ЯҢАЛЫКЛАР

Ел саен республикабызның РОСТО (ДОСААФ) оешмасы яшьләрнең армия хезмәтенә әзерлеген ачыклау максатыннан автосыйныфларда укучы курсантлар арасында һөнәри осталык буенча “Яшь машина йөртүче — 2013” республика бәйгесен игълан итә.

2 апрельдә Г.Тукай әдәби–мемориаль музеенда “Чәчәкләрнең тамыры туфракта, изгелекнең тамыры йөрәктә” дигән чара үткәрелде. Ул Тукайны тәрбиягә алган Сәгъдетдин Шәмсетдин улы Салиховны (Сәгъди абый) искә алуга багышланды. Кичәгә аның якын туганнары да килде.

Россия Федерациясе Президентының 175 Указы (26.02.2013) нигезендә инвалид балаларны һәм тумыштан беренче төркем инвалидларны карау нәтиҗәсендә хезмәткә яраклы булып та эшләмәүчеләргә 2013 елның 1 гыйнварыннан айлык түләүләр билгеләнә.

Табигатьнең көч–куәтенә исең китәрлек. 31 мартта әле кыш иде. Икенче көнне иртән торсак, бар да “йомшарган” — яңгыр ява, гөрләвекләр ага. Сыерчыклар да килеп җиткән, туган якка исән–имин кайтуларына куанып, канатларын кага–кага сайрыйлар.

Татарстан Республикасы Хөкүмәтенең фермер хуҗалыкларына булышу максатчан программасында авыл хуҗалыгы продукциясен хуҗалык итүнең кече формалары тарафыннан җитештерүне һәм сатуны арттыру, шуның нәтиҗәсендә авылда тормыш дәрәҗәсен күтәрү күздә тотыла.

Муниципаль район башлыгы Алмас Назиров район мәктәпләрендә “Хезмәткә һәм оборонага әзер” (ГТО) нормативлары комплексын “Хезмәткә һәм Ватанны саклауга әзер” Спорт комплексы” исеме астында яңартырга дигән күрсәтмә бирде.

РАЙОНДА балигъ булмаган балалар белән эшләүче комиссиянең чираттагы утырышы булды. Аны район башкарма комитеты җитәкчесе урынбасары, балигъ булмаган балалар эшләре һәм аларның хокукларын яклау буенча комиссия рәисе Надия Мифтахетдинова алып барды. Утырышта балаларның кичке 10нан соң урамда йөрүләре, ата–аналарның балаларына дөрес тәрбия бирмәү очраклары каралды һәм тиешле чаралар күрелде.

30 мартта ТР Хөкүмәте Йортында үткәрелгән республика киңәшмәсендә Татарстан Республикасы Президенты вазифаларын башкаручы ТР Премьер–министры Илдар Халиков язгы ташуга яхшылап әзерләнергә кирәклеген искәртте. Кар бик тиз эриячәк, уяу булырга кирәк. Шул ук вакытта кар астыннан чүп–чар да чыгачак. Законсыз чүплекләрне бетерергә, тәртип бозучыларны җәзага тартырга.

30–31 мартта Арчаның беренче мәктәбе укытучылары үзләре укучылар урынында булдылар, парта артына утырып яңа укыту методикасын үзләштерделәр. Ә дәресне Сингапурдан килгән белгеч миссис Джая Дас (рәсемдә) алып барды.

2 апрельдә муниципаль район башлыгы урынбасары Любовь Осина үткәргән киңәшмәдә беренче көн тәртибендә авыл җирлекләрендә шәхси хуҗалыклардан сөт җыйнау һәм сату мәсьәләсе каралды.