ЯҢАЛЫКЛАР

2015 елның 1 июненнән пенсионерларга пенсия кенәгәсе бирелми башлады.

Балтач районындагы Кара күл янында Татарстан мәктәпләрендә белем алучыларның 60нчы республикакүләм туристик слеты узды. Егет–кызлар арасында узган ярышларда өч төрле җәяүле дистанциясендә (кыска, бәйләнешле, төркем белән), капитаннар, команданы тәкъдим итү һәм пешекчеләр конкурсларында көч сынашты.

9 сыйныфны тәмамлаучылар төп дәүләт имтиханнарын тапшырып, хушлашу кичәләре үткәрделәр. Барысы 572 яшүсмер. Барысы да төп гомуми белем турындагы аттестатны алды. Күбесе белемнәрен һөнәр алу йортларында дәвам итәчәк.

22 июнь – сугыш башланган көн. Хәтер һәм кайгы көне. Каратай авылы халкы өчен ул хәзер яу кырында башларын салган авылдашлары истәлегенә һәйкәл куеп, аларның исемнәрен мәңгеләштерү көне буларак та истә калачак.

Июнь аенда да юл хәрәкәте кагыйдәләрен бозучылар, исерек килеш руль артына утыручылар шактый. Өч атнада гына да 404 очрак теркәлгән.

Иясез этләр күбәйде. Басуларда гына түгел, шәһәр, авыллар эчендә дә. Аларның кош–кортларга, терлекләргә генә түгел, хәтта кешеләргә дә һөҗүм итүләре турында редакциягә дә хәбәрләр килеп тора.

Шекә авылында яшәүче Хәбир ага Кәримов Бөек Ватан сугышы башланган көнне яхшы хәтерли. 1941 елның 22 июнендә аңа 16 яшь тула.

Күпфатирлы йортларны ныклап төзекләндерү программасы буенча эш 2015 елда да дәвам итә.

Арча һәм Әтнә районнары буенча Пенсия фондына тиешле взносларны түләмәгән эшмәкәрләрдән бирәчәкләрен (8 млн. сумга якын) эзләп алу буенча айлык үткәрелде. Шушы чорда Пенсия фонды вәкилләре, суд приставлары, журналистлар белән 6 рейд үткәрелде. 408 мең 95 сум акча эзләп алынды.

Арча ягы танылган шәхесләргә – язучыларга, шагыйрьләргә, мәгърифәтчеләргә бай. Әмма шул байлыкны җыйнап, бергә туплап, халыкка күрсәтә белергә дә кирәк бит әле. Ә бу эшнең нинди мәшәкатьле, вак икәнлеген, күпме вакыт, көч, энергия кирәклеген үзе эшләп караган кеше генә белә. Ринат Фазлыйәхмәтов менә шундыйлардан. Әле быел гына аның Арча ягының күренекле шәхесләре турындагы “Арча ягы зыялылары” исемле китабы басылып чыкты.