ЯҢАЛЫКЛАР
22 апрельдә республикада Урман утырту көне үткәрелде. Ул Арча районында да бик актив узды. Район хакимияте, шәһәр Советы, мәгариф идарәсе, педагогика көллияте, социаль яклау бүлеге, финанс-бюджет палатасы, мәдәният идарәсе, казначылык, социаль белем бирү академиясе филиалы коллективлары район Сабантуй мәйданы, Тау асты, Кызыл Бистә, Ямашев урамнары турысындагы тау битләренә 7 меңгә якын чыршы, нарат, имән үсентеләре утырттылар
Яр Чаллы шәһәрендә VII Бөтенроссия балалар һәм яшьләр мәгълүмат чаралары фестивале узды. Әлеге фестивальдә катнашып, Арча Укучылар сараеның “Нур” балалар телерадиостудиясе III дәрәҗә диплом белән бүләкләнде.
23 гыйнварда була бу хәл. 20 яшьләрдәге ике егет төнлә белән Мәмсә кибетенә кереп, күп итеп тәмәке, аракы, сыра урлый. Ләкин озак “сыйлана” алмыйлар, ике көннән каракларның суынырга да өлгермәгән эзләренә төшәләр. Хәзер аларның эшләре судта.
Носы авылында яшәүче 38 яшьлек Илсур Галимов кешеләр тормышы һәм сәламәтлегенә куркыныч булган спиртлы сыеклык саклаган, ташыган һәм саткан өчен җинаять җаваплылыгына тартылды.
23-24 апрельдә Минзәләдә Татарстанның һөнәри белем бирү уку йортлары студентлары арасында көрәш буенча ярышлар булып узды.
19-22 апрельдә Казанда туган телне саклау, үстерү максатында быел дүртенче тапкыр татар теле һәм әдәбиятыннан Халыкара олимпиада үтте.Олимпиаданың йомгаклау һәм бүләкләү тантанасы 22 апрельдә
М. Җәлил исемендәге опера һәм балет театрында узды.
Арчаның “Өмет чаткысы” балаларны тернәкләндерү үзәге хезмәткәрләре, тәрбияләнүче балалар һәм аларның әти –әниләре шагыйрь һәйкәленә үз куллары белән ясаган чәчәкләрне куйдылар
25 апрель көнне тәрбиячеләр һәм балалар Арчаның Вахитов урамына бардылар. Бу урын юкка гына сайланмады, чишмәдән аккан су тавышы күңелләргә бик ятышлы, рәхәт. Балалар һәм олылар чишмә яны территориясен чистарттылар.
Арчаның “Өмет чаткысы” балаларны һәм яшьүсмерләрне тернәкләндерү үзәгендә “Язгы мәрхәмәтлелек атнасы” һәм “Георгий тасмасы көне” кысаларында хезмәт терапиясе буенча дәрес оештырылды. Балалар үз куллары белән төсле кәгазьдән Георгий тасмалары эшләделәр. Дәрес барышында Георгий тасмасының килеп чыгышы турында әңгәмә үткәрелде.
22 апрель көнне Арчаның “Өмет чаткысы” балаларны тернәкләндерү үзәгендә тәрбияләнүче балалар өчен “Язгы мәрхәмәтлелек атнасы” акциясе кысаларында район китапханәсе хезмәткәрләре “Мәрхәмәтле кино көне”н үткәрделәр. Башта балаларны китапханә эше, яңа китаплар, күргәзмәләр, совет киносының тарихы белән таныштырдылар.