч, Биектау, Яшел Үзән районнары массакүләм мәгълүмат чаралары, әлеге районнарның коррупциягә каршы комиссияләре җитәкчеләре катнашты.
Әлеге чараны Матбугат һәм массакүләм коммуникацияләр буенча республика агентлыгының массакүләм мәгълүмат чаралары белән эшләү буенча Идарә җи-тәкчесе Марсель Гыйльмиев алып барды.

Быел язны ике атнага алдан килә, дип фараз итәләр. Кара каргалар март башында ук кайтты, сыерчыклар 18 мартта күренде. Аларны ара–тирә дулап алган бураннар да, төнге салкыннар да өркетми инде, чөнки җылы көннәр якынлаша.