ЯҢАЛЫКЛАР

Әлфия апа кулында илле гөлчәчәктән торган чәчәк бәйләме, күзләрендә – шул бакча гөлләренең нуры, янында чәчкәләргә тиң гүзәл балалары, оныклары, күңелендә – яшьлек еллары, ә артта Хәйнәс абый белән үткәргән бәхетле, тигез 50 ел гомер.

Юллар, юллар… Һәрнәрсәнең үз урыны булган кебек, юллар да тормышыбызда зур роль уйный. Чөнки хәзер һәр хуҗалыкта җиңел машина, хәтта берничә булганнары да бар. Барыбыз да туктаусыз хәрәкәттә. Шуңа юлчыларга карата таләпләребез дә зур. Машина белән җилдереп кенә бара торган тигез асфальт юл кирәк һәммәбезгә. “Татавтодор” ачык акционерлык җәмгыятенең Арча филиалы безнең шундый югары таләпләребезне тормышка ашырырга тырыша. Арча урамнарына асфальт түшәлә, кечкенә авылларга да шундый юллар илтә… Киләчәктә әле барлык авылларыбызга да асфальттан гына элдерербез, дигән өмет уяна.

Айван китапханәсе мөдире Гөлнар Шәмсетдинова: “Авыл пенсионерларын чәйгә җыябыз, язарга килә алмассызмы икән?” – дип шалтыраткач, ничек тә җай табарга тырыштым. Чөнки Айван – минем туган авыл.

Район шахматчылары дигәч, иң беренче булып Мәхмүт Ногманов күз алдына килә. Аны шахмат тактасы артында күрә башлаганга бик күп еллар икән инде.

— Арчада 45 ел яшим, шул вакыт эчендә 56 призлы урын яуладым, — ди ул.

Менә әлеге сөйләшү дә уен белән бергә бара. Очрашуның сәбәбе дә бар — 18 октябрьдә районның оста шахматчыларының берсе булган Мәхмүт Әсәт улына 70 яшь тула. Мин үзем дә бу уенны бик яратам, шуны истә тотыптыр “Ладья” шахмат клубы җитәкчесе Әмир Шәяхмәтов бер партия уйнап алыгыз инде, дип тәкъдим итте.

10 октябрьдә “Арча” спорт комплексында “Арча КСМы” ширкәте кубогына волейбол буенча ярышлар үткәрелде. Бәйгене районның волейбол федерациясе (җитәкчесе Рафаэль Муллагалиев) оештырды.

Ветераннар концертына баруыма сөенеп бетә алмадым. Аларның йөз-кыяфәтен, костюмнарын, үз-үзләрен тотышларын, чыгышларын сөйләп бетерерлек түгел – моны күрергә кирәк.

Марзыя Низамованы 90 яшьлек юбилее белән котларга килгән җитәкчеләрне Яңа Кенәрдә яшәүче Рәшит Хаҗиев татарларга гына хас булган кунакчыллык белән капка төбенә үк чыгып каршы алды. Киң һәм биек тимер капка, яшеллек эчендә утырган иркен ишегалды, зур йорт, һәр тарафтагы чисталык, пөхтәлек биредә оста куллы, тырыш, булдыклы кешеләр яшәгәнне исбатлый.

Арча шәһәренең Сәйдәш урамында яшәүче әбиләр муниципаль район башлыгы Илшат Нуриевка рәхмәт әйтә:

– Күптән түгел Илшат Габделфәртович безнең урамда яшәүче Зәйнәп Хөсәенованы 90 яшьлек юбилее белән котларга килгән иде. Без аннан урамга таш салуда ярдәм итүен сорадык. Икенче көнне үк килеп таш түшәп киттеләр. Сүзендә тора белә икән башлыгыбыз!

Районда мәктәпкә эшкә велосипедта йөргән ике кешене беләм мин. Аның берсе Кәче мәктәбе физкультура укытучысы Хәйдәр Зәйнуллин, икенчесе – 5нче гимназия педагог-оештыручысы Гүзәл Абдуллина.

Спорт ярышларында алар үз дистанцияләрендә җиңми калмый. Бу юлы да шулай булды.