ЯҢАЛЫКЛАР

Яңа гына, газетабызның 19 октябрь санында, халык соравы буенча “Газ җиһазларына – техник хезмәт” дигән язма бастырдык. Газетаны алуга безгә шалтыраттылар. “Сез газетада төтен юллыкларын һәм җилләтү каналларын лицензиясе булган махсус оешмалар тикшерә. Үз йорты белән яшәүчеләр аны үзләре тикшертергә тиеш, дип язып чыктыгыз. Нинди оешмалар тикшерә икән аны? Түбә башына кем менә? Шул турыда язып чыга алмассызмы икән”, – дип сорыйлар.

Бер әңгәмә вакытында Арча һәм Әтнә районнары буенча хәрби комиссар Алмаз Борһанов, Бөек Ватан сугышында, Ватан алдындагы бурычларын үтәгәндә һәлак булганнарның каберенә таш куйдырту, читтә җирләнеп калган хәрбиләрнең каберенә бару чыгымнарын каплау кебек сораулар белән хәрби комиссариатка мөрәҗәгатьләрнең ешаюы турында әйткән иде. Бу мәсьәлә белән хәрби комиссарның өлкән ярдәмчесе Резеда Вәлиева шөгыльләнә. Сораулар җавап рухындагы мәгълүмат газета укучыларыбызга да файдалы булыр дип, аның белән әңгәмә кордык, чөнки бу районыбызда күп гаиләләргә кагыла.

Безнең районда чаңгы спорты бик нык алга китте. Каян чыгып шундый нәтиҗә ясый, дисезме? Районда кыш дәвамында үткән чаңгы ярышлары, мәктәпләрдә спортның бу төренә игътибарның артуы ук шуны исбатлый. Аннан балалар һәм яшүсмерләр спорт мәктәбендә шөгыльләнүче яшь спортчыларыбыз, республика беренчелекләрендә катнашып, яхшы күрсәткечләргә ирешәләр.

31 октябрь көнне Татарстан Республикасында Бала хокуклары буенча уполномоченный ТР Дәүләт Советының социаль сәясәт буенча комитеты рәисе С.М.Захарова һәм ведомстволар белән берлектә “Бала соравы” гражданнарга хокукый ярдәм күрсәтү көне үткәрәчәк.

Совет заманында шаярып: “Молния, гром – зачем нужен агроном?” – дигән әйтем бар иде. “Кыш көне агроном, җәен укытучы булсаң иде”, – дип тә әйтәләр иде. Ягъни, яңгыр яуса уңыш болай да була, кышын агрономнар, җәен укытучылар ял итә, янәсе.

Күптән урамнарның чисталыгын караган юк иде. Бу юлы районның административ комиссиясе белән Арча урамнарына чыгып кердем. Әле кайчан гына комиссия белән көн саен йөргән вакытлар булды. Газетаның һәр санында диярлек язмалар чыгып барды. Нәтиҗәсен дә күрдек. Урамга юынтык суларны түкми башладык, капка төбендәге утын, бүрәнә, такталарны, ташны эчкә кертеп өйдек, чүп-үләннәрне чабабыз, йортыбыз янында хәтфәдәй яшел үлән, чәчәк үстерәбез...

Арчадагы өлкәннәр һәм инвалидлар йортында яшәүче Хәрирә апа Ибәтуллина 90 яшьлеген билгеләп үтте.

Узган атнада Ашытбаш мәктәбе 100дән артык укучы һәм укытучыдан торган 13 команданы шашка ярышына җыйды. “Интеллектуаль мәктәп” дип аталучы республика күләмендәге турнирда катнашу өчен районыбыздан гына түгел, Әтнә, Балтач, Биектау районнарыннан, Казаннан килгәннәр.

Салым оешмалары салым исәпләүләрен башкарып физик затларга түләү квитанцияләре җибәрделәр. Шушы уңайдан гражданнардан еш бирелә торган сорауларга җавап алу өчен Россия Федераль салым хезмәтенең Татарстан Республикасы буенча 5нче районара салым инспекциясенең бүлек җитәкчесе Мөнир Шәйдуллинга мөрәҗәгать иттек.

Арча һәм Әтнә районнары буенча Пенсия фонды идарәсе җитәкчесе урынбасары Гөлназ Ибәтуллина безгә шалтыратты һәм мондый хәбәр җиткерде:

– Мошенниклар бер дә тик ятмый, ниндидер бер хатын-кыз тавышы ватсап аша яки шалтыратып, пенсионерларга 720 сум өстәмә түләү турында хәбәр итә.