ЯҢАЛЫКЛАР

Ярты гасыр бергә гомер итү өчен сабырлык, бер–береңә карата бизмәннәргә салынмый торган ихтирам таләп ителә. Тормыш итү — театр, кешеләр — уйнаучы, дигән бер акыл иясе. Тормышта үзеңә бирелгән рольне намус белән башкарып, кешеләр арасында хөрмәт яулау үзеннән–үзе килеп чыга. Хатын — ирен, ир хатынын хөрмәт итеп яшәсә генә халык арасында ихтирам казана. Ә озак еллар тигез гомер итү — Аллаһы Тәгаләнең бүләге, күпләргә тәтеми торган бәхет ул.

Без Яр Чаллы шәһәрендә спортның бочче төре буенча республика ярышында катнашып кайттык.

Быелның август аенда яңа туган баласын пычак белән чәнчеп үтергән 20 яшьлек Ч. З.га 12 декабрьдә суд карары чыкты. Cуд утырышы судья Альфред Рәхимов рәислегендә булды. Гаепләнүченең элек хөкем ителмәвен, гаебен тануын, үкенүен һәм җинаятьне бала табудан психикасы тетрәнүе нәтиҗәсендә эшләгәнен исәпкә алып, район суды Россия Федерациясе Җинаять кодексының 106 маддәсе нигезендә 2 ел 6 айга иреген чикләү җәзасы билгеләде.

Узган атнада республиканы гына түгел, бөтен татар мохитен шаулатып мәркәзебезнең Г.Камал театры бинасында “Татар моңы” халыкара яшь башкаручылар телевизион фестиваленең гала–концерты булып узды. Тамашачыларга халкыбызның моңын тыңлап хозурлану, яңа, яшь талантлар белән танышудан тыш, күренекле җырчыларны да күрү, аларның яшьләргә биргән хәер–фатыйхаларын ишетү насыйп булды.

14 декабрьдә ТР Хөкүмәте Йортында үткән киңәшмәдә Татарстан Республикасы Премьер–министры урынбасары, авыл хуҗалыгы һәм азык–төлек министры Марат Әхмәтов республика авыл хуҗалыгы җитештерүчеләрендә 15 меңнән артык трактор, 5 мең йөк техникасы, 4,5 меңнән артык төрле комбайннар һәм башка авыл хуҗалыгы техникасы булуын әйтеп үтте.

Алдагы елларда кар ноябрь урталарында ятса, быел ул декабрь башын көтте. Кышның беренче көненнән үк кар–бураннар башланды. Шәһәр урамнарын кардан чистарту хезмәтен башкаручы “Жилкомбытсервис” ширкәте өчен мәшәкатьле чор.

Арча 10нчы балалар бакчасының урта төркем тәрбиячесе Фәния Гыйззәтуллина:
— Геометриядән ачык дәрескә килә алмассызмы икән, — дигәч, миндә зур кызыксыну туды, чыннан да, 3–4 яшьлек балалар бакчада геометриядән нәрсә дә булса өйрәнә алдылар микән?! Чөнки үзебезнең игезәк малайлар шушы төркемгә йөри. Ә әти–әниләрнең, һәрвакыттагыча, алар белән шөгыльләнергә вакытлары (әллә теләк!) юк. Ачык дәрестә Арча балалар бакчаларының урта төркем тәрбиячеләре дә катнашты.

12 декабрьдә авыл җирлекләре башлыклары, сәркатипләре һәм хисапчылары катнашында киңәшмә булды. Аны муниципаль район башлыгы урынбасары Любовь Осина алып барды.

9 декабрьдә илебез Ватан Геройлары көнен билгеләп үтте. Безнең районда да шушы уңайдан очрашулар, тантаналар уздырылды, аларда Геройлар үзләре, хәрби һәм тыныч хезмәт ветераннары катнашты.

“Казан арты” тарих–этнография музееның диварлары бик күп шәхесләр белән очрашуларны истәлек итеп саклый. Ватан Геройлары көнендә Арча тарихына бер гүзәл сәхифә өстәлде: Арча мәктәпләренең югары сыйныф укучылары якташларыбыз — Социалистик Хезмәт Геройлары Стелла Габдрахманова һәм Илсур Шәйхетдинов белән очрашу бәхетенә иреште.