ЯҢАЛЫКЛАР

“Җомга көн кич белән” иҗат концертлары дәвам итә. Узган атнада ул Сикертәндә булды.

4 февральдә Югары Аты авылында Айрат Гыйльфанов истәлегенә хоккей турниры узды. Анда Әтнәдән Бәрәзкә, Шашы, Арчадан Югары Аты һәм Яңа Кенәр авыллары командалары көч сынашты.

Район мәдәният идарәсе хисап җыелышы булып үтте. Җитәкчесе Рамил Мөхетдинов узган елга нәтиҗә ясады.

1 февральдән 3сенә кадәр Казанда һөнәри уку йортлары арасында WorldSkills эшче һөнәрләр чемпионаты узды. Анда районыбызның агросәнәгать көллияте студентлары Рәсимә Закирҗанова “Камыр һәм икмәк-күмәч ризыклары” компетенциясендә – 3нче, көллиятнең филиалы студентлары Искәндәр Вафин “Плитка ябыштыру” – 2нче, Рөстәм Галимҗанов “Кирпеч салу” – 3нче, Арча педагогика көллиятеннән Айгөл Миндубаева “Кече сыйныфларда укыту” компетенциясендә 3нче урынга лаек булды.

Беркөнне редакциягә элеккеге хезмәттәшебез Дания апа килеп керде. Җылы итеп күрешкәннән соң Дания апа Илсур абыйның 83 яшендә мәрхүм булуы, ярдәм итүчеләргә рәхмәт хаты язарга керүе турында әйтте.

Редакциягә газета укучыбыз шундый сорау белән мөрәҗәгать итте:

“Минем авылда пай җирем бар, аны 2016 елда инвесторларга арендага тапшырган идем. Арендага биргән өчен миңа керемне акчалата түгел, ә ашлык белән бирделәр. Арендатордан 2 – НДФЛ формасындагы справка алган идем. Анда салым исәпләнеп тә түләмәгән диеп күрсәтелгән. Миңа декларация тутырып тапшырырга кирәкме икән. Ишетүем буенча бу өлкәдә Салым кодексына үзгәрешләр кертелгән. Шул хакта җавап бирсәгез иде?”

3 февральдә шәһәребезнең Кызыл Бистә урамында биш катлы 60 фатирлы йортны ачу тантанасы булды. Яңа фатирларның бәхетле ияләре, аларның туганнары, якыннары – әнә күпме халык җыелган анда! Көн салкынча булса да, туңган, зарланган кеше юк, йөзләрдә елмаю, бар да шатлана, кулга ачкыч алу мизгелен көтә.

Узган җомгада “Северный” хуҗалыгында 2016 ел нәтиҗәләре буенча хисап җыелышы үтте. Ул җыйнак та, шул ук вакытта бай эчтәлекле дә булды. Баш хисапчы Лидия Егорова белән баш икътисадчы Фаил Котдусов авыл хуҗалыгының һәр өлкәсен алып, һәр бригадага аерым тукталып, күрсәткечләрне алдагы хисап чоры белән чагыштырып, аерманы исәпләп үк чыгарып, кимчелекләрне дә читләтеп үтмичә тулы, аңлаешлы чыгыш ясадылар.

1–2 февральдә Арчаның икенче мәктәбендә “Ел укытучысы – 2017” укытучыларның һөнәри осталыгы бәйгесенең зона этабы булды. Ул “Ел укытучысы” һәм “Педагогик дебют” номинацияләре буенча үтте һәм анда биш районнан (Арча, Әтнә, Балтач, Кукмара, Теләче) үзләрендә иң яхшы дип табылган укытучылар катнашты. Зона ярышларының тантаналы өлешендә Арча районы мәгариф идарәсе җитәкчесе Зөлфәт Дәүләтбаев бәйгедә катнашучыларны тәбрикләп, аларга уңышлар теләде.

Районның балигъ булмаганнар арасында хокук бозуларны булдырмау буенча ведомствоара комиссиясенең утырышы булды. Аны район башкарма комитеты житәкчесе урынбасары Рамил Гарифҗанов алып барды.