ЯҢАЛЫКЛАР

“Арча хәбәрләре” газетасы редакциясе үзәк китапханә белән берлектә китап сөючеләр арасында “Яшьлек елларым китабы” исемле бәйге игълан итә. 1 февральдән 30 сентябрьгә кадәр яшь вакытта укып, күңелегезгә уелып калган китабыгыз турында әдәби тел белән язылган хатирәләрегезне (китапның авторын, исемен күрсәтеп) үзәк китапханәгә яки электрон адреска җибәрә аласыз

“Казан арты” тарих–этнография музее хезмәткәрләре 3 февраль көнне Казан шәһәренә сәяхәт кылдылар.

2015 елда Арча районында 311 җинаять теркәлде, 2014 елда 202 иде, үсеш 54 процент. Былтыр җинаятьләрнең 75,3 проценты ачылды (2014 елда 79,6 процент).

Якташыбыз, шагыйрь, журналист, галим, педагог Хәнәфи Бәдигыйга 75 яшь тулды. Шул уңайдан Арча үзәк китапханәсе “Казан арты” тарих–этнография музее белән берлектә “Әдәби кунакханә”дә юбилей кичәсе оештырды. “Туган як тургае” дип аталган бу кичәдә китапханәнең актив укучылары, “Каурый каләм” әдәби–иҗат берләшмәсенең һәвәскәр шагыйрьләре, студентлар катнашты.

2016 елның 29 гыйнварендә Казан шәһәрендә 14 музыка мәктәбендэ “ Жиганов — VIVO” I Республикуләм фестиваль- конкурсы булып узды. Конкурс ике номинация буенча узды: аерым башкару,ансамбль белән инструменталь башкару. Конкурста Арча балалар сәнгать мәктәбеннән фортепиано бүлегеннән узләренең укучылары белән 4 укытучы катнашты.

28–29 гыйнвар көннәрендә Арча шәһәрендә яшәүче гражданнарның җыеннары үтте.

Аларда шәһәр башкарма комитеты җитәкчесе Рөстәм Касыймов, аның урынбасары Камил Гомәров 2015 елда башкарылган эшләр, 2016 елда алда торган бурычлар турында чыгыш ясадылар.

Авыллар арасында “Төп йорт килене–2016” район бәйгесе бара. Бәйге татар халкының гореф–гадәтләрен саклауның гаилә өчен мөһимлеген ачыклау, татар хатын–кызы образының рухи һәм мәдәни кыйммәтен билгеләү, яшьләрдә әхлаклылык, әдәплелек тәрбияләү максатында үткәрелә. Шарты буенча анда төп йортта яшәүче төрле яшьтәге киленнәр катнаша ала.

Илнар Ильязов Кәче авылыннан. Арча агросәнәгать көллиятендә төзүче–мастер булырга укый. Голбол уйный. Спортның бер төре ул. Бездә таныш түгел. Илнар аңа Лаешта сукырлар өчен мәктәптә укыганда өйрәнә.

Арчада “Сәламәтлек” спартакиадасы кысаларында район башлыгы призына көрәш буенча ярышлар булды

РФ Хезмәт кодексының 142нче маддәсе нигезендә, хезмәт хакын 15 көннән артык түләмәгән очракта хезмәткәр, эш бирүчегә язмача рәвештә белдереп, тоткарланган сумманы түләгәнчегә кадәрге чорда эшен туктатырга хокуклы.